O CREPUSCULO as boinas pisan forte

 

 

             O congreso provincial do PP en Ourense cecais non foi o crepúsculo de Feijoo, pero foi un baño de realismo, pra quen pretende ser líder absoluto, con menosprezo ós sentimentos do pobo, ó que pretende liderar, non gobernar. Esto último dígoo porque Feijoo pasa de gobernar Galicia, el quere liderala, ser o seu cacique único, pra gloria súa e de Génova.

             A súa teima coa lingua e con todo o que cheire a galego, cumprindo como fiel criado as ordes de Madrid, poden ser a súa tumba; unha tumba que lla están cavando xente na que se apoia, vivindo de costas o pobo e buscando o aloumiño doado de grupos ultraradicais da extrema dereita e do poder central, empeñados na alienación cultural de Galicia.

            O congreso de Ourense foi un aviso, e si eso o poñemos e relación coa enquisa de LA VOZ DE GALICIA, nada sospeiosa, veremos que este pobo aínda está vivo, e vaille custar moito enterralo como pobo. O guru Mirinda vai ter que descifrar mellor o futuro  nos pousos das cuncas de ribeiro, se non quer guindar todo polo precipicio.

               A batalla rematou, a guerra non; Baltar sabe que o lume segue prendido baixo dos seus pes e que solo agardan o momento oportuno pra facerse co poder. Baltar coñece ben os personaxes que se querían facer co poder e non se fía deles, non nos admitiu no equipo; porque eso sería como deitarse co inimigo.

              A voz trémula de Feijoo evidenciaba o seu estado tras a derrota.

              O perdedor, o Alcalde de Verín prometeu fidelidade o gañador, Pero eu non fiaría del, non é unha persoa de fiar. Os mentores vanlle a pedir contas do que fixo cos apoios que lle deron; despois de entregarlle unha conta libre pra gastos, o apoio do partido, a nivel nacional e autonómico,  sacou uns resultados pírricos e os colores ós líderes, mesmo Feijoo tivo que improvisa-lo discurso, un discurso lacrimoso apelando a unidade, daba magoa escoitalo, non lle saían as palabras, non disimulaba a dor da derrota. Rueda fracasou e o vello raposo triunfou, unha vez mais,  e  deixou unha mensaxe: cuidadín Feijoo, pisas ovos.

10 comentarios

[pitaazul - 01 de febrero de 2010 - 22:45]

Ourense é un polvorin o que non sabemos é cando vai estoupar. Esperade as eleccións municipais xa veredes como se arma unha boa.

[Mouriscade - 01 de febrero de 2010 - 21:21]

O do PP en Ourense resulta patética. Esta familia non fixo máis que colocar a amiguetes na deputación (33 porteiros nun edificio de tres portas) e empobrecer unha provincia xa de por se deprimida e despoboada cuxa única industria son academias para opositar.
Que imaxe damos o galegos, que vergonza!!!!

[Castrelos con cachelos - 01 de febrero de 2010 - 21:15]

Agora resulta que Baltar é un cacique (que o é, igual que Louzan presidente da deputación de Pontevedra e muñidor de mocións de censura para o PP), pero cando conseguíu os deputados para o Parlamento de Galicia, onde Feijoó ten un único deputado de vantaxe, Baltar Blanco era un politico exemplar, segundo Rajoy.
Feijoo é presidente grazas ao carrexo de votos e demais actividades caciquiles destes personaxes.

[Xavier C. - 01 de febrero de 2010 - 21:11]

Vivan os caciques, vivan sempre... que mellor para o que sempre implantou o PP... non viviu dos caciques e sementou caciquismo... asi que detal pau tal astilla.... mellor que sigan os de sempre e non os novos .... que ao final implantarán o seu novo caciquismo... vivan os da boina... voume pasar a eles... so falta que agora se lle rebelen no parlamento... animo Baltarciño, animo e a levantar o que falta... agora a plantarlle cara no parlamento...

[Groba - 01 de febrero de 2010 - 21:09]

Acaso non vai acontecer a sucesión entre Juan Carlos de Borbón e o seu fillo Felipe, co beneplácito de moitos e en pleno século XXI, coma se aínda vivísemos na Idade Media.
Pois ben, en Ourense, os do PP, teñen unha monarquía burguesa, e a quen non lle guste que non lles vote, hai máis partidos, e problema resolto...

[eu o autor - 01 de febrero de 2010 - 19:16]

O de ourense foiu unha pasada, aínda que non son do PP, nin aledsaños, penso que é o mellor que puido pasar pra baixarlle os fumes a Feijoo; xunto con Rueda e tódoloa lambecús son unha praga.

[lorcho - 01 de febrero de 2010 - 16:27]

Feijoó chulito!!!, paréceme que levaches unha boa foda en Ourense e que pronto che baixarán os fumes cos que entraches na Xunta.
Non sabedes como me alegro...

[A troita - 01 de febrero de 2010 - 16:19]

Asi e como se dirixe Galicia, cacique detrás de cacique, como para criticar despois a sucesión en Cuba. O de Ourense da tanta vergoña que xa non sei como calificalo, pero a verdade, e cousa propia do caracter de moitos ourensans. E ainda por enriba despois poñeranse a falar de democracia i de outras palabras das que dudo moito coñezan o significado. Agora a seguir mangoneando como si todo fora a casa de un, i os pobriños sumisos ben contentos todos de que o amo lles tire unha migalla de cando en vez. A verdade e que a min en Ourense dame igual o que pase, o problema e que eses mesmos comportamentos danse tamen en Vigo, e ahí si que me importa, importame que nos mangoneen catro personaxes que ainda por enriba nin de Vigo son, ainda que presuman de selo. Outra cousa seria despois mirar os curriculums deses mesmos persoeiros, ................o da enfermeira o frente da Autoridade Portuaria debe ser un caso único, pero si nos enche os peiraos de flores todos contentos, ............¿ou non? En fin, non sigo porque acabará por sentarme mal o xantar.

[ventureiro - 01 de febrero de 2010 - 16:18]

e logo non hai un Baltar cura, para facelo bispo de Ourense???
Ja,ja,ja....

[Fartodevassalos - 01 de febrero de 2010 - 16:13]

Rueda crispa, mente e divide, Faino no seu partido e faino tambem na sociedade galega.
É o maximo responsable da deriva galegófoba e da derrota dos feixoistas na baltarada vivida ontem em Ourense.
Faría bem Feijóo em afastarse deste abaltador radical, próximo as teses de GB.