MENTIREIROS E FALSOS
A última enquisa sobre a indemnización por cese pros políticos da Xunta foi un pato difícil, porque houbo problemas co servidor, ó final arranxouse, que é o que importa. Mais da metade dos que opinaban dicían que era unha desvergonza, pero un 17% estaban de acordo coa indemnización, posiblemente tiñan razóns persoais pra opinar así, un 12% simplemente non estaba de acordo; esta minoría non estaba de acordo, pero supoño que era desa minoría que non se indigna; eu como a maioría estou indignado e escandalizado. Habendo tanto parado, tan mal a economía, tantas restriccións orzamentarias, tantos dependentes sen axudas, tantas familias sen ningún ingreso, estes dispendios son escandalosos. O responsable últimos non son os políticos, somos nos, os votantes; temos que ter menos ideoloxía e mais sentido práctico. As listas electorais tiñan que ser abertas, pra que puidéramos votar a persoas, antes que os partidos. Os feixonianos, basearon a súa campaña en bulos e mentiras, agora como os novos ricos vense por riba dos cidadáns, aínda que dende a súa óptica vennos como vasallos dese castelo feudal no que converteron a Galicia; así que había que dicir que levitan nun plano elevado, pra que nos lles cheguen as miserias do pobo; un pobo, que en parte, vive na mugre, pasa fame e frío, cun paro de vértigo, namentres os gobernantes poñen as pousadeiras en coches de estrea, literalmente puxeron o cu no plástico; namentres se permiten ter parados 17 audis pros que non atopan comprador; comen nos mellores restaurantes, pagando nos a conta, visten de marca, reláxanse e spas, incuso algunhas políticas galegas levan os caniches a que lles fagan a manicura. Co bo goberno de Feijoo o paro subiu o pasado ano en cerca dun 20%. Temos un paro por riba da media de España; certo é que Zapatero ten a súa parte de culpa, pero non é menos certo que un pilar da súa campaña electoral foi culpar o bipartito do paro, se é coherente, que non é, debera recoñecer e aplicarase as mesmas responsabilidades que lle atribuíu a outros, e admiti-lo fracaso da súa política. O chegar ó poder, apartouse da política de emprego que iniciara o bipartito, o cal sería lexítimo e comprensible, si tivera un plan propio, pero non o ten. Pra colmo a conselleira do paro demostra ser unha incompetente na xestión da súa area, unha auténtica bonsai, que non destaca dos colegas de gabinete. Hai profesionais do paro, pero non debemos xeneralizar, nin banalizar o problema
5 comentarios
Chusquiña -
Por certo, para cando outra enquisiña???
a cabra do saviñao -
As veces cústame collerlle as voltas ao autor. Xa non sei se o dí de verdade ou estase a cachondear...je,je!!!
Por outra banda, o que se publica hoxe é tal como xa se comentara noutras entradas. Un dos maiores defectos deste des-goberno e a súa lonxanía coas xentes do común, co pobo galego. Mesmo semella que viven nunha nube, máis dura será a caída...
Ramiro -
Entón, unha de dúas, ou este blog é lido polas altas esferas da Xunta (algo probable, porque outra cousa non se ve que fagan), ou moito joputa hai solto só para amolar ao personal.
Porque do que non me queda dúbida é que ninguén de boa fe pode estar dacordo con iso na situación económica que estamos a padecer...
leborán -
sartalo -
Puxeron o cu no plástico!!, que boa esa definición de ir de estreo. Quédome co dito.
Por certo, aproveito para comentar o mal que están as estradas esta mañá por Galicia adiante. Onde está o goberno galego para poñer solución aos problemas de mobilidade dos cidadáns deste país??
E que non tiñan previsto semellante desfeita??
Menuda vergoña...