XENETICA

 

             Din que o noso antepasado foi o mono: logo evolucionamos, e chegamos á raza actual, evolucionando e  adaptándonos ó medio, pero uns somos mas cercas o mono, outros adiantáronnos no desenrolo xenético.

            No gando, co obxecto de mellora-la raza buscouse a mellora xenética e moitas explotacións agrarias melloraron con este método. A mellora xenética, foise aplicando moitas sementes, así que non foi soamente o gando, o sometido á selección xenética. O sistema non se aparta do que a natureza houbera  feito cos anos; distinta é a manipulación  xenética, sistema polémico no que non  nos imos a ensarillar.

            Cando oímos falar de xenética sempre pensamos nos casos anteriores, pero mira por onde, algún prócer, presidente dunha Deputación galega, ocorréuselle recorrer á xenética pra explica-la razón de que a maioría das vacantes da oposición fora ocupadas por fillos do PP; segundo a súa teoría os aprobados, emparentados con cargos e militantes do PP, tiñan unha mellora xenética e eran mais intelixentes cos demais.

             Nas probas que a Xunta fixo recentemente en Silleda houbo algo curioso: os cinco que sacaron mellor nota inscribíronse nese prazo extraordinario que deu a actual Xunta, logo de modifica-las bases. Esas lumbreras en 45 días prepararon as oposición e sacaron as mellores notas, dos cinco, tres son parentes. Se alguén o quere crer, alá el.

             Os sindicatos afastáronnos do proceso selectivo, non queren testigos

            A algunhos repartíronlles uns “exames”, ou o que foran sospeitosos; cando un opositor quixo protestar, mandárono sentar, e colocouse o seu lado unha vixiante; eso  fai sospeitar que todo viña amañado das mais altas instancias e que hai mais casos cos citados. Visto, o visto; tódalas probas que fixo a Xunta son  sospeitosas.

            O episodio de Silleda pon sobre a mesa unha corrupción e uns pucheirazos dun descaro maiúsculo. O igual que os iceberg esa foi a parte mais visible, por debaixo e extrapolando a corrupción ten que ser de record. Aínda pretenden adornas mais o escándalo, nomean a Bouzada, funcionario cercan a Rueda pra que investigue o caso; non deixa participar a ningún sindicato, nin elemento alleo á Presidencia; filtran que a fuga de información foi por alguén alleo á Presidencia. Unha opositora, vendo sospeitosos manexos no exame fíxollo saber o Tribunal. Resultado, negáronlle calquera anomalía e puxéronlle un vixiante o seu lado. Eso si que foi un  xuízo con execución incluída. As intimidacións están aí, á xente ten medo, porque perciben que as anomalías veñen dende o mais alto.    

             Os opositores supoñen a existencia listas negras e teñen medo as represalias, pero os sindicatos e a oposición teñen que leva-lo asunto ó xulgado, ou onde faga falta, nin moito menos poden confia-lo asunto a investigación prometida pola Consellería da Presidencia; xa saben en que rematou o da Deputación: cousas  da xenética. Deus tamén debe ser do PP,  Descoidade xa está un amigo de Rueda investigando.    

              Cando votaron os sindicatos do proceso selectivo e abriron ese prazo extraordinario, díxenlle a un coñecido: están preparando algo, nade, en 45 días prepara unha oposición; non solo eso, tamén sacaron a mellor no. Cousas veredes que farán falar as pedras