Facebook Twitter Google +1     Admin

Se muestran los artículos pertenecientes a Agosto de 2011.

O DESBARRE

20110801105950-img-server.jpg

 

        Nin Bilbao, nin outras cidades, que contan cunha infraestrutura deportiva, quixeron a Copa Davis; nesto que chega o alcalde de Santiago e reclama o evento, que se celebraría na Cidade da Cultura. Sería unha pista provisional, que pasado o evento se desmontaría. A Cidade da Cultura hai que promocionala. A cuestión é se o custe do evento é asumible, ou imos de disparate en disparate, enchendo os petos de alguén. Pra disparate ese novo chiringuito que se inventou Feijoo pra calidade, ou algo así. Cando se debían reduci-la Administración pra aforrar, saen con esas ocorrencias. Unha auténtica ocorrencia, despois de cargarse a inovación.

       Xa están pensando en facer unha competicion de regatas na Cidade da cultura. Os regates é especialidadade de Feijoo.

01/08/2011 10:59 mmarcos #. sin tema No hay comentarios. Comentar.

ESPERPENTO

20110803112108-buitre4.jpg

 

   Antes de tomar posesión, e sen que se saiba cómo, os alcaldes do PP que gañaron as eleccións e os Presidentes das Comunidades Autónomas, con intencionalidade política, espallaron os catro ventos a existencia de importantes débedas. Todo sen sequera audita-las contas de Tesourería. A lixeireza e falta de un mínimo de sentido común desa xente xa trouxo consecuencias, as Axencias de Calificación  rebaixaron o valor da débeda. Alguén debera ir ó cárcere: Os que espallaron os rumores, ou os que tiñan a economía en bancarrota; do contrario non se pode dicir que vivimos nun pais civilizado.

03/08/2011 11:21 mmarcos #. sin tema No hay comentarios. Comentar.

GUSTARIAME VELO

20110804103229-trenes.jpg

 

    A preparación de argumentos ó futuro goberno do PP, ten metido ó goberno de Feijoo nun sublime e estéril esforzo pra intentar facer crer aos galegos que a chegada do AVE adiarase a unha data lexana, tan lonxana que da por sentado que durante o goberno da Rajoy o AVE non chegará o o pais do millón  de vacas, e  digo o pais do millón de vacas, porque pra Feijoo os galegos están nun nivel inferior as vascas. Un goberno que anda metido nestes enredos, que antepón o partido ó pais, merecería ser reo de alta traizón. O Ministro de Fomento reta a Feijoo a un debate sobre a chegada do AVE. Sería unha desas cousas que merecería a pena ver.

04/08/2011 10:32 mmarcos #. sin tema No hay comentarios. Comentar.

VEÑEN A POR NOS

20110805104849-boitre.jpg

 

      Os voitres atacan os mercados, pero como os voitres solo atacan os mortos ou moribundos, e parece que España está moi enferma. Presúmese de que a débeda non alcanza o 75% do PIB. A inxenería estadística é moi usada en España, e iso é algo co quer contan os mercados. Por exemplo  a autovía da Costa da Morte estaba presupostada polo bipartito en algo mais de trescentos millóns de euros, agora sae por case 900 millóns. O Hospital de Vigo estaba presupostado por 250, agora xa se estima que custará 1.900; e aí mais. As construtoras adxudicatarias financian a obra. A cambio multiplícaselles o presuposto, que logo pagará a Xunta a prazos. Un xeito de emitir débeda sen chamarlle así, e que a CEE non a contabiliza;  que pode servir pra enganar na casa, pero os mercados non son uns pailáns calquera, feito  que lastrará a futuros gobernos. Si a práctica é seguida por outras Administracións, xa temos a razón do comportamento dos mercados.  

 

05/08/2011 10:49 mmarcos #. sin tema No hay comentarios. Comentar.

MAIS OSCURIDADE

20110806101839-1230161096738-f.jpg

 

       Cada vez mais, temos que desconfiar das estatísticas. Danse a coñece as cifras do paro e observamos unha lixeira melloría; eu diría tan lixeira que me leva o convencemento de que neste eido seguimos con encefalograma plano. Agora xurde a pregunta do millón. ¿ non ían  ser as medidas que precarizaron o emprego as que dinamizarían o mercado laboral?. Viuse que o problema non  era a rixidez da regulación do emprego. Os mal chamados incentivos á contratación crearon na clase empresarial unha mentalidade perniciosa, concibindo a creación de emprego como un incremento barato, sen esforzo, dos beneficios. Se ten que haber unha liberalización do mercado laboral, non pode artellarse sobre as cargadas costas dos currantes. As xenerosas subvencións ós empregadores teñen que ter unicamente unha función correctora no mercado laboral, pra incentiva-la contratación de grupos de persoas, excluídos do mercado laboral; nunca subvencións pra contratar a alguén, que de todos xeitos o farían, e que pra mais vai a desprazar, pro paro, a outro traballador, o ocupa-lo seu posto; xa que non se trata de novos empregos. 

        As sospeitosas manipulacións de estadísticas quítalle todo o valor ós datos publicados. Sospeitas fundadas lévannos a estimar que a Xunta agocha a cifra duns 7.500 parados, que quitou das estadísticas colocándoos en cursos de formación. Algo había que facer con estes parados que lixaban as estadísticas da  marcha triunfal do réxime. Quén nos di que as  outras estadísticas, de outras autonomías, non están tamén manipuladas.

 

06/08/2011 10:18 mmarcos #. sin tema No hay comentarios. Comentar.

¿ULA A ECOLOXÍA?

20110808104349-jpg-304-3-1.jpg

 

        Dende que a Xunta permite reforesta-las fincas de labor con  eucaliptos; dende que a Xunta autoriza a construción de piscifactorías en zonas  da Rede Natura, dende que autoriza a instalación de muíños de vento, sen ter  en conta o impacto ambiental, paisaxístico, ou se o chan no que se instalan é da Rede Natura. A ecoloxía esta desaparecida no pais do millón de vacas. O único que prima é o beneficio dos que solo pensan no seu e ven na ecoloxía unha traba ós seus intereses.   

08/08/2011 10:44 mmarcos #. sin tema No hay comentarios. Comentar.

PENEXO NON SE RENDE

20110809105750-16658de-soleilmont-petit-basset-griffon-vendeen-3.jpg

 

    Posiblemente fora o anuncio que se fixo dende a Curia compostelán, dicindo que o CODEX CALIXTINO se ía devolver baixo secreto de confesión; o que o induciu a insistir na busca. A min xa me ten mosqueado; ou pensa que o CODEX  se atopa aínda na catedral, ou nas inmediacións. Tamén pode ser que lle guste o viño de misa e por iso non se quere ir da catedral, ou porque espera que o alcalde gaiteiro toque unha muiñeira na praza do Obradoiro. Hai que ter en conta que a penexo gústalle a festa, e vaille  o da gaita; por iso admira tanto o Conselleiro de Industria. Pra min que o CODEX non aparecerá mais.

 

09/08/2011 10:57 mmarcos #. sin tema No hay comentarios. Comentar.

AÍNDA SIGUE A NOITE ESCURA

20110810104130-pp-070-saluar-serra-de-lobos-003-350.jpg

 

 

   A noite escura sigue. A sarabia golpea nos lousados e nas xanelas. Son noites de medo; nas que ouvean os lobos, e nos intres en que o temporal escampa, as curuxas espallan os seus cantos de agoiros dende o campo santo. No medio dunha mar embravecida un barco vai o pairo e os homes co tripulan agárranse con desesperanza a todo o que poida darlles a posibilidade de que a vindeira onda non os barra da cascara de noz na que navegan.

   No pais do millón de vacas, os políticos converten o día en noite e, non todos; fálannos dos despilfarros dos contrarios, das débedas coas que se atoparon; todo pra agocha-la a súa incompetencia e as intencións que teñen de aproveitarse das Institucións que ocupan, no canto de gobernalas. Con moitas débedas non se deberon atopar cando se permiten parir ideas pouco rendibles  e moi caras.

   Non sei se me da mais medo o segundo caso que o primeiro.

  Debe ser o segundo caso o que mais asusta, xa que os mercados dan sinales de estar medrosos e morden nos nocellos a economía do pais como cans rabiosos. O que si é clara, é a irresponsabilidade dos políticos, que antepoñen os seus miserentos intereses ós da comunidade.

10/08/2011 10:41 mmarcos #. sin tema No hay comentarios. Comentar.

¿ QUÉ É PEOR?

20110811110356-img-server.jpg

 

   Unha dubida tenme desacougado. Quén será peor a corrupción, ou quen a tolera. Por suposto non me refiro, ó dicir  -quen a tolera-, ós que teñen a responsabilidade –in vixiando-, senón os electores, que polo que vimos, non só toleran a corrupción  senón que a premian. Os corruptos  saben moi  ben como  reaccionará o electorado

11/08/2011 11:07 mmarcos #. sin tema No hay comentarios. Comentar.

EVANESCENTE

20110812104457-1283420952montoro.jpg

 

   Así de pequeniña, segundo a imaxe. O encargado de política económica do PP, o sr Montoro, dixo das propostas de Rubalcaba,  en materia económica, que son “evanescentes”. Mais que unha critica, a súa é unha estulticia. O caso americano,  onde os visionarios do Tea Party levaron ós EEUU ó borde do abismo, non é lección, segundo parece, pra que os políticos  españois teñan un pouco de sentido común;  o que nos leva a pensar que os políticos, tanto do PP como do PSOE, carecen dese atributo

12/08/2011 10:45 mmarcos #. sin tema No hay comentarios. Comentar.

DE PERIGRINACIÓN

20110813103622-lvg20091004-1.jpg

 

        A política sobre cultivos mariños do goberno bonsai consiste en pasear centos de quilómetros o moluscos pra levalos ó norte da provincia de Lugo, e espalla-la contaminación a zonas limpas. Nas piscifactorías instaladas na zona  cundíu a alarma e pode terminar coa ocorrencia da conselleira antes de empezar, de feito, xa recuou e o emprazamento pra depuración aínda non está fixadoUn informe de Medio Ambiente de Madrid, sitúa a produción marisqueira de Galiza, en mais de dous terzos, na zona C, é dicir, altamente contaminada. Ante isto, o.  goberno bonsai, no canto de sanea-las rías acórreselle mover por Galicia as ameixas e os demais moluscos.   En lugar de emprega-los  cartos que a CE lle deu pra sanea-las rías, como faría un goberno responsable,  dállos os concellos peperos pra beirarrúas, arranxo de pavillóns, etc. Aínda vai haber que devolvelos pola mala utilización que fai deles o goberno bonsai.

13/08/2011 10:36 mmarcos #. sin tema No hay comentarios. Comentar.

SUBVENCIÓNS ÁS TOURADAS

20110815110524-toros-favelis1.gif

 

       Non me gustan os bois, non teño o mesmo gusto que as vacas; por elo non me gustan as touradas; como espectáculo, paréceme cruel e deprimente. Postos a tolerar esas festas de sangue; non podo transixir que dende a Xunta, cos meus cartos e cos de tódolos  galegos que non participan desa crueldade, se subvencionen esas touradas. Axuda-la xente, a ser cruel, a subvenciona-la crueldade, namentres non se axuda ós dependentes,  se deixa pasar, (literalmente) fame a millares de galegos, paréceme un sinsentido. A concelleira de cultura do Axuntamento da Coruña, seguro que ve nas touradas un espectáculo magnífico. Temos os gobernantes Que eliximos, nosa é a culpa.

15/08/2011 11:05 mmarcos #. sin tema Hay 1 comentario.

CAEN OS PREZOS

20110816112519-que-no-se-note-pobreza.jpg

 

     Os prezos caeron, no conxunto do estado un 5%, en Galiza un 8%, como se ve un éxito do bo goberno de Feijoo. Seguro que  presenta os datos como un éxito da súa política. Como consecuencia da súa política seguro. Os prezos son  un parámetro que reflexa a oferta e a demanda. En Galiza grazas á política de Feijoo caeu a demanda, porque o nivel de ingresos das familias levas a pobreza. 700.000 galegos viven no umbral da pobreza, cerca de 100.000, na pobreza extrema. Cómo van consumir.

16/08/2011 11:25 mmarcos #. sin tema No hay comentarios. Comentar.

NUNCA VOS ESQUECEREMOS

20110817103637-p15c6f1.jpg

 

     Fostes semente de conciencias firmes, regastes co voso sangue o sagrado chan amado, gañastes un posto no olimpo. Co voso exemplo, dando a vida por Galiza, marcastes o  vieiro das xeracións vindeiras, dos puros de corazón, que non buscan gloria; porque nos ensinastes que a meirande gloria é servir a Galiza.

     A  crueldade e o terror que instauraron os fascistas trala sublevación, fai que o número de asasinatos teña unha importancia relativa; pois cada vítima foi unha traxedia pra súa familia e os seus achegados.

     O que costa entender, coa perspectiva que da o tempo, é que hai castas profesionais do poder; que estiveron no poder antes da  sublevación, coa ditadura e agora coa democracia.

     Neste día de Galiza mártir lembremos a todos aqueles que deixaron a súa pegada na historia de Galiza.

17/08/2011 10:37 mmarcos #. sin tema No hay comentarios. Comentar.

CENTRÁNDOSE

20110818111449-bng-02.jpg

 

   29 alcaldes do BNG xuntáronse pra debater  sobre a política que debe ser a liña directriz do BNG. Non houbo unanimidade na resolución final; unha decena de alcaldes, que parece que representan a liña dos coroneis da UPG, apartáronse da opinión da maioría dos alcaldes, que aconsellaban un programa mais pragmático, que tivera un papel predominante os problemas diarios da xente, mais pragmatismo e menos ideoloxía. Dende un sector dominante minimízanse as propostas de vinte alcaldes, dando como argumento, que a minoría de alcaldes que disentiron, da maioría, representan a un número elevado de electores. Eu preguntaríame, cáles deses alcaldes foron elixidos por maioría absoluta. NINGÚN. A UPG ten que evolucionar; non pode manter as proclamas de cando naceu; tampouco pode pretender manter secuestrada a Galiza. O inimigo de Galiza está na casa, e non é solo Feijoo e Gloria Lago. Declárome galeguista e sinto que o corazón se me encolle e a esperanza fuxe de min,  cando escoito os upegallos antepoñer a súa trasnoitada ideoloxía ós intereses da Galiza. Debían facer un exame profundo pra explica-la paulatina perda der apoios.  

18/08/2011 11:14 mmarcos #. sin tema No hay comentarios. Comentar.

Á DIVINA PROVIDECIA

20110819102645-1296996384024-f.jpg

 

     Hai alcaldes moi preocupados polo abastecemento  de auga, entreles o Presidente da FEGAM, do que dixo a Xunta que non expresa o sentir de tódolos alcaldes. Dende logo, non expresa o sentir dos que non van ter problemas de abastecemento de auga, nin dos peperos mais recalcitrantes, pros que os veciños son solo facenda doméstica, e único que lles importa é o partido, poren non van a incomoda-lo líder con problemas. Entre os preocupados está o alcalde de Vigo, que dixo que se non chove, haberá problemas de abastecemento en menos de dous meses. O Conselleiro de infraestruturas de vacacións, solo lle preocupa, polo menos é o único que  fai é facerlle a puñeta ó Ministro de Fomento.  Que por certo, Rajoy xa deu a entender, que de chega-lo  poder o AVE  a Galiza non sería prioritario. Clariño .

     A Xunta sigue confiando na divina providencia; os curas farán rogativas e procesións pra que chova. Esa é a política da Xunta. A auga do ceo é o mellor sistema contra incendios e contra a seca.  Imos desexar que mexen por nos.   

19/08/2011 10:27 mmarcos #. sin tema No hay comentarios. Comentar.

LECCIÓN TRASALPINA

20110820110912-resample.png


Pra aforrar, en Italia van suprimir e refundir mil concellos e outras estruturas representativas e administrativas. En España, suprimen o alpiste ó loro, e pensan que con iso estamos salvados. As ocorrencias de Zapatero pra aforrar, que non son mais que ocorrencias, limítanse a rebaixalos salarios mas baixos e conxela-las pensións, co efecto inmediato de contrae-lo cosumo. O que se pode chamar un sociolisto, porque de socialista a súa política non ten nada. Cando concedeu o do cheque bebé e outras achegas similares, conseguiu dúas cousas, colleitas de votos e baleiralas arcas do Tesouro. Foron unha compra de votos. Rubalcaba abre o melón das Deputacións como unha gran e novedosa proposta; o certo é que o PSOE nunca estivo pola supresión das Deputacións, nin a refundición de concellos; solo agora que perdeu as municipais saca o tema, sen convición algunha, y é que as Deputacións son órganos de influencia caciquil e colleitadoras de votos, e aínda poden volver a ocupalas. Por si as suprimen, Feijoo xa se anticipou e creou as Superdelegacións. Se hai que reducir custes vaise polos dos salarios baixos e os pensionistas, e redúcese o estado do benestar. Neso están dacordo PSOE e PP.

20/08/2011 11:09 mmarcos #. sin tema No hay comentarios. Comentar.

MAIS NEOLIBERALISMO

20110822113154-escanear0035-2.jpg

 

      O neoliberalismo fixo un grupo de ricos;  e mais ricos, os ricos. Un grupo que mantén recen ós estados. Uns estados gobernados na sombra por eses ricos. A maioría dos cargos clave, pros xogos económicos, son simples mandados dos que manexan os mercados. Os gobernos dos países non manda sobre eses cargos, aínda que nos queiran da-la sensación do contrario. As propostas pra soluciona-la crise, segundo estes políticos, é mais liberalismo. Mais miseria e mais concentración da riqueza.

 

22/08/2011 11:31 mmarcos #. sin tema No hay comentarios. Comentar.

CON DOUS COLLÓNS

20110823103219-premio-1.gif

 

 

   Un edil pepero de Cádiz aparca na zona reservada a eivados  pra ir ós touros. Iso, a mais de demostrar pouca sensibilidade social, reflexa o nulo ríspeto que ten polas normas de convivencia, unha prepotencia e unha chulería propia dos señoritos andaluces do pasado. Tanto el, como un número significativo de peperos gaditanos retiran os vehículos do depósito municipal, ó que son levados os  seus coches por aparcar en zoas prohibidas sen paga-las taxas. As leies solo  son pro pobo chan. Véselle a patiña os peperos.

 

23/08/2011 10:32 mmarcos #. sin tema No hay comentarios. Comentar.

FANATICOS

20110824105520-fanatico.png

 

    As tres grandes relixións monoteistas, teñen grupos ultras que se consideran, en exclusiva, en posesión da verdade. Estes fanáticos pretende unha involución social no tempo, e son contrarios a calquera tipo de avance social, ou científico. No noso caso, as posturas inmobilistas da airexa, tanto en materia social como científica, son escandalosas; atopándose, curiosamente,  en maridaxe con réximenes políticos represores das liberdades e, sempre, en conivencia co poder económico.  

    Ós que se opoñen a que o goberno dedique cuantiosos recursos pros faustos da visita do PAPA, que detrae doutras partidas necesarias, chámanlles intolerantes. Chámalle o forno ó muíño queimado.

    Católicos de base e cidadáns laicos rexeitas os fastos, uns por ostentosos e outros porque non están pola labor de que se destinen fondo públicos ó acto.

      A manifestación prolaicismo suponse que tiña un itinerario autorizado. Mentres os católicos pechaban zonas de Madrid, non solo Cibeles, a policía cargaba con desmesura contra a manifestación dos laicos. Perigosos elementos da terceira idade quedaban ensangretados e tirados polo chan. O Goberno non se pon dacordo sobre  unha investigación da actuación da policía. A mesma policía investigarase a si mesma.

24/08/2011 10:55 mmarcos #. sin tema No hay comentarios. Comentar.

ADIANTO

20110825104305-davila080410b.jpg

 

    Os peperos galegos propoñen o adianto das eleccións autonómicas. Ata agora estiveron votándolle a culpa da súa ineficacia ó Goberno Central. Cando goberne o PP a Feijoo acabaránselle  as disculpas e terá que gobernar, momento en que se esfumará o político e todos veremos o  charlatán. Como charlatán votará man da astucia e irase pra Madrid, deixando o marrón pra outros. Agora ten unha ocasión de ouro pra revalidar os resultados electorais, xa que a oposición non consígueo organizarse.

 

25/08/2011 10:43 mmarcos #. sin tema No hay comentarios. Comentar.

CÁL É O EXEMPLO

20110826103642-20060321111956-castelao.gif

 

 

     “Viva a morte, morra a cultura”; é a famosa frase de Millán Astray. A súa crueldade é lexendaria,. O goberno da República viuse na obriga de pasalo á reserva. Franco recuperouno na sublevación. Cando xa se pasara páxina e se intentaba deixar atrás o cruento enfrontamento civil, chega o PP e volve recupera-lo polémico guerreiro. Paralelamente, o alcalde pepero de Sada esconde unha estatua dun  veciño sobresainte na cultura. Loxicamente non era do PP, nin ten méritos de sangue. Está claro quén ten, e que non méritos, segundo os valores do PP.  

26/08/2011 10:36 mmarcos #. sin tema No hay comentarios. Comentar.

O PE DA CAÑÓN

20110827104313-imagestrenes.jpg

 

     O que lea declaracións de Feijoo non lle quedará a mais mínima dúbida de que sigue no  temón pilotando a nave; daranos  a impresión de que Galiza nada ten que temer; porque o piloto segue no seu posto, e a nave está segura na súa singradura polos mares procelosos da gobernabilidade.  O certo é que as declaracións gárdanas os supostos entrevistadores no caixón da gabeta, e sácanas cando lles ven ó caso, co que dan a sensación de actualidade. As entrevistas concedidas, fai tempo, a periodistas de confianza adquiren un verniz de autenticidade con esas aparicións nas touradas de Pontevedra, con entradas de balde, pra un selecto e nutrido grupo de peperos, facilitadas pola Deputación de Pontevedra.  A Deputación de Pontevedra t7amén facilitará ó PP o castelo de Soutomaior, pr6a inicia-la precampaña electoral. Alguén dirá: o PP sempre estivo en precanmpaña. Xa vemos que as Deputacións son Entes moi útiles; e nin o PSOE, nin o PP as queren suprimir,. Non será útiles pra sociedade, pros políticos si.

27/08/2011 10:44 mmarcos #. sin tema No hay comentarios. Comentar.

DA SOCORRIDA AUSTERIDADE

20110829102203-club-cadena-favores-l-lbpjkw.png

 

      Está ben ser austero; pero hai que empezar por ser sincero. Vemos que os políticos do PP, que en  campaña prometeron paraísos e obras sen fin, agora anúncianos que non se realizaran obras, que hai moitas débedas. A culpa, como sempre, do goberno anterior O paraíso prometido quedou en promesas e volveuse fume.   Hai algo difícil de entender,- si non hai fondos; por qué subvencionan as touradas, por qué se dan subvencións a asociacións afíns, creadas no momento, mentres se nega a outras xa consolidadas; por qué non hai oposicións e medra o gasto de persoal; por qué hai mais chiringuitos e se di que se vai reducir esta administración. Realmente, ¿son necesarios os chiringuitos, ou  son neales  de favores. ?

 

29/08/2011 10:22 mmarcos #. sin tema No hay comentarios. Comentar.

MAIS CON MENOS

20110830104340-feijoo-prestidixitador.jpg

 

   Este lema de Feijoo  úsao con machacona insistencia. De tanto usalo vai gastalo, sen poñelo en practica. Cos mesmos cartos vai duplicalos postos de traballo pra xente nova. Non é maxia, nin sequera boa administración; pois a boa administración é un concepto que solo se usa en propaganda; na realidade é tan escasa como os pozos de diamantes. Cál é, pois, o misterio do singular prodixio.  Moi doado, se os contratos antes eran de 12 meses de duración, agora son de seis. Tamén se elimina todo gasto de inserción laboral e cotizacións varias; así, co mesmo o mago Feijoo fai mais. Mais contratos, mais precarios, pero con menos duración.

 

30/08/2011 10:44 mmarcos #. sin tema No hay comentarios. Comentar.

SEN MIRAR PRO EMBIGO

20110831104817-78-ombligojuanito-1-.jpg

 

        Sen mirar pro embigo o Superconselleiro do goberno bonsai, arremete contra do Ministro de Fomento por non inverter mais no AVE. Estaría de acordo co Superconselleiro si el fixera algunha obra pública. O cinismo fase insoportable cando na súa Consellería se reducen os proxectos de obra pública nun setenta por cento. Tampouco se presenta un plan reivindicativo que que o faga crible; porque se limita á circunstancia de desgaste ó goberno do PSOE. O futuro pinta moi negro si é certo o pacto secreto do PP e CIU pra paraliza-lo AVE  a Galiza. Rajoy xa o deixou claro: pra el o AVE  a Galiza no é prioritario. Asi que a poñer velas ó Cristo dos Miragres.

        No presente, limítanse as  axudas ós concellos, non a todos o mesmo, porque o goberno bonsai e xusto e goberna pra tódolos galegos, non é un goberno caciquil; cousa que costa crer.

 

31/08/2011 10:49 mmarcos #. sin tema No hay comentarios. Comentar.


Blog creado con Blogia. Esta web utiliza cookies para adaptarse a tus preferencias y analítica web.
Blogia apoya a la Fundación Josep Carreras.

Contrato Coloriuris