TENRO
O de SANTA TERESA non é un invento meu, foi a comparanza que fixo Romay de Barjas. Os dous comparten unha fe dentro da fe. As súas crenzas relixiosas e a militancia no OPUS DEI é algo que merece ríspeto; o que xa non é, sequera admisible, é que a súa militancia ideolóxica e relixiosa a Queiran impoñer a todos.
Na foto vémolos compartir as confidencias da política, baixo a atenta e compracente mirada da Deputada por Pontevedra. Pra darlle un pouco de picante á foto e vida terreal, vótase en falta ó Presidente da Deputación de Pontevedra e Telmo. Entón si que o cadro acadaría unha apoteose de misticismo, digna do Greco, amosando o terreal e o espiritual.
Sen deixarse levar pola tenrura das imaxes, recordemos catro cousas: Romay foi chamado polos mandamais do PP pra dar unha nova imaxe das contas de Xénova, que fixeran esquece-la corrupción económica interna, e pra eso nada mellor que un venerable ancián.
A Sanidade manexa moito diñeiro, si se poden facer recortes es destina-los cartos a outros proxectos, é o sitio axeitado. O Hospital de Vigo foi o primeiro en sufrir recortes e a súa construcción e explotación estarán a cargo dunha empresa privada. No proxecto de ampliación do hospital de Pontevedra era unha minucia económica o que custaba, a Administración Local xa se involucrara na infraestructura, pero chegou a Administración de Feijoo e escuros intereses se conxugaron, abandonando o proxecto pra mudalo e acomete-la construcción dunha nova infraestructura. A proximidade das eleccións locais, determinou, no mais puro estilo caciquil, recortar 90 millóns de euros, 15.000 millóns das antigas pesetas, pra transferilas ós concellos, por suposto do PP, pra apuntala-los candidatos de cara ós comicios electorais. Como na antiga Roma Circo pro pobo, que implementan coas algaradas dos galegos da diaspora. ! Que grandes son!.
Gracias á Conselleira de Sanidade, os doentes do rural terán que desprazarse á capital pra atención médica. Ben feito, son os seu votantes e hai que poñerlles o celicio. OS Centros de Saúde, sostidos na súa maioría polos concellos, irán pechando. Cada pobo ten a colleita do que sementa.
4 comentarios
Val Miñor -
Primeiro faltou a verdade cando dixo que eramos catro matados, e logo dixo que a xente fora enganada.
A iso chamo eu ter cara, e o resto son coñas!!!
Volvoreta -
Noraboa polo blog
Pontevedrés -
Coa cantidade de cartos que se levan gastado no Complexo neste últimos anos, e pensar que agoran queren comezar de novo...
Todo sexa para encher os petos dos amigotes e dos construtores. Xa vexo ao Telmo afiando os seus dentes de coello. Agora que se lle acabou o chollo da construcción residencial, a ver o que tarda en meter o coitelo nesta tarta!!
Boutureira -