IGUALDADE OU COMPETITIVIDADE

 

            O establecemento de unha política de falsa igualdade, esquecéndose de unha competitividade, que estimulara a superación persoal, é o legado que nos deixa Zapatero.

            Un dos seus grandes fracasos, a nivel europeo, foi que non aceptaran a súa política de igualdade. Os demais países ven a igualdade dentro da competitividade e que os mellores non sexan marxinados, sexa cal sexa o seu sexo ou condición, porque nunha sociedade  competitiva sería un suicidio prescindir dos mellores.

            Un Ministerio de Igualdade, na actual situación económica, expandindo o gasto, sen entrar sequera na idoneidade da titular, é unha extravagancia que non fai senón sobrecarga-los custos.

            As empresas privadas, vixiadas por esa policía da igualdade, están condicionadas na política de persoal; temen unha inspección de Facenda, da Seguridade Social ou de Traballo. Con todo a exclusión de contratos do sector público tamén pesa.

            As mesmas mulleres saen prexudicadas, porque non se valoran xustamente; así cando os cidadáns ven a unha muller nun posto directivo, pensan que é por ser muller, non polo que vale.

            Non se trata de ter floreiros en postos directivos, trátase de ser competitivos. Do contrario xa sabemos en que lugar nos colocara o mundo.

 

2 comentarios

[Antonio Cendán - 28 de mayo de 2010 - 15:58]

Moitas das ministras do goberno Zapatero son/foron para pagar a cuota Chaves: A inefable Maleni, a miembra Aído, aquela de Cultura da que xa non me lembro o nome...menuda tropa. Da medo pensar como será o goberno andaluz se pensamos que estas eran os seus mellores valores

[Broa - 28 de mayo de 2010 - 12:33]

Efectivamente, cara o que debemos ir é cara a Igualdade de Oportunidades entre as persoas, que non é exactamente igualdade en termos absolutos, senon máis ben unha cuestión de equidade.
Acerca da necesidade de recortar carteiras no goberno central penso que non debe existir moito debate. A inflación de Ministerios, xunto coa escasa valía dos seus titulares será outro legado para a historia deste país.
En fin Zapatero, que tanta gloria leves como descanso deixas...