VAISE DESDAPANO O GÜTEL

 

            Con motivo do artigo que publiquei sobre o Gürtel  en Galicia, dicía que o que se sabía do Gürtel  en Galicia era solo a punta do iceberg.

              Con esto do quecemento global os xeos do polo norte vanse derretendo e despréndense bloques, ós que as correntes mariñas arrastran pra  Galicia. Nun deles ondeaba unha bandeira       de pirata, parecía unha gran illa deserta, que aboiaba no atlántico; non traía letreiro, pero xa a OTAN sospeitou de que podíaa ser o Gürtel, que se dirixía a Galicia, e que o artefacto solo era perigroso pro PP. Da parte sumerxida despréndese de cando en   vez unha boia  de  xeo co nome dun implicado. O iceberg viaxa lento i é unha incognita súa chegada e que segredos irá soltando no camiño. Os alcaldes do PP da costa xa se lles deron instrucción pro caso de que chegue o seu concello: 1º negalo todo, 2º decir que é un artiluxio dos Socialistas e dos Nacionalista pra  desprestixia-lo PP e en 3º lugar, manda-la policía municipal    a prende-lo artiluxio.

              Esto ensínanos que a merda, aínda que  a mandemos ó Polo Norte, termina volvendo.

              Telmo, exalcalde do PP en Sanxenxo, autorizou unha macrourbanización dunha empresa de Gürtel, que non tivo o visto e prace do goberno e foi paralizada polo Bipartito, imaxínome que  agora non  terá problemas. O proxecto contou coa oposición veciñal e de grupos ecoloxistas e gozou de importantes privilexios outorgados por Telmo, que parece comprender moi ben ós especuladores. Os socialistas de Pontevedra pídenlle que aclareo  financiamento da campaña municipal; el di estar tranquilo.  Non hai como ter a moral lasa,

             Pachi Vázquez, Secretario Xeral dos Socialistas Galegos, dixo que non o ían a deter con ameazas, nin con chantaxes e seguiría denunciando as conexións do PP de G coa trama Gürtel. Recordemos que o PP lle mandou a un grupo de Novas Xeracións o seu domicilio particular, e eso debeu cabrear bastante a Pachi; pero xa lle buscaran por onde presionalo.

             Ignoro si hai investigación oficial en Galicia da trama Gürtel, de calquera xeito, de habela espero que non a tapen o mesmo que en Valencia, onde o dos traxes era unha anécdota, xa que o verdadeiramente importante era a financiación do PP valenciano.

             Eu non sei moito de logaritmos neperianos, nin de matemáticas financeiras, pero teño unha incógnita que non consigo resolver; na campaña das municipais de finais dos noventa,  mais nas autonómicas, parece que Gürtel financiou con diñeiro negro a metade do coste da campaña do PPg, segundo documentos que a policía achou nunha caixa de seguridade do Banco Santander; agora aparece como o segundo partido en gasto electoral, detrás do PSOE, na pasada campaña autonómica. Gastaron moitos cartos, non me saen as contas. ¿algún día saberase a verdade?, ¿irase sabendo, pouco a pouco?. Esto  continuará.