FUMATA EN SANTIAGO

 

 

   Intentouse, pero non puido ser. A campaña montada dende a Xunta polo tridente constituido por Feijoo, Rueda e Hernández non deu o resultado esperado. Intentaron defender a Conde Roa, poñendo,  como    sempre, o ventilador, remexendo , inventando e difundindo os mais disparatados rumores. O asunto do alcalde de Santiago xerou gran inquedanza en Xénova. Malia que dende San Caetano se presionaba, porque eran presionados, pra que Conde Roa dimitira, o interesado agarrouse a teta e non quería cesar, mesmo chegou a anuciar unha rolda de prensa pra xustificarse. Isto motivou a convocatoria dunha xuntanza dos concelleiros do PP de    Santiago, presididos por Feijoo, na que se acordou o cese de Conde Roa. Si o PPg xa coñecía os antecedentes cando o propuxo pra candidato á alcaldía demostra que en San Caetano hai cómplices. A  guinda púxoa Conde Roa cando dixo na rolda de prensa que  ninguén o presionara  pra dimitir

3 comentarios

[Anónimo - 17 de abril de 2012 - 15:52]

Para ridículo o papelón de Feijoo chamando á orde a este lacazán, para logo presumir de que dimitindo tivo un xesto que lle honra.... Q chorrada. Ainda teremos que quedarlle agradecidos e todo a semellante rufián. Incrible

[Ventreus - 17 de abril de 2012 - 14:58]

Non vos fagades ilusións, tede en conta que se a Telmo Martín, o deputado máis rico do Parlamento galego, lle perdoaron unha débeda grazas a un informe "aclaratorio" da que vai ser novo xefe de Costas de Pontevedra, anterior subordinada do pai de Alfonso Rueda, actual conselleiro de presidencia, calquera cousa pode pasar.
(Favor pagado co seu nomeamento). Pode haber máis merda na política do PP de Galicia?
Difícil

[Picheleiro - 17 de abril de 2012 - 14:56]

Tes razón, é curiosa esa característica común aos corruptos neste país: cando se dan a coñecer todos os seus desmáns, de súpeto angustíanse en defender a honorabilidade que perderon xa hai moito. E son únicos para inventar contubernios.
É que iso de chegar á casa e dicilo aos fillos que o seu pai é un galopín debe ser moi duro!