LUMES NO MONTE E NO PARLAMENTO

 

        Mentres Ourense ardía e o aire se volvía irrespirable, o Superdelegado, o home  de Feijoo en Ourense, pasaba dos problemas da provincia e ía a Madrid ver un partido do Real Madrid, do que é un gran seareiro.  Non ía ir apaga-los lumes cunha mangueira, dixo. Entre iso e  demostrar, ou facer  crer, que lle preocupa a provincia, as súas xentes e os seus bens, hai moito recorrido. Ademais, coa mangueira emulaba a Feijoo; seguro que o ían  retratar tan guapo como a Feijoo.  Despois da lea que se montou e dunha chamada á orde  dende  San Caetano, rectificou parcialmente e dixo que fora a Madrid ve-los  fillos, O partido tamén. No Pazo do Hórreo, o Presidente coa súa habitual maneira de comportarse, respondía con dureza as interpelacións parlamentarias sobre o tema, con chulería, desprezo e unha alarmante agresividade.  Voto de menos a Beiras, pra responderlle como se fixo merecente.

3 comentarios

[Ruxeruxe - 24 de octubre de 2011 - 18:10]

Pois a min isto lembroume a cando o de Fraga cazando mentres as costas galegas se enchían de "hilillos de chapapote" en palabras do vindeiro PREMIER. Caza, futbol, pilinguis...o caso é calquera cousa menos atender o que teñen que facer

[Retrincos - 24 de octubre de 2011 - 17:36]

Xa tivo que ser de órdago o do Rogelito o outro día, como para que ata o inmoral de Rueda se escandalizase e tivese que chamalo a capítulo.
Dende logo, a quen se lle ocurre!!! O territorio ardendo polos catro costados e o tío tan pancho vendo a Cristianito e os seus secuaces. De coña...

[Anónimo - 24 de octubre de 2011 - 14:08]

De verdadeira vergoña o do superdelegado, pero que se ía agardar dun tipo así. Irse ao futbol, dame igual si en Madrid ou en Petín, mentres arden os montes, e de xulgado de garda. O pior é que nada extraña en Ourense...parece que están durmidos!!!