TOMAR COMO EXITO UN FRACASO

 

 

 

          Malia a haber neste exercicio un 66%  mais de incendios que nos dous exercicios anteriores  o Conselleiro de medio Rural fixo un balance positivo  do mesmo e amosouse satisfeito da    campaña;  claro se este non fora un verán de chuvias, o  resultado sería de catástrofe.

           O dispositivo contraincendios deseñado polo bipartito non valía, porque eles teñen orde de borrar todo vestixio do goberno anterior, e eso é o único que fan. Non  sei si consideralos uns burros, uns irresponsables ou uns ineptos; pode que as tres cousas.

           Dicían que tiñan o mellor sistema contraincendios; tiñan razón. A chuvia natural é o mellor sistema contraincendios, e Feijoo, que manda mais que Deus, decidía  cando tiña que chover;  xa se veu o efectiva que é a auga contra ó lume, en canto paraba de chover ardía o monte.

            Si algo fallaba tiñan outra valiosa arma, a falla de información. Din que o que non se sabe é coma  si non pasara. Pra facer un engano masivo, pra ter  a un  pobo adormecido é necesario  telos mal informados, e  neso o PP é especialista.