Facebook Twitter Google +1     Admin

Se muestran los artículos pertenecientes a Abril de 2011.

¿PREVARICACION?

20110401100528-orgia-large-msg-1119893015-2.jpg

 

 

        A recente sentenza do TSXG sobre o Decreto do Eólico do bipartito pon as cousas no seu sitio e claras. O Conselleiro Guerra alega un informe da Asesoría Xurídica da Xunta pra xustifica-la política de demolición do Decreto do eólico. Antes de que chegaran ó goberno da Xunta xa prometeran, sen informe, que ian derroga-lo Decreto. Aí están as hemerotecas,   Chegados ó goberno buscaron a un afecto  pra que lles fixera un informe propicio, oposto o emitido con anterioridade, pola propia Asesoría Xurídica. Mais o problema agora é afronta-las indemnizacións millonarias, ademais do atraso ó que nos levou a irresponsabilidade de Feijoo e o seu cruzado. Eles deberan pagar do seu peto as indemnizacións; por iso non chega con pedi-la dimisión do Conselleiro de  Industria. Isto non é a deslocalización de empresas, logo de ter embolsado as axudas; estamos diantre dunha conduta criminal, unha mentira  masiva, solo igualada pola guerra de Iraq; unha prevaricación, ditando unha resolución inxusta, sabendo que o era, persistindo na mentira, enganando a un pais, acusando da actuación ilegal a un goberno, lixando o nome dun partido político. Naturalmente que teñen que responder co seu patrimonio e coa cadea.

 

 

01/04/2011 10:07 mmarcos #. sin tema No hay comentarios. Comentar.

PARECIDO, PERO CRETINO

20110402104416-imagenes-comicas-10.jpg

 

           É gratuíto insulta-los galegos, xa o fixera Rosa Diaz, a cal non sairía a rúa si se mirara o espello; agora o expresidente Aznar fixo similares consideracións pra salienta-las cualidades negativas de Rajoy. A oposición, e asociacións calificaron de inaceptables as declaracións de Aznar, do que dixeron era un xenófobo racista e cretino. Pola súa parte, Feijoo declarou que el interpretara as palabras de Aznar como un eloxio. Aznar debe unha pública desculpa, mais coñecendo os antecedentes do personaxe non é de esperar. Pola súa parte Feijoo e Rajoy debían desautoriza-las declaracións de Aznar, pero débenlle o posto a el. Aznar está molesto con Rajoy porque non se deixa manexar por FAES como Feijoo; é que Feijoo sempre foi un guiñol, antes nas mans dos do Opus e agora nas de FAES.  Estas aptitudes danse pola compracencia de Feijoo, que non asume os intereses de Galicia e promove o desprestixio do pais.

           Tanto Aznar como Rosa Díaz son personaxes, en si, cómicos, pero iso non lles resta responsabilidades a eles e a quenes os xalean. O que Aznar se quitara o bigote dálle un aire distinto, pero iso non borra a súa imaxe de Charlot á Hitleriana e as súas paiasadas.

02/04/2011 10:44 mmarcos #. sin tema No hay comentarios. Comentar.

EU PROMETO

20110404101457-prometo-1-.jpg

 

      Época de eleccións, sinónimo de promesas. Polo tanto, é de agardar as promesas mais raras e espectaculares. Pra asombrosa, a promesa do inefable Baltar; agora xa non prometía colocacións na Administración Pública, prometía mil postos de traballo nunha fábrica de coches que se ia construír no municipio de Melón. A promesa foi refrendada polo Conselleiro de Industria. O alcalde de Melón xa empezou a adxudica-los postos de traballo. Non hai terreos, non hai confirmación da empresa; tampouco cadran os empregos co suposto número de unidades que se fabricarían, a menos que a produción por empregado fora como o da Deputación de Ourense. A promesa está feita. Os candidatos do PPg fan en toda Galicia a mesma promesa de crear postos de traballo no municipio. Si Feijoo non a cumpriu, non importa, a promesa é boa e véndese ben neste intre de crise.

04/04/2011 10:17 mmarcos #. sin tema No hay comentarios. Comentar.

TODO ESTÁ EN PERIGRO

20110405103137-luna-azul.png

 

        Feijoo chegou ó poder coa alianza de todos os que viron na orde legal un obstáculo pros seus intereses. Os das enerxías renovables foron os que mais loitaron, ata que conseguiron que Feijoo tumbara o decreto do bipartito e abrira un novo proceso favorable os seu interese. As granxas de cultivos mariños non admiten espazos protexidos pra elas todo o mar é seu. Os que aspiran a facer dos  servizos públicos un negocio, viron que Feijoo podía ser un aliado. Ás empresas de construción afiaron as uñas, porque a adxudicación directa, sen ter en  conta os custos, sería un bocado apetecible. Os de ideoloxía da extrema dereita, ansiosos de impor a súa filosofía, necesitaban un poder político favorable os seus prantexamentos, e pra elo, nada mellor que quen se criara no opus. Intereses comerciais e empresas diversas, viron que se lles podía abrir un lucrativo negocio e arrimáronse ó banquete. A cousa merece unha consideración individualizada. Falaremos do goberno.

 

05/04/2011 10:31 mmarcos #. sin tema No hay comentarios. Comentar.

AS RENOVABLES E Ó PODER

20110406094332-media0000017016.jpg

 

 

           As concesión pra explotación de enerxías renovables é un gorentoso negocio; tanto polo beneficio que a explotación da enerxía lles reporta ós titulares como polas importantes axudas que concede o Estado.

          A veces unha imaxe vale mais que mil palabras. Fala por si sola a foto do presidente de IBERDROLA abrazando con furor a Feijoo na praza do Obradoiro.

           IBERDROLA vía en perigo os proxectos de minicentrais cos quere sementar Galiza; pra iso precisaba dun goberno, que non poña reparos éticos ou ecolóxicos.

           Mais escandaloso foran as concesións eólicas, pro que tiveron que derroga-las concesións anteriores e, con toda a cara, outorgaron concesións a empresas dos medios que lles  axudaron a chegar ó poder e a empresas creadas pro caso, vinculadas ó PP.

           As Indemnizacións, ós que alegremente expropiaron as concesións, aínda non poden cuantificarse, pero serán moi elevadas; teremos que as pagar a escote; o mais xusto houbera sido que as pagaran os irresponsables que orixinaron a desfeita, e dicir Feijoo e Guerra, ou os que os votaron; pero repetiran o consabido mantra  e os incautos creranlles.

           Tanto os empregos como as prometidas inversións van a quedar lonxe do anunciado. Incluso a inversión estrela da planta de lixo xa está no aire. Isto é solo o comezo.

06/04/2011 09:43 mmarcos #. sin tema No hay comentarios. Comentar.

AS GRANXAS MARIÑAS

20110407103433-i27801.jpg

 

 

          Pescanova, acostumbrada a que todo o mundo lle baixara a cerviz, liderou unha campaña de desprestixio, persoal e colectiva contra do goberno do  bipartito.  A razón do cabreo foi que quería instalarse  en zonas da rede natura,  e o bipartito non llo  permitía, ofrecéndolle outras zona, igualmente aptas pros cultivos mariños, pero de menor valor urbanístico. É fácil comprender que a pretensión esencial de PESCANOVA é facerse cuns terreos susceptibles  de urbanizar e dar un gran pelotazo. A granxa de cultivos mariños era solo un medio pra consegui-los terreos. Outras concesións en zonas ecoloxicamente sensibles, poden representar un perigo pra produción autóctona polo emprego de antibióticos e outros produtos tóxicos. Pero o negocio é o negocio, que é o que están estas empresas, mentres a Xunta mira pra outro lado.

07/04/2011 10:34 mmarcos #. sin tema No hay comentarios. Comentar.

FEBRE PRIVATIZADORA

20110408102218-file0020.jpg

 

  

            Todo o que pode xerar beneficio é susceptible de privatización.  Xa na época da Xunta de Fraga se inventaran o das Fundacións pra xestión de hospitais; foi un ensaio xeral. O deconstructor Feijoo foi o encargado de  destrozar Correos e liquida-lo seu patrimonio. Un organismo esencial e enseña na maioría dos Estados. Feijoo non o modernizou; optou por destrozalo. Sería mais doado modernizalo, pero a razón esencial era deixar espazo pras empresas privadas e co desexo de que correos non sobrevivira.Eu, que comencein a miña carreira en correos, sentín a dor da perda de algo querido, de que se estaba atacando a unha Institución emblemática, co fin de acabar con ela.  Xa na Xunta comenzou a privatización de todo o que puidera ser cobizado pros negocios privados, empezando por hospitais, como en Bos Aires, Vigo, Pontevedra, etc. Outro invento de Feijoo é a privatización paulatina, por Servizos, como en Cee; así, cando a xente se queira dar conta, teno todo privatizado; tamén privatiza os servizos sociais, sen que iso derivara nunha mellora dos servizos ou nun aforro pro Tesouro da Xunta; antes ben, o custo, nalgúns casos triplicouse 

 

   

08/04/2011 10:22 mmarcos #. sin tema No hay comentarios. Comentar.

O DEDO MÁXICO

20110409102139-20101109134420-cinismo.jpg

 

       A Adxudicación directa, os concursos amañados e as colocacións a dedo; son divisa do Goberno de Feijoo.  Sempre se abusou da contratación directa; algo que figura na Lei como un xeito de contratación excepcional, atendendo a criterios de contía e urxencia, pero que o PPg converteu nun xeito ordinario de contratación. Este Xeito de contratación non é privativo da Xunta; tamén a nivel local o PPg o practica;  como exemplo os concellos do PPg, e afíns, da Costa da Morte, implicados na operación orquesta Dese xeito, o dedo máxico do goberno autonómico, apunta as empresas vencelladas con eles. Si iso non fora dabondo pra repartirse os pastel,  os concursos van por escuros camiños que levan, indefectiblemente, a adxudicación desexada, pero cun premio adicional de sobreprezo; tal é o caso da autovía da Costa da Morte, que xa estaba en fase de execución, pero o PP anulou o contrato e sacouna, de novo, a concurso, pra adxudicala a unha empresa amiga por o triplo do presupostado, en  sanidade parece que se chegou a quintoplicar. As irregularidades foron tales, que n algúns casos, como a autovía da Costa da Morte, a adxudicación foi anulada, o que retrasa a finalización da obra. O incrible é que os alcaldes do PP da Zona, moitos en fase de imputación por corrupción, vótanlle a culpa ó bipartito. Estes peperos van terminar por acusar á oposición da corrupción do GÚRTEL e da crucifixión de Cristo

 

 

09/04/2011 10:21 mmarcos #. sin tema No hay comentarios. Comentar.

FUKUSHIMA

20110411103448-masanori-fukushima.jpg

   Si Feijoo, supoñamos, fora o gobernante de Xapón non pasaría o de Fukusima, Os galegos non valoramos, no xusto termo, o pedazo de Presidente que temos. Non solo é o noso guía, como Enver Hoxha o foi pra  Albania. Tódolos días, dende a radiogaita, nos da a súa opinión sobre os mais dispares asuntos. ! Hai que ver que sabido é ese home!. O do Prestige, si el estivera de Presidente non habería ocorrido, e de ocorrer faría un esconxuro e soltaría unha parrafada pola radiogaita pra que nos sentíramos felices. Di un famoso actor galego:  hai que ter criterio, e Feijoo teno, a súa maneira, claro.

11/04/2011 10:35 mmarcos #. sin tema No hay comentarios. Comentar.

FLORECEMENTO DOS AYATOLAS

20110412104121-fanatico.png

 

         A extrema dereita viu en Feijoo o político que lle garantizaría a preeminencia e imposición da súa ideoloxía. Nos hospitais un cura forma parte dunha comisión ética que vela pola ética médica, medida con parámetros relixiosos. En educación as ayatolas de Galicia Bilingüe impoñen a Lei e permítense desprestixiar ós profesionais que non son do seu agrado, sen que os sindicatos, chamados de clase, movan un dedo. O expresidente Aznar súmase ós aldraxes a Galicia, vendo que é un pobo desvalido, cun goberno que el mesmo manexa, e un pobo que parece necio

12/04/2011 10:41 mmarcos #. sin tema No hay comentarios. Comentar.

S-696 E AS MUNICIPAIS

20110413105000-x-files-prin.jpg

    Non é un número da besta, pero case,  é a clave  baixo a que na Consellería de Traballo agochan os datos reis do paro.  

     O paro foi unha das promesas estrela de Feijoo. Unha das moitas que non cumpriu; de feito, fora o acoso á cultura galega, non cumpriu ningunha promesa. A Conselleira de Traballo, mais coñecida pola Conselleira do Paro, non facilita os datos reais do paro. O feito é dunha significación e dunha gravidade extrema; mais tendo en conta que foi unha promesa estrela de Feijoo. Ia acabar  co paro en tres meses , e agora está desmadrado. Iso non é óbice pra que os peperos o usen como un mantra e, con todo o morro, o presenten como un logro do bo goberno de Feijoo e o saquen na campaña das municipais, pero dándolle o carácter dunha promesa electoral; como  si a política de emprego fora de competencia municipal

13/04/2011 10:50 mmarcos #. sin tema No hay comentarios. Comentar.

CHANTAXE MFIOSO

20110414112309-images.jpg

     Feijoo recorre á chantaxe pra minimizar calquera crítica do PSOE a membros do goberno galego.  Co obxecto de evita-las críticas a calquera membro do goberno galego, Feijoo ameazou a oposición con comisións de investigación. Non é a primeira vez que Feijoo recorre á chantaxe, e saben que  cumpre certas promesas. No pasado, el e o  Superconselleiro ameazaron  a Pachi Vázquez con derrubarlle á casa que ten en San Amaro; mandáronlle os inspectores de Vivenda á casa co obxecto de atopar irregularidades. As xuventudes peperas chegaron a rodearlle a casa e bloquea-la entrada, pra intimidalo. Todo pra que non fixera preguntas incómodas no Parlamento. O candidato a alcalde do PP pola Arzúa, que era director da emisora municipal da Arzúa, intentou venderse o alcalde; agora vai de candidato do PP. Non estamos en Sicilia, estamos en Galicia, pero os xeitos son moi similares. A chantaxe estase a converter en algo corrente na telegaita; pero o de Rajoi  pedindo,  esixindo e logrando o cese do director do diario HOXE, porque lle descubriu que paseara nun barco dun famoso contrabandista;  da idea da degradación  e baixeza da política do PP e do perigo que corren as liberdades

14/04/2011 11:23 mmarcos #. sin tema No hay comentarios. Comentar.

O PEDAZO DE PRESIDENTE

20110415110746-feijoo-prestidixitador.jpg

 

        Unha mentira, por moito que se repita non deixa de ser unha mentira. É un feito comprobado que os políticos fan promesas que nunca pensan cumprir.  A mentira e as promesas, lanzadas como sementeira pra colleita de votos,  son mais habituais do que fora de desexar;  non debían confundir ós votantes con promesas valeiras, que se fan co único propósito de enganar. Mais o certo é que a xente cre as mentiras, por iso os políticos as din; penso que é porque ten necesidade de ter unha esperanza. Si as falsas promesas son vendidas por medio dunha boa propaganda, o éxito está asegurado. ¿Qué pasa cando as promesas non se cumpren?. Os asesores de imaxe xa teñen previsto esa eventualidade; pra eles o mais doado é votarlle a culpa ó contrario. Iso é o que fai Feijoo; cunha mentira esconde a anterior. Si ía arranxa-lo paro en tres meses e a promesa non é capaz da  cumprir; o culpable é Zapatero. Cando estaba na oposición a culpa era de Touriño; agora a culpa é de Zapatero. A culpa non é súa, el é un pedazo de gobernante. O malo é que moitos si o cren.

 

15/04/2011 11:07 mmarcos #. sin tema No hay comentarios. Comentar.

DE PROFESION: MENTIREIRO

20110416102741-imagescatavebc.jpg

 

 

          A pregunta é lóxica ¿Queren os galegos que lles menta o Presidente?. A resposta debía de ser obvia; nembargantes as cousas non son tan sinxelas; temos que pensar nos seareiros, nos servos da gleba manexados polos caciques rurais, no poder dos medios de comunicación pra formar e deforma-la vontade popular, na formación intelectual do receptor da mensaxe, e sobre de todo, na habilidade do orador pra esconder cunha mentira, outra mentira.

         Cando pillan a Feijoo nun renuncio gordo, non da explicacións, nin admite a mentira; minte mais, ameaza e as bancadas populares patalexan como posesos e aplauden. !Unha imaxe surrealista, nun éstrano pais.!

16/04/2011 10:27 mmarcos #. sin tema No hay comentarios. Comentar.

¿DE QUE SE FALA?

20110418101447-gran-circo-feijoo-saluda-a-franco-22x161.jpg

 

   É o primeiro mitin de cara as eleccións municipais. O lugar é o idóneo, na cidade da Coruña. O público actúa como si se atopara baixo dun poderoso feitizo; unha atmosfera electrizante e uns seareiros enfebrezidos; Feijoo fala das eivas de Zapatero, Negreira da terceira roída, pero ningún deles do goberno municipal. Noutros mitins os candidatos prometen reduci-lo paro, repetindo a promesa estrela de Feijoo. Feijoo promete austeridade e apela os seus dous anos de goberno, facendo un panexírico do seu goberno, que nada ten que ver coa realidade. Promete austeridade quen triplicou, en dous anos de desgoberno, a débeda, multiplicou a burocracia, creando novos chiringuitos, reducindo aqueles que considerou ideoloxicamente perigosos, pero sen atender a criterios económicos e de eficiencia, creou novas unidades administrativas: como as Superdelegacións, cuxa esencial función é controlar politicamente a administración periférica; mudou de nome as delegacións das Consellerías, pero mantendo a súa organigrama interna e os gastos. Simula suprimir Consellerías; no  fondo fai unha reorganización pra poñelas baixo un mando da confianza do sector pontevedrés, e mantén as estruturas territoriais. O gasto de funcionamento da Administración Autonómica sufriu un incremento do gasto, en  conxunto, do 7%. Pódese da-la cifra de mais de mil duascentas persoas que colocou a dedo; sen contar as achegas de Baltar. De qué se fala, terá varias entregas

18/04/2011 10:15 mmarcos #. sin tema No hay comentarios. Comentar.

DE QUÉ SE FALA

20110419103431-mitin-promesas-incumplidas.jpg

 

  Por suposto dos logros de dous anos de desgoberno, amiguismo, corrupción, clientelismo, etc. Eu chamaríalle o segundo ano de embustes. Non se fala do desemprego, promesa estrela, que a mataron, e que agora a resucitan no ameto local. Non se fala dun fenómeno que se consideraba superado, pero que agora con Feijoo volveu, o da emigración, Miles de galegos teñen que emigrar a outras autonomías con mais dinamismo económico, ou ó estranxeiro, como en tempos que desexaríamos esquecer. Non se fala de que a metade dos dependentes seguen sen axuda, aínda que a Conselleira do paro di que resolve mai solicitudes de dependes das que lle chegan, será que algún enchufado dos implicados na operación Orquesta cobra mais dunha prestación; de aí que conceda, segundo a Conselleira, mais prestacións das que se solicitan. Non se fala de que o brutal endebedamento non foi pra inversións, senón pra transferencias a concellos amigos, mocións de  censura e todo o que axudara a conserva-lo poder.

  ¿De que falarán os Deputados  autonómicos pra convencer ós votantes de que a Xunta o fai ben?

 

19/04/2011 10:34 mmarcos #. sin tema No hay comentarios. Comentar.

20110420105557-41800-104054672961766-1532-n.jpg

 

     A Feijoo e o seu conselleiro de Industria cústalles admiti-lo revés xudicial pola derrogación do Decreto do eólico e seguen cunha mentira tras doutra. O único certo é que atrasou o desenrolo de enerxías renovables co risco da perda de axudas estatais, perda de empregos, espolio ós propietarios dos terreos, perxuizo pro Tesouro da Facenda Autonómica, pros concellos, etc.. A impresentable chapuza fíxoa pra compensar ós que lle axudaron a chegar ó poder. A rectitude do reparto queda retratada polo seguinte: Os favorecidos no reparto son empresas ou persoas vinculadas ó PP. Algunhas empresas créanse pro caso. Os proxectos de inversión co que se xustifica as adxudicacións, ou ben xa estaban feitas, ou son irrealizables. Os baremos non son públicos. Que un encausado por contrabando, veciño do Presidente da Deputación de Pontevedra, resultase agraciado, pode ser unha casualidade. Outros adxudicatarios como o empresario ese do Barbanza, ou a empresa castelán, tamén poden ser casualidades. Sospeitosas, iso si. Cheira a podrido. As indemnizacións ós prexudicados, millonarias. Quén as pagará, nos.

20/04/2011 10:55 mmarcos #. sin tema No hay comentarios. Comentar.

TOUPEIRA

20110421101914-image279.gif

  

     Feijoo ten menos vista que unha toupeira. Sen poñerse colorado, sen inmutarse, Feijoo larga  que Galicia, grazas a el, vai dous anos de adianto con respecto a España, que son os que el leva gobernando. Vese que as gafas que usa son pra ver fantasías, que non lle deixan ve-la realidade. Non ve os miles de persoas que acoden os comedores sociais. O traballo das ONGs que reparte alimentos, enseres e vestimenta; ós voluntarios que prestan asistencia social; o paro, que en algúns sectores pasa do 40%; o fenómeno da emigración; as estadísticas fiables que sitúan a Galicia no rabo do touro; o amiguismo e  a corrupción, típicos dunha república bananera, tanto do Goberno Autonómico, como dalgunhas entidades da Administración Local  gobernadas polo PP. Vende fume; as gafas de Feijoo teñen a virtude de que a través deles non se ve a realidade, vese un pais de fantasía;  non parece o Presidente da Xunta, senón Alicia no Pais das Marabillas..

 

21/04/2011 10:19 mmarcos #. sin tema No hay comentarios. Comentar.

EN BUSCA DO VOTO

20110423105252-rosa-y-trufo.jpg

  

          Ós Deputados do PP son chamados a filas, non porque fagan o vago. Le-la prensa e chamar polo móbil son actividades penosas dos Deputados, de calquera grupo, cando acoden á Cámara. O PP necesita a tódolos seus Deputados pra que lles conten unha historia rosa ós votantes e os convenzan do moito que se traballa  na Xunta  polo pais, que parece que é menos que nada. Non importa que non se faga nada, que o único que se fixo nestes dous anos foi desfacer; o mérito está en contar unha bonita historia. Se alguén, que non será o caso, non crera eses milagres, a culpa de que non se faga mais é da oposición e, sobretodo, de Zapatero. Os Deputados serán o apoio ós candidatos a alcalde; aínda que eu penso que un bo cacique fará mais. Hai tres temas estrela pros mitins e  nas que os Deputados deben incidir: Os concellos combateran o paro, ( espero que do mesmo xeito que o fixo Feijoo): de momento, dende a Xunta estase a apoia-los concellos gobernados polo PP mediante xenerosas transferencias fondos; tamén dende as Deputacións, pra que sirvan de exemplo pros outros concellos e gañar votos  no propio. Os alcaldes do PP serán austeros, supoño que como Corina cando foi  alcaldesa de Vigo, que se gastou nun despacho secundario, case medio millón de euros; debía ser exposto pra que a xente vira a austeridade do PP.  A terceira pata son os servizos sociais. Vendo a política da Xunta, solo cabe rezar.

23/04/2011 10:52 mmarcos #. sin tema No hay comentarios. Comentar.

A CONQUISTA DA RUA

20110425105003-1111111111.jpg

        Á conquista da Rúa lánzase as mesnadas Populares. Está ben que, ó menos, unha vez ó ano traballen; os demais españois traballan tódolos días do ano; a diferenza non está solo na xornada de traballo, senón en que a súa xornada está rodeada de suor, a do PP de mentiras.

         O PP xa elaborou un caticismo electoral, que servirá de base as súas mesnadas pra que conten ós electores as fantasías que Feijoo ve coas súas gafas máxicas. Natural, se se considera un enviado de Deus e da poderosa FAES e estima que os súbditos son tan estúpidos que non ven a realidade do que pasa ó seu carón, e cren o que se lles diga. Certo que vivimos nun pais no que os feitos foron os que o cacique dicía, independentemente da súa veracidade, son moitos anos, ó largo dos que se vai formando unha idiosincrasia. O caciquismo sempre tivo  unha estrutura piramidal; de aí, que o caciquismo asuma como estrutura axeitada, a que se da actualmente, e que se lle dirixa dende San Caetano. !pobre pais!

25/04/2011 10:50 mmarcos #. sin tema No hay comentarios. Comentar.

TRANSFUGAS

20110426111453-louzan-22222.jpg

     O transfuguismo é un concepto aplicado os edís que mudan de grupo pra aliarse coa oposición e facerse co goberno. Hai que admitir que o transfuguismo é un caso grave en canto comercian cos votos recibidos e os usan pra beneficio propio e prexuízo de quenes os elixiron. Aínda que n on sexa público, é común mente admitido de que non son intereses altruitas os que moven esas noxentas condutas. Dificilmente se saberá ao prezo, ou que transición houbo nos casos de transfuguismo, pero o que si parece seguro e que algo houbo. Parello a este fenómeno son os das migracións ideolóxicas. Xente que milita nun partido e que se lles presupón unha ideoloxía, aparecen noutra formación antagónica, xeralmente en postos destacados. Nada hai legalmente encontra destas milagrosas reconversións; pero iso é a proba indubitada da súa amoralidade.   Os electores deben xulgar.

26/04/2011 11:14 mmarcos #. sin tema No hay comentarios. Comentar.

O IMPORTANTE É O VOTO

20110427112522-impuestos.png

 

 

      Ante a mediocridade  de xestión o recurso é a compra de artigos periodísticos que enxalcen unha imaxinaria acción de goberno. Este xeito de publicidade, que sentará precedente, danos unha idea das  Consellerías menos efectivas na  labor de goberno. O mas difícil é dicir cal se presume mais mala.

      A compra de publicidade periodística xa non é de agora, mais é, precisamente agora cando chega a límites descoñecidos; non se preocupan de gobernar. Non valen, nin lles importa, lanzan unha propaganda, que agoche a súa desidia e incompetencia, e xa está. O que importa é o voto, non o pais.

 

27/04/2011 11:25 mmarcos #. sin tema No hay comentarios. Comentar.

¿LEGAL?

20110428110601-media0000017016.jpg

 

         Daquela lea de ilegalidade do Decreto do eólico, que inventara Feijoo, queda algo mais que o rumor das mentiras. A constatación de que se inventaron inversións, que estaban incluídas no propio proxecto de explotación, computándoas como inversións pra comunidade, coa agravante de, que se sospeita, que foi dende a propia Xunta ónde se suxería este procedemento torticeiro  pra burlar as propias normas. Veremos en que acaba

28/04/2011 11:06 mmarcos #. sin tema No hay comentarios. Comentar.

OPACIDADE CONTRACTUAL

20110429105659-hernandez-oscurantismo.jpg

 

         Todos pensamos que os contratos se adxudicaban conforme a unhas regras de transparencia, aprobadas polo bipartito, e logo, ratificadas e ampliadas polo PP. Enterámonos co PP, incumprindo a súas propias normas, adxudica contratos a dedo vulnerando, non só a legalidade, senón, a mais elemental ética. A conexión coa trama corrupta da Costa da Morte, e outras vinculacións caciquiles e corruptas, en proceso de investigación, fixo como é norma  no PP, ataca a todos e ameaza a todos. Xa está ben de mafias, é necesaria unha osixenación das Institucións, e non defenderse estendendo a dúbida.

29/04/2011 10:57 mmarcos #. sin tema No hay comentarios. Comentar.

20110430105636-grouchogafas.jpg

       Nun mitin celebrado en Ourense, o excelso Presidente da Xunta e demais coristas, ademais de lanzar anatemas contra do goberno do concello, facendo responsable do atraso da provincia de Ourense e accidentes meteorolóxicos, prometeron crear dous centros de saúde, ( malo, recoñecer a incompetencia da Conselleira de Sanidade), e o turismo, coa explotación das Burgas, (recoñeceron a incompetencia e inoperanza do Conselleiro de Industria). Conclusión: prometeron o que tiñan que ter feito. O mais, do mais é a austeridade. Cos exemplos da residencia do Presidente, coas cadeiras de 600 euros, a unidade, da Cidade da Cultura; co luxo do despacho que Corina se montara en Vigo, co parque móbil; estas parrafadas moven a hilaridade.  A compra de titulares de prensa é outra incongruencia da austeridade predicada; despilfárranse millóns de euros pra esconde-la incompetencia, tan necesarios en dependencia, paro, sanidade ou educación, afondando no descrédito dos medios e dos políticos, facendo evidente esa complicidade en contra da limpeza e da ética.

30/04/2011 10:56 mmarcos #. sin tema No hay comentarios. Comentar.


Blog creado con Blogia. Esta web utiliza cookies para adaptarse a tus preferencias y analítica web.
Blogia apoya a la Fundación Josep Carreras.

Contrato Coloriuris