XOGAR CO PAN

 

 

 Á dereita, en resultados, podedes votar ó artigo de setembro.

 

                  Os traballadores do Consorcio viven momentos de inquedanza, o PPg xoga con eles sen miramentos. Non lles quere realizar probas selectivas obxectivas, o que queren é o camiño libre pra colocar a dedo.

                  O Consorcio non se librou de recortes orzamentarios; de feito a Consellería do paro e  a de Educación   foran   as que mais se viron minguadas economicamente, sen que eso afectara ás subvencións a Entidades privadas, algunhas sen ningunha utilidade pública. Todo elo, é froito da  concepción ideolóxica do goberno actual da Xunta

                  O Consorcio amagou con revisar de oficio probas xa convocadas, de feito a revisión é unha indirecta descualificación dos traballadores, aínda que el se cure en saúde, facendo aclaración de que non teñen nada contra dos traballadores. Que queredes que vos diga, os traballadores son os que pagan o pato destes amorais, que vulneran a seguridade xurídica e nos devolven as cesantías do século XIX. Da a impresión de que se equivocaron no movemento da moviola.

                 Pra que logo digan que o Bipartito non traballaba; segundo este personaxe do Consorcio, cando el chegou, no primeiro trimestre xa as arcas estaban valeiras, polo que non puideron prestar servicios, nin abrir centros xa rematados; non como pensaban algunhos, que dicían que era un inútil. Non xestionaba o consorcio porque se atopaba mirando baixo das alfombras, xa se sabe que teñen os seus mentores unha impecable moralidade na xestión dos servicios públicos, o de Gürtel é un invento