CARTA A MINISTRA

 

  A alarmante e irresponsable actuación do goberno no asunto do ebola, reflésxase nesta carta dun médico español voluntario en Serra Leona:  Vostede debe ter coñecemento a estas alturas de que os equipos de protección persoal, tecnicamente chamados PPE (Persoal Protection Equipment, aínda que os chamarei traxes, para abreviar) que se usaron como protección non eran os axeitados para esta enfermidade. Como xa debe saber, a OMS ten diferentes graos de protección segundo a enfermidade á que fai fronte, e o ébola require o nivel máis alto de protección pola súa gravidade, o seu alto risco de contaxio e, sobre todo, polo pouco coñecemento que os profesionais temos desta. O traxe axeitado illa completamente do ámbito, non hai nin un micron de pel sen protección, sen cubrir, e algúns dos elementos son dobres, como é o caso das luvas. Os compañeiros que entran regularmente a unha zona de risco, zona de illamento ou que poidan estar nalgún momento en contacto con pacientes sospeitosos ou confirmados, ademais de levar o traxe, reciben un adestramento de 2 semanas nun centro axeitado e por profesionais cualificados. No noso caso, aquí en Serra Leoa, é Médicos Sin Fronteras quen nos dá o adestramento, probablemente os profesionais con máis e mellor experiencia, os que mellor saben tratar e xestionar o ébola. As medidas de protección son moitas máis que o traxe de protección, e lévanse para|a efecto constantemente (spray con auga clorada, recipientes para lavado de mans con auga clorada en cada esquina, desinfección con este mesmo tipo de auga para adoites de zapatos, etc.). Só para darlle unha idea: a colocación correcta do traxe (PPE) leva uns 10 minutos, e a retirada deste é un proceso duns 20 a 25 minutos onde se seguen estritamente uns pasos ordenados e baixo a supervisión de dúas persoas: unha, continuamente desinfectando con spray; e outra, recordando os pasos que hai que seguir.