TOURIÑO, TARDE PIACHES

             Participai e votai, á dereita tedes a entrada pra facelo, graciñas

 

          O Secretario dos Socialistas Galegos acusa ó PP de ter dado concesións eólicas a dedo e querer seguir facendo o mesmo agora, anulando o Decreto do bipartito.

          A  espantada da Comisión dos eólicos fora unha decisión persoal de Touriño, quíxose desmarcar pra que non lle atacasen nos medio de comunicación afíns ó PP e, o mesmo  tempo, gaña-lo seu apoio; xa se veu o resultado. Unha oportuna aclaración de Pachi pode deixar as cousas onde teñen que estar, aínda que doia, rectificar é de sabios.

           Supostamente, Feijoo atopou ó menos tres motivos de ilegalidade no Decreto do  bipartito, non di cales son, deben de ser tan secretas que solo existen na súa imaxinación e en Génova.

          O resto dos mortais, que carecemos desa misteriosa ciencia, da que Deus dotou a Feijoo, queremos saber cales son eses motivos de ilegalidade, non subsanables, que o obrigan á anulación do Decreto e meterse nunha maraña de reclamacións, preitos xudiciais e indemnizacións. Pra empezar, queremos ver  ese informe que di ter e,  se é o caso, como se contradí a Asesoría Xurídica, que comparezan os autores a  dar contas no Parlamento; como é normal nunha  democracia, baixo a que vivimos, mais que lle pese a Feijoo.

          Non vos preocupedes, non terá cartos pra sanidade, educación ou servicios sociais, pero si terá pra preitos, liortas e indemnizacións. Os negocios privados dos amigos son o primeiro