¿AINDA ESTAMOS DE CAMPAÑA?
Os que seguiron as declaración de Núñez Feijoo, seguro que dubidan de se a campaña electoral rematou; seguen coas rebaixas, eu pensei que xa estabamos en temporada de inverno, pero non, para algunhos a temporada de rebaixas segue. A Xunta vai reducir un 15% os gastos de funcionamento, segundo Feijoo.
Todos estamos de acordo en que a austeridade debe ter como consecuencia inmediata a reducción dos gastos correntes. Feijoo xa cuantificou a reducción nun 15%, eso é o mesmo que prometeu en campaña; pero como vai reduci-los gastos de funcionamento, si o primeiro que fixo, nada mais tomar posesión foi aumenta-la estructura administrativa, sen que se compensara, nin de lonxe coa reducción nominal do número de Consellerías; digo reducción nominal porque as sedes, estructura administrativa e servicios anexos das Consellerías nominalmente suprimidas, segue intacta.
Vendernos ese conto, insistindo na mesma mentira non ten sentido, a non ser que se ateña a aquel dito de que unha mentira, a foza de repetila, a xente crea. Si quixera practicar unha austeridade orzamentaria ese sería un bo comezo. O malo son os feitos, que deixan en propaganda electoral as declaracións:
1º.-incremento da estructura administrativa da Xunta coa creación de cinco superdelegacións, que nin de lonxe, son compensadas por supresións de Consellerías; insisto, non da súa estructura..
2º.-Incremento de altos cargos e asesores, así como outros cargos de libredesignación.
3º.-Transferencias correntes, sen sequera estar presupostas.
4º.-Diminución drástica en gastos sociais: educación, servicios sociais e dependencia.
5º.-Diminución en gastos de inversión; especialmente en infraestructuras, xa presupostadas, sanidade, educación e servicios sociais, onde chegan a non abrir centros xa rematados.
Qué pasa cos remanentes de crédito, é dicir co presupostado e non gastado. Que se saiba, a mais de dar cartos os amigos, non executaron os orzamentos, imaxínome que pro ano van ter moitos cartos.
Non é cousa de que fagamos aquí un análise pormenorizado simplemente reseña-lo mais salientable.
¿Quén da mais?; agora contarannos milongas.
3 comentarios
piuxiño -
Son unhos axitadores natos que viven de revolver ao personal!!!
Sartalo -
En canto ao que se di no artigo, o problema do PP é que sempre está en campaña. En vez de deixarse de lerias e aplicar o prometido seguen a darse fanfarria cas mesmas historias...
pitaazul -