OS QUE NUNCA MORREN

 

          A súa obra transcende a unha longa vida adicada a Galiza. Na historia permanecerá pra sempre case un século de dedicación a Galiza. Ese gran home, ese galego nado na chaira luguesa, D Francisco Fernández del Riego, foi un galego total, que deixou a súa pegada na cultura galega, cofundando a revista GRIAL. Deu un pulo decisivo á RAG, actualizando os seus estatutos, que databan de Murguía; animando e unindo tódalas iniciativas culturais, de identidade coa terra, alí onde houbera unha colonia de galegos. Xunto con Bóveda, Castelao, etc., é un dos persoeiros que merecen, por mérito propio, que os seus restos descansen envoltos na bandeira galega. Haberá moitos  mais que merecen esa honra, pero o seu espírito, que nunca morrerá, as súas ensinanzas constitúen unha erdade  pros ben nacidos.

        Dicíase que o mércores, día 30, se lle á facer unha homenaxe póstuma por tódalas Institucións, e así foi.  Que a Xunta intentara monopoliza-lo acto, era como unha afrenta, mais que unha homenaxe. Non me podo imaxinar a ningún membro do goberno capaz de interpretar o papel de galegos apenados polo pasamento de Fernández del Riego, cando era pública a distancia humana, ideolóxica, ética e de compromiso entre Fernández del Riego e a tropa. Deixádeo descansar en paz.