CALCULADAMENTE AMBIGUO

  

       O PP, despois das moitos puros que Rajoy fumou na oposición, sen que o fume dos seus cigarros deixara ver o seu programa de goberno; presentou un programa, que non é un programa de goberno, senón un conxunto de intencións ocultas, que Rajoy quere elevar á categoría de programa, pedíndolle ós electores un auto de fe. No programa utilízanse eufemismos; así fálase de medidas liberalizadoras, non de privatizacións; fálase do aforro, referíndose ó capital; as concesións a empresas privadas chámalles colaboracións, etc. Nese nebuloso programa, Rajoy promete unha baixada de impostos, mantemento do gasto social e cumprimento da redución do déficit.  É evidente de que esas promesas son contraditorias, que seía mais doada a cuadratura do círculo que leva-las a cabo. Poren as enquisas danlle uns resultados de vértigo. É comprensible que lle retiren a confianza ó PSOE, porque lles roubou as esperanzas a tódolos que depositaron as súas ilusións nel. Mais apoiar a un PP,  que vai ás eleccións cun programa calculadamente ambiguo, con claras intencións de engano, resulta incomprensiva. Houbera sido lóxico, no caso e Galiza, un trabase de votos do PSOE ó BNG; pero a inexplicable lóxica electoral, semella ter outro discurso.

3 comentarios

[Lorcho - 08 de noviembre de 2011 - 18:37]

Non sexades tan negativos. Nun contexto político tan bipolar coma o actual, o BNG ten bastante con manter a súa representación nas Cortes Xerais. O seu traballo na última lexislatura non foi tan discreto.
Hai que ter en conta que malia os anuncios iniciais do Goberno central de apostar por unha saída social á crise, o Goberno central asumiu sen matices un programa económico de dereitas, que tivo que enfrontarse á oposición e alternativas formuladas
desde unha óptica nacionalista e de esquerdas que representou o BNG.
Penso que ben marecen un respaldo o 20 de novembro próximo da cidadanía galega. ´
O que se sinta galego de verdade, claro. O que non supoño que terá mellores alternativas

[Anónimo - 08 de noviembre de 2011 - 18:00]

Efectivamente, o BNG arrastra unha terrible falta de predicamente entre o electorado dos seus cabezas de lista nestas eleccións. Alomenos, ainda que non era santo da miña devoción, Quin tiña algo maís de cartel e chamaba polo voto. Dame que os resultados non van a ser moi bos

[Enxoito - 08 de noviembre de 2011 - 14:38]

Eu lamento que o BNG non teña a forza necesaria de transmitir a sociedade que pode ser unha forza política útil en Madrid para defender ao noso país. Mesmo semella que os seus dirixentes non toman demasiado interese en loitar nestas eleccións.
Evidentemente, os mass media non axudan, tan só preocupados polo bipartidismo PP-PSOE.
Negro panorama para o nacionalismo galego o 20-N ao meu pesar.
Veremos...