Facebook Twitter Google +1     Admin

Se muestran los artículos pertenecientes a Diciembre de 2011.

A ENCRUCILLADA DO BNG

20111201112901-bng-02.jpg

 

   Leve, pero retroceso ó fin, nos resultados electorais do día 20, arrincaron unha tépeda reacción na dirección. Guillerme Vázquez, ó que nade pode negar a súa calidade de boa persoa, pero home da UPG, amaga con presenta-la dimisión. Todo baixo a estratexia da UPG. Pouco di dos que antepoñen unha ideoloxía comunista trasnoitada, ó intres do pais. Cun PSOE  en caída libre, que deixou un espazo  baldeiro na esquerda, o BNG foi incapaz de sacar rédito desta situación, como era de esperar. Os resultados electorais, xunto coas evidentes divisións apreciadas no congreso celebrado fai días en Teo, barruntan un esborrallamento da organización Galeguista. Os non adscritos a ningunha das correntes existentes no seo do BNG, que son maioría, están en  retirada;  nas asembleas son ignorados e solo soa o monólogo da UPG, unha petrea organización de extrema esquerda que solo pensa en impoñerse; as outras sensibilidades  as cales se organizáron co solo fin de facerlle frente a UPG. Estas correntes foron moi prexudicadas polos trepadores que xurdiron no se seo. A xubilación de fósiles que non  deixan paso ás xeneracións novas, a refundación ideolóxica e de organización, dando paso os bos e xenerosos, que os hai, é  o único xeito de que o nacionalismo non esmoreza.  Os que queiran converter a Galiza nunha reserva comunista, como foi Albania, que se vaian. As xuntanzas da directiva do BNG está acadando grandes tensións.  Mais Galiza plantou a UPG  e non asistiu. Noriega sería un candidato pra Secretario Xeral, no seu concello vótano ata as dereitas; non destaca por facer grandes obras, non é un demagogo,  non minte.

01/12/2011 11:29 mmarcos #. sin tema Hay 1 comentario.

COMO O CARACOL

20111202103143-caracol-20rapido.jpg

 

 

 

   Despois das eleccións do 20N, Rajoy está desaparecido, escóndese pechándose na súa cuncha. Mentres Rajoy se esconde como o caracol, os válidos do PP lanzan ideas, que non teñen ouitra función que sonda-la opinión do público; aínda que non lles importa moito o que pensen. A Finalidade da sondaxe e ir preparando á xente pro que lle espera. Si temos en  conta os antecedentes cos que nos obsequia a Cospedal, teremos unha idea bastante clara da medicina que nos van aplicar. O paro, os recortes nos servizos sociais, en definitiva, a miseria será o noso futuro. Todo elo contrasta coas prebendas ós ricos. Sen ir mais lonxe, a Cospedal cobra tres soldos, que sen contar axudas de custo, van a un millón de euros. Eso non lle supón incompatibilidade; nin é inmoral que os Deputados teñan plan de pensións, pagado polo pobo ó que escravizan. A  evasión fiscal, que pode chegar ós oitenta mil millóns de euros, é o deporte preferido dos ricos. Por qué non se combate a evasión fiscal, por qué os Deputados, se queren incrementa-las súas pensión, xa previlixiadas, e non as pagan dos seus megasoldos. 

 

 

02/12/2011 10:31 mmarcos #. sin tema Hay 1 comentario.

O MAUSOLEO DO DICTADOR

20111203113729-d.jpg

  

     Ningún dos ditadores compañeiros de Franco ten un mausoleo. O verdugo de milleiros de españois, o causante da miseria e atraso de España, ten un mausoleo feito coa miseria das súas vítimas. A guerra civil foi unha traxedia que a xente precisa esquecer pra encara-lo futuro. Un futuro con demasiadas nubes no horizonte, pero os fascistas está emperrados en que as xeracións vindeiras non esquezan a súa vitoria. Seguen adorando ós restos do líder, como o fixeron en vida. Pros fascistas Franco sigue sendo un heroe, pra outros non pasa de ser un sanguinario asasino. Hai que comprender ós familiares dos asasinados, enterrados no Val dos Caídos, que ven unha afronta que o ditador presida a traxedia  como si fora a escenificación dun fusilamento diario.

      Os expertos, que nade sabe en que son expertos, agás en templar gaitas, recomendan que se saque a Franco, pero que se pida permiso a Airexa e a familia. !O que deberon suar pra chegar a esa solución!. Nego que a Airexa teña voz no asunto. O lugar é propiedade do Patrimonio Nacional. Non se pode condiciona-la solución á vontade dos cómplices dos feitos a esquecer; ós que en vida o levaron baixo Palio, como o Santísimo, e agora, de morto, o teñen baixo as sotanas.  Á familia, que o deixen nunha cuneta, como el fixo cos fusilados, pra que saiban da anguria de non atopa-los restos. Trátase, en definitiva, de pechar definitivamente unha ferida da mais sinistra páxina da nosa historia, non de axitar medos. A proba de que a transición non existeu son esas voces de seareiros do vello réxime, que solo existen en España; nin en Italia, nin en Alemania existen, e a familia do ditador sigue conservando privilexios e fortuna.

03/12/2011 11:38 mmarcos #. sin tema No hay comentarios. Comentar.

DESMONTA-LA SS

20111205105924-1269-im-300x225.jpg

 

    O Conseller de Sanidade da Xeneralitat, propón un seguro médico obrigatorio privado. A idea non aporta, en si, nada novo. Os que teñen moitos medios, igual que algúns sectores xa o teñen. O acento está en “obrigatorio”.  Sería o primeiro paso pra crear unha SS privada pra ricos, e deixa-la SS pública como unha beneficiencia pra pobres. Hai que salientar que o Conseller era presidente da patronal de seguros médicos privados de Cataluña e quere engorda-lo negocio da sanidade privada, deixando na pública unicamente a xente sen recursos e todo beneficiario que non supoña un negocio. O acoso ós profesionais da sanidade, non deixa de ser un recurso mais que empregan pra facer inviable o sistema

05/12/2011 10:59 mmarcos #. sin tema Hay 2 comentarios.

SEI ONDE RECORTARÍA

20111206103201-makita-9079sf-amoladora-angular-230.jpg

 

   Non permitiría que unha persoa, como é o caso da Cospedal, cobren mais dun soldo da Administración. Tamén reduciría, hasta o  50% o salario dos que teñen actividades privadas. Tamén  reduciría drasticamente os cargos de elección, asesores e persoal de libre designación. Recortaría en burocracia, eliminando Deputacións e algúns axuntamentos. Recortaría os parques móbiles, nun 50%. Recortaría os privilexios, salarios e gastos santuarios dos cargos electos. Eliminaría a tenencia e teléfonos móbiles a cargo do erario público. Reduciría, ou eliminaría as subvencións a sindicatos, partidos políticos e a airexa. Con elo, non faría falla toca-los salarios dos funcionarios nin ás pensións

06/12/2011 10:32 mmarcos #. sin tema Hay 1 comentario.

AREA DE CONSUMO

20111207112930-mesa-vacia.jpg

 

    O que pasa agora coa débeda é un aviso do que vai pasar en Europa nun futuro inmediato. Europa deixou de ser un lugar de produción pra ser unicamente zona de consumo. A desproteción arancelaria propicia a deslocalización. Ás empresas buscan lugares de produción baratos; porque o mercado xa está asegurado na Europa do consumo, colocando ós productos ós precios que resulytarían de producirse nos lugares de consumo. Houbera sido doado evita-la deslocalización de empresas si lles r6esultara mais caro, debido os aranceis, vende-los produtos en Europa quje fabricando in situ. Ultimamente, aproveit7ando as facilidades de importación, xa se da un paso mais na comercialización coa instalación de comercios chinos. Normalmente estes centros venden produtos de baixa calidade pero baratos; os clientes seuelen ser os mais prexudicados polas deslocalizacións. A razón destas paradoxas hai que buscalas, por unha parte na nula concienciación do consumidor, e por outra nunhos mercados gobernados polo capital, nos que os políticos ou teñen intereses directos, ou actúan de lacaios das empresas.

07/12/2011 11:29 mmarcos #. sin tema No hay comentarios. Comentar.

SEN REMEDIO

20111209105654-pobreza.jpg

 

  Privatiza-la sanidade, como vai face-la Cospedal, adiantada do PP, ten dúas vantaxes, dende o punto de vista desa ilustre política; por un lado dáselle o negocio os amigos, por outra ocultase un endebedamento, que non contabiliza, como tal, en Eurostart. A xestión é ruinosa pros intereses públicos. As empresas privadas, mais se son dos amigos, están pra facer negocio. O invento xa se puxo en práctica na Inglaterra da Tacher e  na CA de Madrid. En menos de tres anos, a inversión de novas construcións xa está amortizada; a partir de aí todo é gañar diñeiro. Pola súa parte a CA contrae unha débeda pra moitos anos, que terá que pagar mediante un canon anual.  Non se ten demostrado que o servizo prestado ó doente sexa óptimo, mais ben ó contrario; porque se regatea en todo; tampouco é mais barato. Tense constatado que o servizo, sen ser mellor, encarécese en mais dun 60%. O negocio é unicamente pros axudicatarios do servizo, que soen ser sectores moi ligados ó poder. Todo estaba previsto que así fora, nade se pode queixar, nin  os fillos mutantes da cabra lexionaria.

09/12/2011 10:57 mmarcos #. sin tema No hay comentarios. Comentar.

O PRESIDENTE FALOU

20111210105452-imagesca0iio7z.jpg

  O Presidente da Xunta falou, chegáronlle dous minutos pra fixar un novo prazo da chegada do AVE e esquecerse das promesas. Pra despois do 2018, fixou a data de chegada do AVE. Data xenerosa e aberta. Pode ser no 2018, mais adiante; o mais seguro: é, ¿quén sabe?. Non haberá mais pactos do Obradoiro. Agora Rajoy pode facer o que lle veña en gana. En Galiza hai un Presidente que non lle interesa o Pais. Interésalle servi-lo partido. As reinvindicacións que lle facía a Madrid, gobernando o PSOE , eran unha farsa. Non lle interesaba o AVE, interesáballe desgasta-lo Goberno. Incluso, o colmo, pediu que o goberno e funcións no adxudique novos tramos.  Pasa que o diga Rajoy; pero saíndo da boca de Feijoo, da a medida da xente do pais. Noutro  lado houbéranlle  armado unha boa. Temos o Presidente que merecemos. O AVE morreu, polo menos, esmoroceu.

10/12/2011 10:54 mmarcos #. sin tema No hay comentarios. Comentar.

A PRIMEIRA NOS FOCIÑOS

20111212110303-palhaco-bebado083.jpg

 

   A UE ven de darlle a Rajoy nos fociños; non me aleda, porque a labazada levámola  todos. Votarámolo, ou non é o Presidente de todos. O que si me aleda é que Bocanegra, !que ben lle pega o nome!, lle deran unha desautorización que, a un ser normal o houbera deixado mal parado; pero Arenas é un redundante dos disparates, parece que de pequeno lle deron unha pedrada. Rajoy, que ten a solución pra todo, non lle van a facer caso en Europa; si llo fixera, Europa sairía da crise. Da a impresión de que alguén é tan fato como parece. Quizá, a propósito de Europa,  Rajoy non se enteara de que xa non somos ningún imperio; iso eran proclamas vacuas do réxime de Franco, reverdecidas pola FAES; pero non teñen mais sentido, no día de hoxe que facer o ridículo. Mal imos si non sabemos vivir na realidade.

 

12/12/2011 11:03 mmarcos #. sin tema Hay 2 comentarios.

CORRUPTOS E LADRONS

20111213103713-12-03-09-corrupcion-y-mentira-.jpg

 

   Mallorca, Valencia, Canarias. Madrid. Galicia, Castellón, etc. Alí onde o PP puxo as mans, hai casos de escándalos e de corrupción que nos fan dubidar de todo o xénero humano; por iso resulta sorprendente que os que están no medio de tantos escándalos sexan os que mais apoios electorais reciben.  A dereita non se distinguiu nunca por busca-lo benestar do pobo; mais ben se preocuparon dos seus negocios e enche-los bolsillos. Sería inxusto que lle concederemos ó PSOE un certificado de limpeza; lonxe quedan os principios de Pablo Iglesias; algunhos pensan que ser socialistas quere dicir “socios listos”. Nos dous partidos hai corruptos, pero cunha diferencia, os votantes do PP dan por supostos, entenden e perdoan o comportamento pouco ético dos xestores políticos; os votantes socialistas non.

13/12/2011 10:37 mmarcos #. sin tema Hay 1 comentario.

XOGANDO A DFESPISTAR

20111214102519-248.gif

 

     Sospeitosa, pero que moi sospeitosa esa publicación do patrimonio dos membros do Goberno da Xunta. Despois de mais de dous anos gobernando, así, sen mais, a Feijoo dálle un rauto de transparencia e publica o patrimonio dos seus conselleiros. Iso xa debera ser obrigatorio ó acceder ó cargo. Agora, ¿a qué ven?.  ¿ serán os caso de corrupción que atinxen o goberno bonsai, o que motivou esa extemporánea transparencia?. Por poñer un exemplo, sen que iso supoña prexulgar, nin dubidar, da orixe lícita do patrimonio do Conselleiro de Industria, obriga a unha reflexión lóxica, especialmente á vista de  que nesa Consellería prodíganse os pelotazos, como a dos muíños de vento; corrupción coma as do IGAPE. ¿ será  a folla de ruta pra obter unha boa fortuna?.

 

14/12/2011 10:25 mmarcos #. sin tema Hay 1 comentario.

XA REMATOU O EFCTO RAJOY

20111215103443-mago-03.jpg

 

 

  A Prima de risco camiño dos catrocentos puntos, as bolsas en caída libre, son os augurios do que lle espera a Rajoy; e do que nos espera a nos con Rajoy, logo baixa; todo como si fora unha montaña rusa. Menos mal que nos queda Arenas pra instruírnos na dinámica dos mercados. A saída do túnel, que nos prometeu Rajoy, semella a que se produciría si o final, como el di, fora un fundido en negro, no se fixo a luz. Mais que as estúpidas arengas de Arenas, queremos ve-los poderes máxicos de Rajoy pra acadar esa felicidade que nos prometeu; porque me da co efecto Rajoy solo foi un espellismo. Oito anos no goberno Aznar, déronlle a Europa un fondo coñecemento de Rajoy, e non se pode dicir que teñan un bo concepto del. Europa seguirá as nosas costas; no interior, os seareiros que aclamaban a Franco na Praza de Oriente, e os seus descendentes, aclaman agora a Rajoy

15/12/2011 10:35 mmarcos #. sin tema Hay 1 comentario.

CO CAZO PREPARADO

20111216111635-16040-cospedal-expone-su-proyecto-economico-para-castilla-la-mancha-.jpg

   Nin o mellor pensado admitiría como casual a constitución de empresas privadas, en período electoral pra explota-los negocios que se van privatizar despois das eleccións na Mancha. Con esa visión de futuro, o patrón dos empresarios manchegos xa constituirá unha empresa pra xestión dos hospitais. Iso é estar co cazo preparado. De pouco sirve que algúns digan que van disolve-las empresas. Algúns recuamentos non fan mais que confirmar que toda a política da Cospedal é un premeditado asunto , unha folla de ruta que marcará a política do PP no goberno, sempre tendo en conta que o peso da Cospedal na dirección do PP, a nivel nacional, é grande.

16/12/2011 11:17 mmarcos #. sin tema Hay 1 comentario.

OS IGNORANTES CAMPAN

20111217105516-asno-04.jpg

 

  Nun libro de quinto curso de EXB sobre o COÑECEMENTO DO MEDIO dise que o idioma propio de Galiza é o galego.  O Ilustre Conselleiro do goberno bonsai, atendendo unha indicación do Valedor do Pobo, que poucas veces, por non dicir ningunha, atende as observacións que lle fai o Valedor, envía istrucións os colexio de EXB, pra que corrixan o texto, e ameazándoos si non o fan. O lea armouse a raíz dunha reclamación que un representante dun partido político en Vigo fixo o Valedor do Pobo. Todo entra dentro do tinglado político e administrativo de Galiza. Hai que darlles a razón ós que din que somos un pais colonizado, porque os feitos así o demostran.  O artigo 5º do Estatuto de Autonomía de Galiza salienta que “o galego é a lingua oficial de Galiza”. A continuación dise que “o galego e o castelán son linguas oficias  en Galiza; o segundo non desvirtúa o primeiro. Pros ignorantes son afirmacións contraditorias. Unha evidencia, que se deduce deste feito, é que estamos retrocedendo ás cavernas do franquismo, cando os idiomas das distintas nacionalidades eran calificados de dialectos. O Valedor véselle o pelo. Dos outros está todo dito.

 

17/12/2011 10:55 mmarcos #. sin tema Hay 2 comentarios.

TARADOS

20111219112151-imagesca1x64p4.jpg

  

   Por unanimidade a Cámara Autonómica acordara aprobara a declaración da obra de Castelao como ben de intres cultural.  A Xunta deulle o seu toque persoal e intentou cambia-lo mandato e declara-la protección como ben inmaterial. Con esa chulería zafia, propia dos ignorantes, o Director do Patrimonio acusou de tarados ó grupo do BNG. A súas palabras orixinaron unha trifulca no Parlamento, e a Deputada Ana Pontón aclaroulle que o acordo era pra protección da súa obra, non do seu espírito. Posteriormente Feijoo corrixiu ó Director Xeral e anunciou a declaración nos termos acordados no Parlamento. Sen dúbida hai no PP xente intelixente i educada, pero este elemento é un adoquín; sabedor da liña política da Xunta sobre o galego quixo gañar méritos, de aí a súa sobreactuación, a cal nos leva ó convencemento de que desta xente nada se pode esperar. Non se lles pode pasar unha a estes esbirros

19/12/2011 11:21 mmarcos #. sin tema Hay 2 comentarios.

ESTÁN QUE MORDEN

20111220111010-le-muerden.jpg

 

    O Presidente da Xunta e o seu conselleiro de infraestruturas paradas están que morden. O motivo da súa santa indignación é a adxudicación, polo  ADIF da estación do AVE en Ourense. O ADIF é unha empresa pública que ten a función de executa-los proxectos ferroviarios aprobados polo goberno. O AVE a Galiza é un proxecto en marcha, que debe funcionar, unha vez aprobado, con independencia do curso político. O PPg está que trina coa adxudicación. Dende que Conde Roa, do PPg, chegou alcaldía de Santiago  fixo o imposible pra que non se adxudique a estación do AVE  en Santiago, recurrindo a toda clase de argumentos e trucos, pero en Ourense o alcalde non é do PPg e non puideron entorpece-lo proxecto. É alucinante que un alcalde non queira inversión na súa cidade, que solo lle mova as especulacións que se podan facer cunha obra. Debía de ser razón suficiente pra desterralo.  Por moito que teceron solo lograron unha tépeda reacción do PP de Madrid. Queren que o PP anule a adxudicación e indemnice ós autores do proxecto. Iso é o que fixo Feijoo cando chegou á Xunta; anula-las das obras en marcha.

20/12/2011 11:10 mmarcos #. sin tema Hay 2 comentarios.

A ALDEA GALA

20111221103924-abraracurcixporteadores.jpg

  

    Rajoy emula a  Abraracurcix e fixo de España a súa aldea gala. Os invasores que ameazan o seu territorio non son aqueles temibles romanos, ós que se enfrontaba Asterix. Agora é unha teutona, que non recorre a guerra pra dominar Europa, á que Raoy sópralle á orella o seu programa: o mesmo Rajoy que lle reprochaba a Zapatero que se pregara as directrices de Europa. Agora que é xefe da Aldea gala, evita facer concrecións e precisar recortes, so xeneralidades, que non poñan en perigo as vindeiras eleccións andaluzas. O seu programa real teno   tan oculto como a fórmula da pócima de Panoramix. Logo de que se celebren as eleccións andaluzas, e a meirande parte da aldea se tinxa de azul, as gaivotas invadiran a terra e cagaranos na cabeza. Nosoutros, ignorando a realidade, diremos que neva  e que as cagadas son falorpas

21/12/2011 10:39 mmarcos #. sin tema No hay comentarios. Comentar.

A PATRIA É SÚA

20111222104717-legion.jpg

 

   O concepto patrimonial e exclusivo que Aznar ten de España, como si fora unha finca súa particular, transmitiuno a outros prebostes populares. Mais aínda, é unha idea incorporada ós principios fundamentais da dereita española. A mesma Rosa Diaz, sen ideoloxía  definida, usa esa idea de España.

22/12/2011 10:47 mmarcos #. sin tema No hay comentarios. Comentar.

REFORMA MENTAL

20111223122029-20070521234350-mitin.jpg

  

    Despois de ve-lo panorama, no que hai duques ladróns, empresarios feudais, políticos corruptos, banqueiros codiciosos e usureiros, condes con temperamento medieval, etc. Urxe unha reforma mental, mais que unha reforma laboral, i eliminar tantos privilexios e inxustizas, deixar en paz ós currantes con salarios mínimos, que bastante teñen con sobrevivir.  

23/12/2011 12:20 mmarcos #. sin tema Hay 2 comentarios.

BODORRIOS

20111226115518-bodorrio-2008218.jpg

    Os bodorrios son propios das revistas do corazón; mais hai casamentos que transcenden  ese espazo i e necesario comentalos. O fillo mais vello dos Aznar casou, como non podía ser menos, no Escorial; lugar senlleiro con amplo recendo do poder e do franquismo. A voda non foi tan obscena e pomposa coma a da súa irmá, nestes tempos  de crise hai que garda-las aparencias. Nada de Xefes de Estado estranxeiros, aínda que toda a plana maior do PP, que non están na cadea. Coa dispensa e as beatas bendicións do sr. Rouco , casaron nunha capela privada. A noiva chegou nun 600, hoxe un extravagante luxo. Ganas de da-la nota. Os dous contraentes chámanse como os pais. Aquí vese o afán dos Aznar en perpetuarse na historia do pais, transcendendo  ó tempo. Aínda non se sabe que guerra se planeou no banquete, nin que sinecura se lle reserva a Aznar fillo. O tempo dirá. Decembro tempo de chourizos; a policía non dispersou a perigosa concentración.

26/12/2011 11:55 mmarcos #. sin tema Hay 1 comentario.

TURISTAS

20111227104359-casas-romeu-tandem.jpg

 

    Os mozos galegos son uns turistas; vanse ás Canarias de camareiros porque lles gusta facer turismo; outros buscan países moi diversos como o Reino Unido, Suíza, Alemaña ou Estados Unidos. A veces, a mais do turismo, van pra  formarse  mellor. A conclusión é que os mozos galegos son  moi inquedos, viaxeiros na procura de aventuras. Iso é o que dixo a Conselleira Mato nunha comparecencia no Parlamento, en resposta a un enquérito do BNG sobre a emigración forzada da xuventude galega, diante das nulas perspectivas de futuro que teñen en Galiza. O remate, concluíu, os culpables son o PSOE e o BNG. Aínda non se enterou que quen goberna en Galiza é o PP.  Esa panda de bonsais aínda non baixaron da cerdeira dos amorodos.

27/12/2011 10:43 mmarcos #. sin tema No hay comentarios. Comentar.

NOMEAMENTO POLEMICO

20111228103631-img-server.jpg

 

 

    O Director do Igape tiña un amplo curriculum de irregularidades graves que facían imprescindible o seu cese. Pra ocupa-lo seu posto nomease unha persoa inmersa en varios xuízos. Hai quen pensa que a Srª Toca Carús, ourensán ela, lle  deron unha patada pra riba pra quitala do cargo que tiña, e así, deixar sen forza os litixios que tiña; tamén hai que ter en conta que o seu nomeamento entra dentro do copo de prebendas que o PPg ten pra Ourense. Vendo estes movementos de persoal concluíse que o cesado debía ser o conselleiro de Industria. Non pode admitirse que en tódalas áreas da súa consellería haxa asuntos turbios. O personaxe xa está cargado de méritos pro su cese. Como non pode argüírse que non hai outro, a culpa tena quen o nomeou e o mantén no posto; porque demostra que é consentidor, senón impulsor da corrupción. O IGAPE naceu pra impulsa-la industrialización de Galiza; dos seu  orzamentos solo dedica un terzo a esta función; pra mais a maioría, dese terzo, foi destinada a favorecer a familiares e amigos. O persoal é o mellor pagado, os seus salarios soen ser un 33% mais altos que noutros sectores. A maioría do persoal son das escalas superiores. Habería que suprimilo pra refúndalo. Moita cabalería e pouca infantería. Non se pode dicir que este tan mal xestionado como a antiga NOVACAIXA GALICIA; o mellor supera.

28/12/2011 10:36 mmarcos #. sin tema Hay 2 comentarios.

O CABALO DE CARREIRAS

20111229105816-mulafrancis.jpg

 

  A transformación que produce o poder é incrible. A Rajoy, de súpeto, éntranlle unhas presas asombrosas por reforma-lo Tribunal constitucional, unha Institución, que como outras, foi entorpecida a súa anovación polo propio Rajoy durante anos. Se algo nos ensinou este camaleón é que o Tribunal Constitucional ten que modificarse no sistema de nomeamento dos seus membros pra que sexa realmente independente e non podan paralizar a súa renovación ningunha formación política

29/12/2011 10:58 mmarcos #. sin tema No hay comentarios. Comentar.

ODIAN O PÚBLICO

20111230105949-aznar-y-gonzalez.jpg

 

     O Goberno sigue como un seareiro  as políticas liberais mais extremas. Anuncia o recorte de 4.000 millóns de euros e non tocará as grandes fortunas, os privilexios de políticos e a airexa, as axudas ós banqueiros ineptos; recaeran os recortes sobre os funcionarios, sanidade, educación pública e políticas sociais. En realidade odian o público e o social; e intentan quer as empobrecidas clases sociais sexan as que paguen unha desfeita na que nada tivo que ver; antes ben, foron as únicas vítimas do egoísmo, dos que por riba, son intocables. Isto solo será un doce azoute nas nosas pousadeiras, e un asalto de ensaio á nosa baleira carteira. O axuste duro, e contra dos febles, virá logo das eleccións andaluzas. Mentres tanto haberá contención. O ultraliberal Ministro de Economía, fixo un relato do estado da economía, dicindo obviedades, que todos sabiamos. Todos esperábamos que nos anunciara solucións, pero iso é o que non fixo; non sei si é porque non as ten, ou porque teme  a reacción social si di o que pensa. O silencio de Rajoy é un silencio que se escoita; non está calado por ningunha razón comprensible; simplemente non sabe que dicir. Haberá periodistas do seu entorno, que poñerán na boca de Rajoy palabras que nunca dixo e susurraranlle á orella as consignas dos explotadores.

 

30/12/2011 11:00 mmarcos #. sin tema Hay 1 comentario.

BOAS FESTAS

20111231105347-image2222.jpg

   Rajoy amárganos as festas a pensionisstas e currantes. Relaxádevos e 

chuzade aí. Unha fermosa historia pro  nadal

http://www.youtube.com/embed/YBIwCdvhgX4?rel=0"

31/12/2011 10:53 mmarcos #. sin tema Hay 2 comentarios.


Blog creado con Blogia. Esta web utiliza cookies para adaptarse a tus preferencias y analítica web.
Blogia apoya a la Fundación Josep Carreras.

Contrato Coloriuris