Facebook Twitter Google +1     Admin

Se muestran los artículos pertenecientes a Noviembre de 2010.

SEGURO MEDICO

20101101124747-b-add28.gif

     Dentro da austeridade selectiva de Feijoo, atopámonos coa noticia de que o IGAPE saca un concurso por 700.000 euros pra dotar o seu persoal dun seguro  médico privado. O escarnio é grande cando se suprime o seguro ós traballadores do mar pra aforrar. Por outro lado, ademais do inasumible privilexio a cargo do erario público, pon de manifesto a valoración da Sanidade Pública que ten o goberno de Feijoo. gracias por votar ó PP. De regalo un chupa-chups.

01/11/2010 12:47 mmarcos #. sin tema No hay comentarios. Comentar.

XA SE PON EN MARCHA

 

           Lonxe de seren unhas xuntanzas multitudinarias de acollonamento do inimigo; as xuntanzas de Soutomaior e Silleda foron un aviso a Feijoo da preocupación de algúns sectores, preocupados pola incerteza dos resultados das eleccións locais. Non se pode, nin  sequera Louzao, asegura-la certeza do futuro, o futuro sempre é incerto. Feijoo puxo a traballar ó equipo de alienación mental do electorado. En vindeiras datas o PPg poñerá en marcha unha macrocampaña publicitaria á que nade se poderá escapar. A campaña farase co gallo de promociona-lo Decreto de aniquilamento do galego, que será a fachada da campaña. O presuposto inicial é de un millón douscentos mil euros, ampliables e con cargo ó erario público. A campaña desenrolárase encamiñada, principalmente a grupos de poboación grandes; os núcleos pequenos queda baixo a responsabilidade dos caciques locais. Esa era a folla de ruta. Acontecementos externos aconsellaron modifica-la. Este despilfarro do diñeiro público pra alienarnos, noutro pais traería rabo, pero o PP sabe que Galiza é terra de obediente silencio e deixarémonos inmolar; e unha  vez mais fariamos certo aquel dito, que di: que mexarán por nos, e diremos que chove. Preocúpame moito saber que estarán maquinando agora pra argallar algunha falcatruada. Esto así  non queda, non rematou. Xa veredes.

 

02/11/2010 11:58 mmarcos #. sin tema No hay comentarios. Comentar.

¿SECUESTRADA?

20101103115301-retranca.jpg

 

          Un sinxela chamada, chega pra que a imprenta encargada da impresión da publicación periódica, RETRACA, se encolla e non entregue o vindeiro número da revista, xa imprimido, pero que unha viñeta do Papa, alusiva á visita  de Benedito XV, molestou a alguén.

           Coa que está a caer gastase o que non hai na visita do ilustre peregrino. Inicialmente presupóstanse tres millóns de euros, pero non se inclúe o despegue informativo da RTVG, nin os gastos de seguridade O beneficio, espirirualmente é enorme, segundo o clero, Pero Rueda deu unha cifra de sete millóns de euros de beneficio. Solo el o cre.   

03/11/2010 11:53 mmarcos #. sin tema No hay comentarios. Comentar.

¿SECUESTRADA?

20101103115301-retranca.jpg

 

          Un sinxela chamada, chega pra que a imprenta encargada da impresión da publicación periódica, RETRACA, se encolla e non entregue o vindeiro número da revista, xa imprimido, pero que unha viñeta do Papa, alusiva á visita  de Benedito XV, molestou a alguén.

           Coa que está a caer gastase o que non hai na visita do ilustre peregrino. Inicialmente presupóstanse tres millóns de euros, pero non se inclúe o despegue informativo da RTVG, nin os gastos de seguridade O beneficio, espirirualmente é enorme, segundo o clero, Pero Rueda deu unha cifra de sete millóns de euros de beneficio. Solo el o cre.   

03/11/2010 11:53 mmarcos #. sin tema No hay comentarios. Comentar.

INSUPERABLE O ENTERRADOR

20101104114738-utilizar-un-extintor-23782-3-4.jpg

 

 

         Nunha xuntanza en Bruxelas, sobre linguas minoritarias de Europa, Angel Lorenzo, tamén coñecido como o enterrador, loubou a política da Xunta na defensa da lingua; a súa calculada ambigüidade deixou que flotara no aire a dubida de a qué lingua se refería. Coñecendo a política da Xunta, o personaxe que representa Lorenzo, un non deixa de asombrarse das estrambóticas actuacións dos xunteiros do PP e das súas dotes pras falsidades.

              Paralelamente, Feijoo daba unha conferencia en Madrid, na que se gababa da súa austeridade orzamentaria e os recortes en partidas prescindibles. Alguén lle debeu facer chega-lo desconcerto que produzo a intervención de Angel Lorenzo en Bruxelas e as súas propias contradiccións na parranda de Madrid, e a campaña publicitaria do plurilingüismo, na que se ía camuflar a promoción do PPg, de cara ás municipais, con cargo a fondos públicos, por 1.200.00 euros, foi cancelada. O Bloque e algún mais, pensan que foi froito da presión social. Decidamente  viven nun mundo distinto.

 

 

04/11/2010 11:48 mmarcos #. sin tema No hay comentarios. Comentar.

ESTADO ACONFESIONAL

20101105121406-papa-anticristo.jpg

 

 

         A simple vontade recollida na constitución, na que reza que España é un Estado aconfesional, non chega, nin se cumpre. A visita do Papa a Santiago súmenos nun estado de abandono, no que nos decatamos do asoballamento do poder. Un poder que despilfarra en faustos os escasos recursos, e aínda teñen o morro de intentar convencenos de que a visita do Papa nos vai deixar un beneficio de 17 millóns de euros. Hasta é moi posible que a panda os embolse; Galiza non..

         Os hoteleiros din que non hai un incremento notable das reservas; incluso é posible que moitos negocios se resintan. Santiago é unha cidade sitiada; as posibilidades de movemento  son escasas, e sen dúbida, eso non é bo pros negocios.

         A visita do Papa vainos custar, ademais das incomodidades, un mínimo de medio millón de euros a hora. Un disparate. Eso á Xunta, porque o Estado suponlle un mínimo de trinta millóns de euros, entre o Que se conta traer en  transporte areo dous papas móbiles dende Roma.

         As restriccións e os controles en Santiago son   tales  que hasta non se poden comer legumes, por si alguén, involuntariamente ceiba un peido, e desata unha alarma.

05/11/2010 12:14 mmarcos #. sin tema No hay comentarios. Comentar.

UNHA ACTUACION EN MADRID

20101106114557-zorro-para-traballar.png

 

 

      Non era un Corral de Comedias, na sede da Academia de Ciencias Morais e Políticas, a compañía de  comedias da Xunta, co actor Núñez Feijoo como estrela, narroulle ó público os recortes os orzamentos da Xunta. Mi bo actor, pero xa o empezan a coñecer. Nada sobre os recortes sociais, sobre o incremento dos gastos correntes que, en conxunto, soben mais dun  oito por cen, ó que hai que engadir a creación da Axencia Tributaria Galega e, as que chama embaixadas económicas, que se crearán en lugares onde hai votos que colleitar. As Delegacións de Facenda da Xunta so xestionan impostos perralleiros; polo que non deixa de ser un disparate, nestes momentos de contracción do gasto. Polo que ve, o aforro consiste en multiplica-lo gasto e desaproveitar as legacións do Estado Español. Claro o que interesa realmente son os votos dos emigrantes, porque as relacións exteriores son competencia exclusiva do Estado.

     

 

06/11/2010 11:48 mmarcos #. sin tema No hay comentarios. Comentar.

O DIA DESPOIS

20101108041706-52886.jpg

 

 

     Despois de que Santiago vivira un estado de sitio coa visita de Bieito XVI, hostaleiros, comerciantes e veciños da zona  vella, alédanse de que o ilustre hospede se fora.

     Se facemos unha valoración do evento, temos que admitir un estrepitoso fracaso da perigrinaxe do ilustre persoeiro.

     Nade se responsabilizou do fracaso. Feijoo atribuíuse o tanto por adiantado; tanto que se chegou a identifica-la perigrinaxe de Bieito XVI como un peregrino do PP; pero á  vista do resultado Feijoo optou por unha comparecencia sen preguntas, raro nel que con ver un micro dálle un subidón e volvese tolo. Foi Rueda quen deu a cara, e non podía disimula-la desgusto.

     Agora de face-las contas, a  ver como xustifican PP e PSOE o despilfarro da visita.

     As inadmisibles declaracións do Papa, comparando a situación actual da sociedade civil, coa situación do 1936, son producto do mal de altura e dos nervios do Vaticano polo descenso da clientela en Europa e América. Foi un acto  inadmisible de inxerencia,  moi lonxe da súa suposta labor pastoral. O PP xa dixo o que se supoñía ía dicir; veremos a resposta  do PSOE. Unha cousa quedou clara, por si había algunha dúbida, urxe quitarlle a airexa católica os privilexios dos que disfruta.

     A asistencia do público foi dunhas 20.000 persoas, lonxe das 200.000 das que falaba Feijoo. As perdas pros comercios moi elevadas. Da risa lembra-los 17 millóns de beneficio, que prometía Rueda.

08/11/2010 04:17 mmarcos #. sin tema No hay comentarios. Comentar.

AUSENCIAS

20101109112446-funcionario.png

                                           

 

        Na elaboración do Decreto do carbón a Xunta, non solo estivo ausente, fixo unha deixación de funcións, que a fan directamente responsable dos perxuízos que se deriban pra Galiza. Non cola que agora, a destempo, faga como que quere defende-los intereses de Galiza no asunto. Ese oportunismo político solo  fai evidencia-la banalidade coa que os xunteiros xestiona asuntos de intres esencias pro pais.

         A ausencia da Xunta na defensa dos intereses agrarios e pesqueiros, Que se discuten en Bruxelas, amosa o nulo intres da Xunta polos asuntos fundamentais pra economía galega. O seu é a política domestica do dominio e a alienación mental do pobo galego; un caciquismo centrado no clientelismo e as mocións de censura.

         Despois da desafortunada intervención de Angel Lorenzo, no foro sobre a protección das linguas minoritarias en Europa, a Xunta tamén se ausenta   deste foro.

         Non todo son ausencias, n o eido internacional, a Xunta facendo gala da austeridade selectiva, crea  embaixadas, en diversos países con presencia de emigrantes galegos, potenciais votantes. O nome co que se pretenda vestir a estas embaixadas, non lles resta nin un ápice, da intencionalidade real e partidista.

09/11/2010 11:24 mmarcos #. sin tema No hay comentarios. Comentar.

DEPUTACIÓN DESBOCADA

20101110103416-caballo-desbocado.jpg

 

     A Deputación de Pontevedra cábelle o dubidoso honor de ser a Deputación mais mal xestionada de Galiza; ademais lonxe de ser unha Institución de apoio ós concellos, distínguese pola xestión partidista, obviando o servicio xeral.  Non sei a qué se lle pode culpa-la mala xestión; o mais sinxelo sería culpa-lo á falta de preparación do seu presidente; pois si ben é certo que o non se esixe unha especial cualificación pra presidi-la Institución, non parece o mais acertado que un bedel sexa o apropiado, solo sexa por imaxe, xa que non é posuidor dunha formación axeitada. Neste caso vemos que o mais importante non é ser muiñeiro, senón saber trata-la fariña. Louzao non é unha persoa de sólida formación.  Como o seu amigo e próspero prócer Telmo Martín, teñen uns orixines humildes e procelosos, pero son, ante todo, homes de partido. Louzao leva incentivado mais mocións de censura nos municipios da provincia que as que se fixeron en todo o Estado, e parece que esto costa cartos.

     Na comparecencia dos Presidentes das Deputacións    no Pazo do Hórreo, Louzao intentou votarlle a culpa do transfuguismo á oposición, demostrou que o seu concepto de  trnas fuguismo non  en  nada que   ver co dos morais. Pola súa parte, o pesidente da Deputación de Orense, que ten a segunda plantilla de persooal meirande de España, laiase do pouco orzamento que a Xunta dedica ás Deputacións. Atento Feijoo.

 

                  

10/11/2010 10:34 mmarcos #. sin tema No hay comentarios. Comentar.

¿DOUS PEREGRINOS?

20101111104905-peregrinos.jpg

 

        Rajoy, como din todos, neste momento, o mellor que pode facer é votarse a durmir e esperar que Zapatero se esfociñe, Sen que supoña estar de acordo con tódalas súas doutrinas neoliberais, imponse un control do endebedamento e do gasto das Comunidades Autónomas e das Administracións Locais. Parece que esta reflexión non estaba consensuada cos baróns autonómicos, a menos, é notable a discrepancia con Feijoo, na súa parrafada madrileña. Feijoo distínguese por seguir o pe da letra  os pensamentos de Xénova, o cal evidencia que Rajoy foi por libre. Non mencionou, Rajoy, ás Administracións Locais, onde reina o caos; senón chega con ver a que monta o seu amigo Louzao en Pontevedra. Quedamos por saber se Rueda ou Feijoo son dous vagabundos, ou dous peregrinos en busca dun pais, aínda que haberá quen pense que o que son é dous foraxidos.

11/11/2010 10:49 mmarcos #. sin tema No hay comentarios. Comentar.

OS CAMBEOS

20101112103120-tolerancia-dialogo1.jpg

                  

        Como comportamento lóxico, o electorado ten a tendencia a cambia-lo goberno coa esperanza de que os novos gobernantes solucionen a crise. Esto sucedeu en Inglaterra, en Estados Unidos e en Galiza. En Inglaterra, que parece, malia a elocuentes silencios e insinuacións, é o modelo de Rajoy, incrementase o paro, coa eliminación de empregos públicos e privados, redúcense os servicios sociais, facendo recaer a crise sobre os mais débiles. Pra oposición e moi doado prometer, incluso promesas contradictorias entre si, mentres que o goberno xulgarase polos feitos.

         Se ben podíamos preve-la tendencia de Rajoy, pola súa loubanza do modelo de goberno inglés, esto non é senón un engado pra que nos esquezamos da súa axenda oculta. Polo de pronto, polo que se sabe, prevese unha minoración de mais de 70 millóns de euros nas transferencias a Galiza; asumibles dende a Xunta actual, a xulgar polo seu silencio..

         As promesas electorais de Feijoo, o seu famoso contrato, quedaron varadas, á espera de novas chuvias. O paro en Galiza, malia que a xente en idade de traballar emigra en busca de emprego como en tempos pretéritos do pasado, e situase dous puntos por enriba da media do estado. Dos servicios sociais, mellor non falar. ¿Onde está o contrato?

 

12/11/2010 10:31 mmarcos #. sin tema No hay comentarios. Comentar.

NO É RENDIBLE

20101113111337-investigadores-trabajando-medico-sps0338.jpg

 

 

             Dende a óptica política de Feijoo non é rendible seguir apoiando os innovadores e os investigadores. Dun lado nunca suporán u núcleo de votos cautivos pro partido, non está claro que sexa xente afecta o réxime, nin tampouco se deixarían enganar por propaganda pra orientar as súas preferencias. Os investigadores e os innovadores son xente que usa como ferramenta o cerebro. Feijoo non quere xente que pense, quere xente obediente; pra pensar xa   está el. Por eso se abandona o apoio á investigación e a innovación; non importa que nos enfrontemos a meirande fuga de cerebros e que vaiamos cara unha época escura; tamén os que buscan traballo teñen que emigrar.Dese xeito haberá menos paro e mais votos, porque solo quedarán os do PP; os demais emigrarán.  Se non houbera investigadores non habería o caso GÚRTEL.

 

13/11/2010 11:13 mmarcos #. sin tema No hay comentarios. Comentar.

TELMO SI, OU NON

20101115104218-1289584094-0.jpg

 

         O Presidente do BNG desafía a Feijoo a que manteña pra   candidato a alcalde en Pontevedra a Telmo, logo de que se fixo pública a proposta de sanción de tres millóns e medo de euros, por irregularidades na construcción de vivendas en Vigo. Claro que o manterá. O que me parece infantil é a actuación do BNG. Parece que é o presidente do BNG descubre de súpeto que Telmo Martín ten un pasado dubidoso; un home que de fontaneiro pasou a ser ese personaxe. O electorado de Pontevedra non lle importa o pasado de Telmo, solo lle importa “o glamour” do momento, e non lle importa que o gran pelotazo de Montecarrasco sexa a tarxeta de presentación de certos personaxes. 

 

 

 

 

 

15/11/2010 10:42 mmarcos #. sin tema No hay comentarios. Comentar.

DE XIONLLOS

20101116110702-3-templario-de-rodillas.jpg

 

       Parece que non sempre os cartos logran as metas desexadas, nin sequera o emprego duns medios esaxerados, nada é dabondo, cando se nos escapa o control. Con todo, o importante non é o diñeiro que se destinou á visita do Papa, o importante é cómo se utilizou. Unha vez mais, algúns enchéronse os petos con diñeiro público

      Na interpelación no Parlamento, o PP, revolvíase enrabietado, e mordía a todo quisque: mesturaba, ciscaba merda por tódolos lados, intentando tapar a súa incompetencia e a corrupción. Sobretodo a corrupción, xa que se o emprego dos cuantiosos fondos da visita do Papa  se repartiron en asistencias e empresas afíns, cos resultados que se viron, eso é mais que incompetencia corrupción.

       Un Rueda, mi nervioso, e coidado que fa falla madeira pra ver a Rueda no estado en que estaba, falaba de que non se gastara todo o presupostado; prematuro, si se ten presente que aínda non se fixeron as contas e no se  sabe realmente o que se gastou.

       Como a un bicho que lle pisan o rabo, arremeteu contra dos socialistas e os nacionalistas; a estes atacoulles co gasto da Conselleira de  Cultura na Habana, dous millóns de euros, segundo el. Non importa que non foran dous millóns de euros, non importa o disparate. A mentira queda dita.  Hai algo que debeu quedar claro: nos faustos do Papa gástanse tres millóns de euros, e mais, en políticas sociais cero.  Moitos galegos, nada menos que 600.000 están na pobreza, moitos non teñen que comer. Un cruel goberno é insensible a súa situación; os cartos van pra fastos e propaganda.

16/11/2010 11:07 mmarcos #. sin tema No hay comentarios. Comentar.

!QUE MEDO!

20101118105931-plan-keiko1.jpg

      Estaba   eu  mirando para unha foto dun acto destes que nos prodiga Feijoo, pra autobombo e manter alta a moral dos seus seareiros. Na instantánea, unha moza, que asusta, amosa un cartel insultando a Zapatero e animando ó público a xalear. Con ve-la foto, aínda que viñéramos de outro planeta, poderíamos facer unha crónica do acto. !que pobreza de actos e canta vileza!     Era un acto de promoción do PP local, o mesmo tempo, dábase o  baño de fieis pra  espanta-la pantasma dun fiasco recente na mesma cidade. Vigo non lle perdoa que lles suprimira o proxecto de hospital público e o sustituira por un negocio dos seus amigos, que paralizara o proxecto de saneamentos e cantas inversións tiña previsto a xunta na cidade. Non toda a culpa é de Feijoo, aínda que a letra é súa, a música é de Corina, que quere afogala cidade pra logo salva-la ela.

18/11/2010 10:59 mmarcos #. sin tema No hay comentarios. Comentar.

¿QUÉN MANEXA O BONECO?

20101119102719-titeres-de-gui-c3-b1ol.jpg

 

      Como si o campo da política española fora un teatro de GUIÑOL, Feijoo lánzase a area, sendo o adalid das políticas mais reaccionarias da nostálxica extrema dereita española. Fai pouco a Súa ardorosa defensa, como corresponde a un caudillo, do modelo de bilingüismo cordial, recomendando a copia do modelo por Cataluña, dáme que este personaxe, da farándula política, pérdeo o norte, si algunha vez o tivo. Si algo ten no seu haber Feijoo é o ataque cego a todo feito diferenciado, o que se aparte do modelo de imperio do franquismo. Feijoo asume e representa os intereses da ultradereita española, pero non sobresae pola súa xestión dos intereses de Galiza, é mais, son notorias as súas ausencias de Galiza, que son ocupadas por políticos chegados de Madrid, como é ocaso de Blanco. Feijoo arremete, enfurecido,  contra Blanco, non no interese de Galiza, senón porque deixa en evidencia o abandono das súas obrigas de goberno, senón tamén `por esa representación da dereita universal que se arroga. Da a impresión de que canto mais se quere universalizar, mais da a medida da súa verdadeira dimensión: un personaxe anano é patético, ó que alguén dirixe e lle escribe o guión.

19/11/2010 10:27 mmarcos #. sin tema No hay comentarios. Comentar.

REXEITA O PREMIO

 

      O Escritor Fernández Paz rexeitou o premio de Cultura, por congruencia co seu pensamento, coa política de xenocidio cultural da Xunta. Non é moi habitual que alguén rexeite, nese mundillo, ser agasallado Unha editora galega matizou a súa aceptación, dicindo que é un recoñecemento Institucional. O de Institucional queda invalidado dende o momento en que o xurado é presidido polo Conselleiro de Cultura, notorio antigaleguista e de pouca fiable ética. Sería bo recupera-la dignidade e tomar como exemplo a Fernández Paz, con educación, pero gardando a dignidade, como el fai.

       Participar na parodia, é revivir, coa Xunta Feijoniana o pensamento de Joseph Goebbels e Millán Astray.

 

 

 

20/11/2010 11:08 mmarcos #. sin tema No hay comentarios. Comentar.

MODESTIA

 

      O opositor corrector das probas da Xunta é modesto; podendo ser o número un, foi solo o número dous, cedeulle esa honra a súa irmá. Vexo insuficiente, pero esencial, a comparecencia no Pazo do Hórreo do Valedor do Pobo. Á vista do enroncamento da Xunta, é imprescindible que se saque do ameto doméstico e facer dela unha cuestión Institucional e de Estado. A  corrupción de Feijoo ten que ter fin. Os Deputados teñen que xustifica-la súa esencia.

      É un caso concreto que da noxo, pero houbo moitos mais; de feito tódalas probas da Xunta acarrean algunha irregularidade grave que as fai altamente sospeitosas. As modificacións dos procesos selectivos, poñen de manifesto unha intencionalidade previa.

      Hai, nalgún caso, un foco sobre á Conselleira da Sanidade, moi relixiosa, tamén mentireira, e amoral, non solo nega o evidente, senón que desvía doentes e fondos públicos a clínicas privadas, amén deses  chanchullos coa  Deputación de Ourense; todo esto é unha  distracción pra salva-la  abella raíña; porque a corrupción e unha negra nube que cubre a  Xunta.

22/11/2010 10:58 mmarcos #. sin tema No hay comentarios. Comentar.

A SANIDADE NA RUA

 

 

          Non creo que sirva de moito que a xente se manifeste, que se palpe a preocupación social na rúa. Os gobernantes  viven  nos seus castelos, alleos as coitas do común. Aquelo de que os gobernantes buscan o ben común parece unha reliquia do pensamento clásico. Nada da vella doutrina vive  nos  corazóns dos políticos, se é que os teñen. Os rumores da rúa non se escoitan  en Monte Pío. Na residencia do Presidente da Xunta, o seu morador vive naquel castelo encantado e nada do mundo dos mortais perturba a paz do esgrevio inquilino.

           Non aprenden nada daquelas fracasadas fundacións, inventadas pra xestiona-la sanidade, na etapa en que Feijoo  era un meritorio da man da Romay. Bueno, si serviron, pra colocar a   dedo os amigos e pra enche-los petos de algúns.

           A febre neoliberal e privatiza-lo todo, é superada pola   escura xestión de sanidade. Tan escura que nada se sabe dos 67 millóns  de euros que o goberno anterior adxudicara ó Hospital da Mariña de  Ferrol.

           O Hospital de Lugo, os proxectos dos Hospitais de Vigo e Pontevedra, así como a ampliación do Hospital do Salnés, chocan coa desastrosa xestión da Conselleira Farjas. As xeneracións vindeiras terán que  cargar cos desatinos do actual goberno da Xunta. Non é certo que a política e privatización da sanidade sexa mais económico, de feito sae moi cara, pero O PPg non a ve como un servicio, senón como un negocio.

23/11/2010 10:40 mmarcos #. sin tema No hay comentarios. Comentar.

A GRAN CHAPUZA

           Grouco no sería quen de facer unha chapuza como a que fixo a Xunta cos muíños de vento. Podendo ser Galiza unha potencia en enerxía eólica, Feijoo non foi capaz de facer sequera esa adxudicación dixital e descolgounos do camiño que debíamos ter andado pra facernos chucha-lo chan e face-lo a súa maneira. A anulación do concurso do goberno anterior, baseándose, como se ten demostrado, nun  capricho persoal, que o reafirmara no seu enfermizo ego.

            O pais dos 600.000 pobres que creou Feijoo tivo que indemnizar, cos nosos cartos, os que resultaran beneficiarios na adxudicación do concurso do bipartito, e o que queda, que os litixios seguen.

             Non comprendo a pantomima desta adxudicación. Aínda que os beneficiarios son da órbita do PP, a metade das empresas creáronse logo da anulación do concurso anterior. Hai casos tan curiosos e escandalosos como o desa empresa leonesa tan ligada ó PP. Fase raro que Iberdrola estea na cola das adxudicacións, pode haber tres razóns: 1.- A incerteza do  resultado das anulacións do concurso anterior, 2.- A variación do mercado, que fai que os beneficios sexan menores dos inicialmente previstos. 3.- Que aínda non se fixe o  emprazamento de cada  adxudicación. Coñecendo  este PP, o mais seguro, e quén sabe, pero no caso de Iberdrola algo oculto hai.

 

24/11/2010 11:24 mmarcos #. sin tema No hay comentarios. Comentar.

O ESPECIALISTA

20101125103634-100209-n-el-20especialista.jpg

 

      Non é o título unha famosa película, é a habilidade de Feijoo pra desvia-la natureza dos debates. A interpelación de Pachi Vázquez sobre a suposta incentivación ós médicos do SERGAS pra que deran de alta ós doentes. Esta conducta, que pode ser unha medida necesaria, en casos moi evidentes, polos profesionais da medicina, nada ten que ver coa pregunta prantexada, que era sobre o intento de condicionamento das decisións dos médicos por parte do goberno. Feijoo, en lugar de responder á pregunta, acusa a Pachi Vázquez de atacar ós médicos. Dese xeito Feijoo escóndese tras dos médicos e non   respondeu á pregunta.

25/11/2010 10:36 mmarcos #. sin tema No hay comentarios. Comentar.

COMO UNHA FRECHA

20101126111058-tortuga-dartagnan-thumb-2-.jpg

 

       A marcha da economía foi unha mais, das promesas incumplidadas de Feijoo. a Gaivota está sen plumas e non pode    voar. O case estancamento da economía galega, cun  crecemento raquítico, o que xenerosamente se le atribúe un crecemento, no último trimestre, dun 0,1 %. Se o resto de España se extrapola o  exemplo galego, o electorado terá unha visión pouco optimista dun posible goberno do PP. Se o exemplo de xestión do modelo  estrela do  PP é  tan pésamo, non me estrañaría que fora apartando a Feijoo  do protagonismo a nivel do Estado pra que non identificaran a xestión de goberno e corrupción da Xunta  de Galicia co proxecto de Xénova, xa que nada vai valer a estratexia de pagar publicidade, pra promocionarse. Solo as municipais será o auténtico baremo, e malia as malas artes do PPg, parece que o PSGA ten voas perspectivas. Solo falta que o BNG engrade a marcha, xa que o seu electorado e do mais fiel e concienciado.

     Feijoo endebedou a Xunta case tanto como a suma de tódolos gobernos que o precederon; con ser esto grave, resulta inexplicable que a emisión de débeda non tivera como fin a realización de inversións, senón supli-la deficiencia de ingresos, provocada, en parte, por promesas populistas de reducción de impostos. O nivel de endebedamento chega a tal límite que Facenda do Estado xa lle avisou; está entre as comunidades autónomas mais endebedadas. Segue a mesma política económica que Madrid: deixarlle débedas ós que o  releven.

26/11/2010 11:15 mmarcos #. sin tema No hay comentarios. Comentar.

A GOLETA

20101127100514-goleta33.jpg

 

        É singular, porque solo hai unha goleta, a goleta mais   cañeira, mais luxosa, a raíña das goletas. O pais dos 600.000 pobres ten, tamén, unha clase de políticos con sofás de plumas, moves de madeiras nobres, artigos de pel repuxados e despachos de 150 metros coas paredes revestidas de madeira. Despachos luxosos e grandes, cheos de plantas, co que se espera agrandar a imaxe do seu morador, pero o que se fai é dar a imaxe dun home pequeno non espacio  grande. O fin está logrado, o home ten cheo o seu ego, na porta  espérao un gran coche oficial e no banco unha conta xenerosa. El merecía esta vida, por herdade, non por mérito; naceu nunha familia de avoengo e agora que os seus gobernaban a Xunta, ocuparía un espacio, acorde coas súas ambicións. Non  importa o beneficio que a súa xestión reporta a comunidade, o importante é que os seus teñen unha parcela do poder baixo a ala protectora  da gaivota. Os cartos hai que queimalos, o ego non ten límite, o mesmo que a corrupción de Feijoo; dese xeito naceu o proxecto da goleta, que non terá outro obxecto que pasealas personalidades do partido e afíns polas augas de Galicia, nuns cruceiros de luxo, pagados coas nosas miserias. A goleta, que inicialmente costa un millón novecentos mil euros, será construída por unha empresa vasca, que desprazará, de non construírse a goleta no seu asteleiro, ós traballadores a Galiza. Queda sen argumento a Xunta, cando dixo que o proxecto era pra incentiva-lo emprego e a carpintería de ribeira.

        Agora resulta ridículo a que armou o PPg coa volta que se dera o líder do BNG na lancha dun amigo. Demostraron o que xa se sabía, a corrupción, o despilfarro e as demostracións de luxo, son patrimonio do PPg.          

        Cándo nos veremos ceibes destes sátrapas mentireiros e corruptos.

 

 

27/11/2010 10:05 mmarcos #. sin tema No hay comentarios. Comentar.

GUERRA NA SOMBRA

20101129100347-3991517094-42d0e7baa9-400x300.jpg

                                           

        A guerra  do Ministro de Fomento e o Presidente da Xunta ten  un transfondo político de loita polo electorado galego. Blanco aproveita cando Feijoo non  está en Galicia, que son demasiadas veces, pra aparecer pola terra e poñer en evidencia o abandono e orfandade política de Galiza.  Feijoo, cando volve a Galiza a descansar no Pazo de Monte Pío,  ataca a Blanco, reclamándolle inversións en infraestructuras. Non son as infraestructuras as que preocupan a Feijoo, senón ese espacio que enche o Ministro de Fomento; espacio que non enchería si Feijoo se dedicara gobernar, en lugar e andar facendo autopropaganda por España adiante. Ós votantes solo nos queda asistir perplexos a esta guerra singular.

29/11/2010 10:03 mmarcos #. sin tema No hay comentarios. Comentar.

A FENDA

20101130111031-arschkriecher.jpg

         Entre Galicia Sur e Galicia Norte, Feijoo está a   cavar unha fonda zanxa; así mentres en Galicia Norte dispoñen dunhas infraestructuras sanitarias públicas e de calidade, somete ó sur de Galiza a rapiña e a codicia dos seus amigos, facendo da sanidade un negocio. Non lle preocupa a calidade do servicio, porque non lle preocupan os usuarios. El saberá vende-lo invento, de feito que estes usuarios da Galiza Sur aínda lle teñan que estar agradecidos por fodelos. Pensa que o ciudadano galego é ignorante e  que se deixa seducir polas mentiras ben contadas, que todo se arranxa con boa publicidade, que canto mas lles dan polo cu, mais se agachan; pode que se leve un desengano.

         En Pontevedra, unha curiosa plataforma defende a construcción do novo hospital  e unha sanidade pública; se temos en conta que na reforma do Hospital Montecelo se gastaron 30 millóns de euros, que alguén defenda o seu peche, resulta sospeitoso; algo así como se o edificio se reservara pra  niño das gaivotas.

30/11/2010 11:10 mmarcos #. sin tema No hay comentarios. Comentar.


Blog creado con Blogia. Esta web utiliza cookies para adaptarse a tus preferencias y analítica web.
Blogia apoya a la Fundación Josep Carreras.

Contrato Coloriuris