BENEFICIENCIA

 

 

 

            Na Consellería do paro todo é posible. Mal imos se  a Conselleira do paro non arranxa a casa; unha Directora Xeral súa, que  ten o  seu  cargo a  vixilancia do cumprimento das normas de relacións laborais foi condenada por violar a súa empresa as normas, cuxo cumprimento ten que protexer; mal, moi mal anda a cousa.

            A citada Consellería é todo unha mostra do que pretende Feijoo, o peor  gobernante dende Godoy, a eliminación de tódolos servicios públicos.

            A muller fai o que pode, malia imaxe de extremismo ideolóxico. Son estereotipos que a perseguen.

            Que culpa ten ela de que haxa xente que teña a mobilidade reducida ou outras eivas; eso de xantar na casa non deixa de ser un capricho; ela mesma come fora da casa.    ( as facturas pagas a Xunta, e   dicir, nos).

            Tamén hai xente moi caprichosa. ¿ A que ven eso dos Canguros pra coida-los nenos mentres os pais saen?. Eses do bipartito non se enteraran de que os canguros son uns animais de Australia. Menos mal que esta muller tan lista, traballadora e preocupada da cousa pública e da humanidade chegou a tempo de poñer remedio.

           A   dependencia está paralizada;  Feijoo prometeu pagar e agora non se lle pode deixar co cu o aire; hai que  inventar algo, o problema é que non saben onde foi a neurona  pra  pensar; o mais socorrido: votarlle a culpa o bipartito.

            O Xerente do Consorcios anda moi ocupado buscando furados no orzamento; ten detectives examinando con  lupa  tódolos papeis do bipartito; así cando lle pregunten por qué ten paralizados ós servicios, pódelles dicir que o bipartito deixou un buraco orzamentario, que en dous meses gastaron o presupostado pro ano. Así plantexadas as cousas atópase nun dilema; ou ben os do   bipartito traballaban moito e eran moi eficientes, ou el é un inútil, incapaz de xestiona-los asuntos. Difícil elección.