GALIZA NON SE RENDE-II

 

 

É imprescindible, é urxente que as bases falen, que os dirixentes se retiren ou se vaian ó paro, que a UPG deixe voar ó Bloque. Un comunismo ortodoxo como o da antiga Albania, que encorsete a militancia, vivindo fora da realidade do país, ten pouco futuro. Non deben crerse os de Beiras no camiño de rosas porque tiveran un notable éxito electoral, produto dunhas circunstancias puntuais e beneficiados polo carisma de Beiras, ó que todos veneran en Galiza; pero a realidade é que Beiras vai pros oitenta anos,  e Galiza non se pode acabar con él. Beiras é e o único que pode liderar unha catarses do  nacionalismo  pra que tódalas familias galeguistas pensen en Galiza e pospoñan as súas particulares ideas da organización. Compromiso  x Galiza ten que ser unha pata mais dun novo proxecto galeguista, que o que menos importa é como se chame . Un comentarista do blog, logo de dicir que é moi difícil loitar contra da propaganda do PP, pregúntase si realmente existe unha alternativa viable ó PP, xa que uns románticos antisitema non son tal.   A loita continúa di, outro, e preguntase si o grupo de Beiras se manterá, ou rematará nun soño. Eu estou de acordo en todo, o mesmo co que di que hai que seguir loitando; porque perdemos unha batalla, pero segue a guerra

1 comentario

[Retrincos - 26 de octubre de 2012 - 10:42]

Lamentablemente tes razón no que dis cando comentas que Beiras non é futuro para o nacionalismo galego, principalmente pola súa idade. Pero aínda pode cumprir por un tempo, que eu espero sexa ben longo, como referente ético para as novas xeracións. Hai xente nova, ben preparada nas bases dos partidos que compre promocionar. Se cadra as vindeiras municipais pode ser o momento de dar un susto ao poder omnímodo do PP, acadar algunhas alcaldías potentes que servan como rampa de lanzamento, e que poidan dar a coñecer novos rostros cos que a xente se poida identificar.
Todo isto é a medio prazo, ao curto a batalla está perdida de antemán.
Pola contra se queren poñer o carro diante dos bois ou pensan que poden atropellar ao PP, co poder que todavía retén nas institucións (e todos os mecanismos que iso supón: axudas, subvencións, contratos...etc.), mal vamos.
A modiño, sen prisa, pero sen pausa.