NUNCA É DABONDO, queren mais

 

 

 

 

            As caixas teñen moito control político e non tanta profesionalidade;ese é o seu principal problema, pero Feijoo non ten dabondo, non quere unhas caixas profesionais, quere unhas Institucións manexadas dende a Xunta; pra elo necesita unha lei de caixas que lle permita ter un dominio dos seus Consellos Administración; o mais gracioso é o papel estrambótico do BNG, que actúa neste caso de palmeiro do PP.

             Con gallo da movida organizada pola lei de caixas, o deputado do PP Ribas, manifestou que o PSOE quere seguir politizando as caixa, xusto o que prende o PP; pero é mais doado ver a palla en ollo alleo que a viga no propio. Pra mais abundamento, sinalou que o PSOE segue instruccións de Madrid e intenta boicotear a lei de caixas; en parte é certo, Blanco así o di sen rodeos, o que ten miga é que o diga Ribas, cando eles reciben as ordes de Xénova.

                Pachi Vázquez di que Feijoo quere manexa-las caixas, e el quere impedilo; no fondo operaríase unha muda de poder nos Consellos de Administración, desprazándose do PSOE ó PP.

                 O asalto de Feijoo ós aforros dos galegos é algo inaudito, e agora quere utilizalos pra beneficio propio; no canto de facer unha lei que despolitizara as caixas e profesionalizara a súa xestión, incrementa o nivel de politización das mesmas, en beneficio propio; o que xa non  ten pes nin cabeza é a actuación do Bloque.

 

 

11 comentarios

[eu o autor - 05 de enero de 2010 - 21:10]

Esto do debate xa me gusta mais, é un foro vivo e participativo. O das fusións é unha imposición da Banca privada; non son razóns económicas, nin empresariales. queren os seus mercados

[roda - 05 de enero de 2010 - 20:17]

Eu permítome aportar un párrafo que foi publicado hai poucos días nun xornal de tirada nacional cuxa autoría corresponde a dous profesores da Universidade de Vigo:

"En todo caso, se algo resulta incuestionable é que estamos ante unha conxuntura financeira moi importante para o futuro da economía e da sociedade galega, e moi complexa desde un punto de vista técnico. Garantir que no longo prazo Galicia faga valer o seu tamaño poboacional e económico para ser referencia territorial dunha das menos de dez caixas que quedarán en España, pasa por que as galegas conten coa mellor capital humano posible, que non se tire pola borda a experiencia e coñecemento dos actuais equipos, que as organizacións representadas nos seus Consellos de Administración opten por persoas coa formación e capacidade á altura do desafío que entrañan as circunstancias presentes, e por suposto, que non se utilicen como cemiterios de elefantes ou alternativas ao INEM. En consecuencia, o éxito da fusión e a solvencia do proxecto non están garantidos; todo depende de como lle articule o protocolo de fusión e defínanse e executen os plans estratéxicos."

Espero que sirva para enriquecer o debate sobre o futuro das caixas, ou caixa, galegas.

[Boicot a Turkia - 05 de enero de 2010 - 19:53]

Qué desilusión con el BNG. Ellos que siempre se quejaban que los partidos de ámbito nacional seguían los dictados de Madrid. ¿Tendremos que quejarnos ahora de que el BNG sigue las directrices de A Coruña? Ayer se aliaban con el PSOE para gobernar y hoy con el PP para desvalijar Caixa Nova.
Los veo un poco "des-nortados". El sur de Galicia tiene que salir a la calle y no consentir que cuatro politiquillos nos usurpen nuestra Caja.

[A troita - 05 de enero de 2010 - 19:51]

E Corina por onde anda??, Tanto que se lle enche a boca para defender a Vigo, e desta vez nin se lle espera nin se lle escoita...

[Vigo-12 - 05 de enero de 2010 - 16:12]

O dia da fusión meus cartos voaran deste enxendro nacionalsocialista que abandeira este presidente que presume de liberal e xa vemos como interven nos asuntos economicos.
Esta dereita non ten solución como xa comprobamos en Cajamadrid.
Mangonean todo sen escrupulos!!!

[Paco - 05 de enero de 2010 - 16:08]

Veremos onde acaban os nosos aforros... Despois de todo queda demostrado que a cúpula do bloque é moito máis de dereitas que algúns votantes do PP. E os do PSOE non queren perder alcaldías, por que senon tamén estarían no allo... Resulta incrible que os políticos poidan impoñer os seus oscuros desexos sí ou sí de tal maneira: se non me facedes caso, creo unha lei e punto. Isto parécese cada vez máis ó medievo...

[Sineiro - 05 de enero de 2010 - 15:40]

A verdade é que mete medo que se xuntasen os pepeiros co BNG para votaren xuntos unha lei das caixas. A saber que escuros intereses manexan entrambos!!
O máis lamentábel e a política de seguidismo do bloque neste proceso, abducidos polo Feijoó.

[A.L - 05 de enero de 2010 - 13:31]

¡ Adéus Gayoso adéus ! xa era hora de que alguén che parara os pés, porque irte, o que se di irte non tiñas pensado facélo, pensabas como o outro deixando todo atado é ben atado, canto dano lle levas feito a Caixanova, xa deches un golpe de estado impoñendo o escudero J. Pego en contra do pactado e asinado.

[Antonio C. - 05 de enero de 2010 - 12:08]

E mentras o PP e o BNG se dan a man o PP privatiza o consorcio creado polo BNG e fai que persoas que aprobaron unha oposición pasen un nadal chorando polo seu futuro. Pero claro tener una caja jalleja fuerte y pelearse con madrid parece un caramelo joloso para os dous.
Que noxo da a politica e sobretodo os politicos...

[lorcho - 05 de enero de 2010 - 11:50]

Pois a min o que me queda claro é que quen está detrás destas manobras para desprestixiar ás caixas, é a banca española, que sempre as tivo como unha china no seu zapato.
Os partidos son simpres monicreques que utilizan como arietes para reforzar a súa posición no mercado financeiro.

[a cabra do saviñao - 05 de enero de 2010 - 11:47]

Fai uns días o Sr Puy Fraga fixo unhas declaracións asegurando que un resultado favorable ás teses da Xunta da auditoría de KPMG deixaría sen argumentos a quen se opón á fusión. Iso dixoo sabendo perfectamente que é unha falacia, ou sexa que é mentira. Outra máis das moitas que manexan para defender a fusión. A (suposta) posibilidade técnica da fusión non implica de maneira ningunha que teña que levarse a cabo nin moito menos que sexa a mellor solución, sendo unicamente unha condición necesaria pero xamais suficiente. E iso independentemente da credibilidade que esta auditoría poida ter, desde o momento en que o seu resultado era publicamente coñecido practicamente desde o comezo da mesma, e a “imposibilidade” de facto de dar un resultado contrario á opinión do cliente, lease a Xunta. A maiores encontrei estas palabras do Sr Puy Fraga realizadas nunha entrevista de Febreiro pasado (non teñen perda):

“Ao Bloque o que lle gusta é o intervencionismo. Quere intervir nas caixas, ter un banco público para dar créditos por razóns que non ían a ser nin profesionais nin técnicas nin de viabilidade económica. E isto é moi ineficiente desde o punto de vista económica, moi inxusto desde o punto de vista social, e incluso perigoso desde o punto de vista financeira”.

Pois hei aquí que dez meses despois o PPdeG vai a apoiar unha lei creada polo seu socio nestas lides, o outrora odiado BNG e agora “compañeiro de botín”. Iso si, as críticas para o PSdeG. Cousas veredes...