A HIPOCRESIA

 

 

 

                  Por desgracia vemos na vida diaria a xente hipócrita, que parece que está actuando, e o que menos lle importa é a verdade e a realidade. O mundo que nos pintan é tan irreal, que nos da a impresión de que vivimos nun soño.

                 As liñas orzamentarias do proxecto presentado por Feijoo, no Pazo do Hórreo, son coñecidas, tamén a súa inclinación a non dici-la verdade, pero co gallo do complemento autonómico das pensións superouse. Membros do seu goberno, en foros de debate, xustificaron a supresión deste complemento, el mesmo tamén falou de elo. Na política de deconstrucción do PPg era lóxico a supresión deste complemento, á marxe de toda política orzamentaria; pero o cirio que se armou foi tan grande que Feijoo viuse na obriga de recoller velas, e rectificar; hasta aí normal, pero Feijoo no debate parlamentario, facendo uso da súa chulería e a mais rastreira hipocrisía mentireira, dille os parlamentarios da oposición que non saben ler, que o complemento  que discuten estaba aí.

                   As  decepcións non rematan aí; cando hai unha interpelación agardamos que o interpelado responda o que se lle pregunta; pois non, responde o que lle da a gana, que a maior parte das veces ten pouco que ver co que lle preguntaron; pero poden ir mais aló, ameazando o que os interpelou. Esto que, ultimamente dáse con demasiada frecuencia, Rivas ponlles a guinda nas comparecencias.

                      As mas que sospeitosas, recentes, oposicións da Xunta debían ser motivo pra armala no Pazo do Hórreo, pero non pasa nada, a peña está tranquila.

                       Os orzamentos e o aborto, lévannos a es mundo irreal que pintan algúns parlamentarios. A posición contra o aborto no parlamento, ademais de carecer de obxectividade nos argumentos e sensibilidade social, é de unha hipocrisía alucinante.