Facebook Twitter Google +1     Admin

Se muestran los artículos pertenecientes a Julio de 2011.

PAIS DE ZOMBIS

20110701110146-zombis2-sm.jpg

 

 

       Feijoo fixouse como obxectivo anular calquera  idea de cambio, de mellora dos galegos; facendo de Galiza un pais de zombis, habitado por seres descerebrados, sen criterio, que solo segue as consignas do líder, lanzadas por uns medios controlados dende San Caetano. Ós galegos díselles que viven nun pais gobernado por un líder único, irrepetible na historia, que grazas  el son  un pobo feliz, e creno; esa é a mensaxe subliminal da propaganda de Feijoo. Un pobo sen metas, sen mais ambición que ser funcionario da Xunta, ou recibir unha pequena subvención, é un pobo condenado a ser escravo. No eterno viaxe do PP ó centro, o PPg axítase nunha centrifugadora de ideas e interese, que o levan ós confíns do universo democrático; nesa perigrinaxe, intentando centrase, moitos grupos, como os que detentan uns ideais galeguistas, quedan descolgados, o mesmo que os que non comulgan cos ideais totalitarios e ultraconservador

01/07/2011 11:01 mmarcos #. sin tema No hay comentarios. Comentar.

20110702105554-fuego-mt-carmel2.jpg

 

     Galiza é unha continua cacharela. O día de San Xuan pasou e os nosos montes seguen ardendo. Xa é un feito grave Que a nosa principal riqueza se converta en cinza; pero indígname a parálise dun goberno que solo actúa pra propaganda. Arbores centenarios, que foron parte da nosa paisaxe e erdanza dos devanceiros, son hoxe un braseiro, un montón de morta cinza. Vexo os montes cubertos de loito e morte. Sinto unha inmensa tristura. A xunta sen mais capacidade que a de facer propaganda, chama a UME, que acude de contado. O Delegado do goberno recórdalle á Xunta que a UME é un complemento, nunca pode sustitui-los medios da Xunta.

02/07/2011 10:55 mmarcos #. sin tema Hay 1 comentario.

MUDA DO APOI ELECTORAL

20110704104941-alfonso-daniel-rodr-guez-castelao-que-diferencia-hay-antr-os-caciques-vellos-e-os-novos-alg-ns-vellos-xa-est-n.jpg

               

    Tradicionalmente o PPg tiña o seu apoio no rural, pero as pasadas eleccións municipais viñeron a confirmar unha tendencia, segundo a cal o PPg entraba nas cidades e grandes núcleos urbanos, deixando de ser un partido ruralista apoiado no tradicional caciquismo.  Non queren dicir estes cambios que o caciquismo desaparecera e se modernizara o partido; simplemente que o PPg conseguiu amplia la base de apoio con sectores urbanos. Os caciques evulocionaron e adaptáronse. O resultado é mais gasolina.

 

04/07/2011 10:49 mmarcos #. sin tema No hay comentarios. Comentar.

UN RESCATE

20110705102410-foxes-1-.jpg

 

 

       O rescate ós países en crise non é un rescate da súa economía; é un rescate ós bancos, en xeral ós acredores.; o país non lles  importa. Saben que o pais rescatado tardará anos en recuperarse. Todo se da por ben feito se ós voitres están cheos. Sería bo que todos tomaran nota, non solo os políticos, tamén os electores,  que son os que van ser os que teñan que pagar.

05/07/2011 10:24 mmarcos #. sin tema No hay comentarios. Comentar.

TOTAL, 805 MILLÓNS PRA UNHA ESMOLA

20110706103031-charge-cpmf-esmola.jpg

 

     A Xunta asegura que o Estado lle debe 805 millóns de euros. As contas do Estado son outras, e desafía á Xunta a ir os tribunais. Non fai falla facer contas pra decatarse de que 805 millóns son moitos cartos; mesmo se poderían construír dous hospitais, estradas, etc. Sabendo como actúa o goberno da Xunta, dubido moito que ese fora o fin. Os 805 millóns poderían servir pra mercar voluntades. A veces non solo hai que ter razón, tamén obxectivos  beneficiosos pro pais ; solo  entón as razóns son firmes e entendibles; neste sentido, asómbrame a pouca visión da política que ten o Bloque, cando non condiciona o seu apoio o PPg a proxectos pro pais. Cómo se pode pedir un financiamento extra e acusa-lo goberno, a semana pasada, de manirroto. A representación do Goberno Central na reunión coa Xunta foi de afronta e era o presaxio do resultado da reunión. Á Conselleira foi atendida por Directores Xerais: nin Ministros, nin Secretarios  de Estado a recibiron. Quen sementa ventos, recolle tempestades. O PSOE quere que a Xunta presente recurso; así sería o PP o que tería que pagar, no caso improbable de estimalo.

06/07/2011 10:30 mmarcos #. sin tema No hay comentarios. Comentar.

DE BOLOS

20110707101034-20071116223215-galiza-non-se-vende.jpg

 

   Mentres a Conselleira de  Facenda pide en Madrid  805 millóns de euros, que segundo as súas contas lle debe o Estado; mentres os montes galegos se calcinan: Feijoo anda de turista polas Españas. Aínda que a xente pense que anda de turista, o obxectivo de Albertiño é outro. A súa ambición é Madrid, polo que está buscando apoios na autonomías peperas. Nunca lle importou Galiza, o seu horizonte está alén dos montes, na ancha Castela. Galiza, !que bo pais serías,  si tiveras un bo goberno!           

07/07/2011 10:10 mmarcos #. sin tema No hay comentarios. Comentar.

!QUE MAL CHEIRO!

20110708100405-el-paro-cerca-a-nunez-feijoo.jpg

 

 

        Ó pasar por San Caetano notei un insoportable cheiro; pensei que a alguén lle morrera un animal e estaba en descomposición. Aquel insoportable cheiro tróuxome o recordo da miña infancia, cando camiñando polo campo, unha desagradable tufarada indicaba que había un niño de culebras. Alguén dicía que, nin  unha cousa , nin outra; pero aproximábase bastante. Sen dúbida había bastantes culebras por alí; incluso pode que houbera algún animal morto. O que si era seguro, que o cheiro viña do  edificio da Xunta. Alí  cos casos de corrupción que hai é normal que cheire  mal. Non sei si algunha consellería se salva da queima: probas selectivas de persoal, eólico, IGAPE,  Cerceda, infraestruturas, medio ambiente, operación orchesta, operación campión,  dependentes, traballo, Galego, ensino público, comedores escolares, abalar, listas de espera en sanidade, ordenación pesqueira, loita contra incendios, etc, etc. O propio dun goberno bonsai, sen dirección e sen obxectivos. A ambición pode ser boa, cando vai acompañada de talento. Cando se cae nos vicios da incompetencia, cando se vive na fantasía, cunha propaganda indisimulada, que nos quere convencer de somos un pobo feliz, que vivimos no pais do bo goberno.  É cando me pregunto, qué foi do código ético de Feijoo.

08/07/2011 10:04 mmarcos #. sin tema No hay comentarios. Comentar.

AUSTERIDADE DE COÑA

20110709100956-tacao-1.gif

 

 

    Oia é un pequeno concello do sur de Pontevedra, famoso, entre outras cousas, pola lea que teñen montado os concelleiros do PPg. Queren que o  alcalde, tamén do PP, lles asigne cinco dedicacións exclusivas, ó que o alcalde se nega; en represalia deixaron o alcalde sen soldo . Outros alcaldes do PP reducen o número de asesores, ou din que os reducen. Moitos dos supostos asesores non son idóneos, como o caso do asesor do famoso Conselleiro, familiar meritorio. Semella que os alcaldes do PP, que estrean alcaldías, longamente cobizadas, senten a necesidade de que os cidadáns visualicen un modo de gobernar mellor, facéndolles crer que gañaron co cambio,  cando os únicos que gañaron foron eles; así falan de supresións, aforros, etc. . Cando se di que se suprimen asesores e se recorre a empresas de asistencia externa, o aforro transformase en mais incremento de gasto. Sen mirar moi no fondo, vemos que o alcalde da Coruña gaña como Feijoo, subiuse o soldo a un teito impensable; os concelleiros con dedicación exclusiva terán un segundo de apoio, iso que ía de austero. Sendo Coruña mais pequena que Vigo, o goberno municipal, non esquezamos o mantra de partido único, é moito mais caro. Solo é cuestión de ideoloxía. De diminución do gasto nada.

 

09/07/2011 10:09 mmarcos #. sin tema No hay comentarios. Comentar.

PENEXO

20110711102831-16658de-soleilmont-petit-basset-griffon-vendeen-3.jpg

 

 

 

  Penexo é un can coelleiro que me regalaran. Ten un gran olfato, capaz de seguir calquera rastro. Despois de escoita-lo alcalde de Santiago e o Conselleiro da Incultura ofrecerse á Airexa pra axudar a recuperalo CÓDICE CALEXTINO; pensei e ofrecer a penexo pra que seguira as pegadas  do ladrón e os seus cómplices. Cousa moi seria o do furto do CÓDICE;  polo que non comprendo a banalidade dalgúns persoeiros. Ademais de recuperalo, que debe ser o primeiro obxectivo, convén que, de unha vez, o Estado poña orde. O roubo podíase producir en calquera lugar, pero a airexa en España detenta a posesión e custodia da maior parte do patrimonio artístico, as medidas de seguridade son pequenas, pese ás subvencións que recibe pra melloralas. Debían ser museos especializados os que custodiaran estes fondos, con  independencia da súa propiedade. Sabidas as condicións de seguridade nas que se atopaba o CODEX foi un milagre que o roubo non se  producira antes. É de dominio público as precarias condicións de seguridade na que se atopan estes fondos. Coñecido o elevado número de furtos que sufre o patrimonio  eclesiástico. A Airexa coa súa cobiza e miopía, e os políticos, insensibles os furtos, son responsables solidarios do espolio.

11/07/2011 10:28 mmarcos #. sin tema No hay comentarios. Comentar.

CULPABLES

20110712104747-m-mer01019.jpg

 

     Aínda que resulte difícil de crer,  houbo quen festexou o peche dun xornal independente e en galego;  mesmo alguén votou man deste feito pra salienta-la acertada política lingüística da Xunta. Certo que a Xunta deberá apoiar eses medios en galego, pero iso sería contrario á política da Xunta, non como sostentadora dunha política neoliberal, porque esa filosofía non lle impide subvencionar xenerosamente ós medios que publicitan o fantasmagórico goberno; senón porque apoiar os medios independentes e en galego sería ir contra dos  principios. Ese cinismo non exculpa ós que se supón deberían apoialo, tanto grupos políticos  e  sociais progresistas como ós cidadáns de a pé. É asombroso que non haxa en Galiza mais de 250 galegos que eran  os que mercaban o Xornal. Con toda seguridade este acontecemento sexa a escenificación do suicidio de Galiza como pais cunha conciencia de seu. Está visto que a independencia e o galego non venden.  

12/07/2011 10:47 mmarcos #. sin tema No hay comentarios. Comentar.

O GALEGO ESMORECE

20110713101020-pancarta-1.jpg

     Unha Comisión do Parlamento Europeo investiga a situación do galego, que dende que chegou Feijoo ó goberno da Xunta atópase nun gravísimo risco. Nin  as situacións, nin a aparencia dos persoaxes dan unha resposta por si; nembargante, a parella formada polo Conselleiro de Educación e o  enterrador dan un aspecto deplorable; con solo mirar pra eles xa nos podemos facer unha composición de lugar. Segundo os personaxes  citados, a Xunta cumpre as directrices da UE sobre protección de linguas minoritarias, outros comparecentes  demostraron, con documentación, que o galego está sometido a un acoso despiadado, co indudable propósito, por parte do goberno da Xunta, de eliminalo. O goberno da Xunta, que debía protexe-lo idioma do pais, convértese no termineitor da lingua e da cultura gslega. Que teña que se-la UE a que protexe o idioma, demostra a gravidade do asunto.

13/07/2011 10:10 mmarcos #. sin tema No hay comentarios. Comentar.

ÉTICA QUE INDIGNA

20110714111138-etica-e-moral.jpg

 

  Que o primeiro que se faga a nova Directora do Fondo Monetario, alegando un mellor compromiso ético, sexa subirse o soldo, é curioso. Unha Institución que loita contra pobreza, unha Institución que debía dar exemplo de austeridade, predicar co exemplo; ponlle a súa directora un soldo obsceno,  libre de impostos e cunha pequena cantidade de 60. 000 euros pra gastos sen xustificar. Namentres conxélanse ou rebáixanse os soldos e as pensións dos traballadores; non así os dos directivos de empresas, aínda que se atopen en crise pola súa culpa. !que mundo!. Que o paren, que eu báixome

14/07/2011 11:11 mmarcos #. sin tema No hay comentarios. Comentar.

ÉTICA QUE INDIGNA

20110714111142-etica-e-moral.jpg

 

  Que o primeiro que se faga a nova Directora do Fondo Monetario, alegando un mellor compromiso ético, sexa subirse o soldo, é curioso. Unha Institución que loita contra pobreza, unha Institución que debía dar exemplo de austeridade, predicar co exemplo; ponlle a súa directora un soldo obsceno,  libre de impostos e cunha pequena cantidade de 60. 000 euros pra gastos sen xustificar. Namentres conxélanse ou rebáixanse os soldos e as pensións dos traballadores; non así os dos directivos de empresas, aínda que se atopen en crise pola súa culpa. !que mundo!. Que o paren, que eu báixome

14/07/2011 11:11 mmarcos #. sin tema No hay comentarios. Comentar.

20110715102956-0945403001222963296-o-lider-do-ppdeg-alberte-nunez-feijoo.jpg

 

          Feijoo, que ten fame  de letra impresa, pídelle ó goberno portugués unha reunión pra que explique  a paralización  do proxecto de conexión  co AVE por Galiza.  Portugal non  está pra brincadeiras, pero Albertiño precisa facer méritos, alimenta-lo seu ego. Seguro que non lle fan nin caso, de facelo, sería humillante  que mandaran á reunión un xefe de negociado. Alberte pide explicacións. Portugal non debe ter preocupación pola débeda, pero que tremen que Feijoo vailles cantar as corenta.   

15/07/2011 10:29 mmarcos #. sin tema No hay comentarios. Comentar.

PENEXO INVESTIGA

20110716101657-16658de-soleilmont-petit-basset-griffon-vendeen-3.jpg

   Penexo vai a catedral e comeza de contado as investigacións pra acha-lo CODEX CALESTINO; enrédase ó redor das sotanas e non avanzaba. Dixen, -pra min, seguro que algo lle cheira sospeitosamente.  Eu, que son un afervoado crente, voteille man ó colar pra saca-lo pra fora; el volveu a cabeza, cando levaba  arrastras pra fora, e deixou unha pregunta no aire, pra que a conteste quen corresponda: “ónde van os case medio millón de euros que a Xunta deu pra inverter en  seguridade”. ! Este can meu ten cada ocorrencia!. Estes piadosos señores non son sospeitosos das sospeitas; porque o seu é o ceo, non os bens materiais. Non sei donde  sacan que grazas a unha lei aprobada por Aznar no ano 97, están  inmatriculando Airexas, capelas, iglesarios, garaxe, camposantos, fincas, etc.; unha verdadeira rapiña, ante a indefensión dos veciños. Os curas son caritativos, ofrecen o ceo ós crentes, mentres eles sofren e se queda coa terra. Son os ben materiais os que lastran  as  almas; pero aí están os curas pra quitarnos lastre; por iso me estraña a teima de Penexo.

16/07/2011 10:16 mmarcos #. sin tema No hay comentarios. Comentar.

NA MEMORIA

20110718110517-rosa-luto.jpg

 

 

              na memoria

 

18/07/2011 11:05 mmarcos #. sin tema No hay comentarios. Comentar.

SOMBRA NEGRA

20110719100937-dsc09566.jpg

 

      A crise na construción naval estende sobre Galiza unha nube negra. Parece que pode afectar a 20.000 empregos. Non comprendo como en lugar de arrimar esforzos co goberno Central, dende a Xunta se aprobeite pra facer campaña en contra de Zapatero. É nestes casos cando se ve a talla dos gobernantes. A talla de Feijoo sería tan grande, que si sentara nunha peseta os pes non lle chegarían o chan. En canto a Zapatero xa se vai. Vai con Deus e que nin sequera mire pra tras

19/07/2011 10:09 mmarcos #. sin tema No hay comentarios. Comentar.

ARTIFICIO NO LUME

20110720110202-21e6mgh.jpg

 

  Xa non teñen a quen votarlle a culpa, e a pesar  do apagón informativo, resulta imposible esconde-los lumes, porque o cheiro das cinzas váiselles das mans. Entón recorren a supostos éxitos policiais, informado da detención de supostos pirómanos, que son postos en liberdade sen cargos polos xuíces. Coas súas tropelías  xa se pode dicir que en realidade crearon un pirómano.

   A limpeza de montes pra evitar incendios foi rexeitada polo Conselleiro de Medio Rural, que o pouco de apertalo algo xa saíu arremetendo contra do goberno do bipartito; demostrou, por se alguén o dubidaba que segue polos vieiros do seu xefe. Na nova Lei de Montes protéxese o beneficio particular, a costa de reducir garantías e seguranza ós veciños e o propio monte; como é o caso de reduci-la distancia de protección  das vivendas e a posibilidade de negocio coas areas queimadas.

20/07/2011 11:02 mmarcos #. sin tema No hay comentarios. Comentar.

AUSTERIDADE SELECTIVA

20110721102929-franchu-fotomuntatge-2010-03-07-toros-pp.jpg

 

       España está a un chisco do rescate. Rajoy promete gobernar con austeridade, e pon como exemplo a Feijoo. Bo exemplo, zi zeñó. O home que pese á redución de Consellerías, non modificou un ápice a estrutura administrativa, solo puxo baixo do mando dun Superconselleiro a tres Consellerías. No mesmo período, creou cinco Superdelegacións da Xunta e outros organismos, incrementando o gasto corrente nun 7 %. Bo exemplo, zi zeñó.

       As convencións do PP en Santiago pagounas o PPg cos cartos dos galegos; non hai pra aspirinas, pero pra aí aparecen. Como non, na súa calidade de anfitrión, Feijoo desgranou un florido discurso, dicindo que se necesitaba un líder: ¿postularase? E, fíxome moita graza, aquilo de que hai que ter criterio. Recordoume a manquiña.

        O premio gordo pra convención de Deputacións peperas en Pontevedra, tamén como invitados de Louzao, pagados, por suposto, polos pontevedreses. Mariano presentou as Deputacións como Institucións imprescindibles, Pros políticos, claro e pra pagarlle os touros pola Peregrina, cun endebedamento inferior ó Estado.  Eu que pensei que o normal sería que xa que non valen pra nada, polo menos non se endebedaran. Non é estraño que os mercados acosen a España.

 

21/07/2011 10:29 mmarcos #. sin tema No hay comentarios. Comentar.

O SUPER NA ALCALDIA

20110722104949-super-1.jpg

 

      A primeira medida de austeridade foi subirse o soldo. !Bo comezo!. Despois segue coa creación dunha estrutura de goberno con media ducia de concelleiros con dedicación exclusiva, apoiados por outros concelleiros. Unha austeridade pouco austera. Aí non remata o bo goberno municipal do Super. A empresa que xestiona servizos municipais como a auga, pese o seu bo estado financeiro, privatízase e, inaudito, entrégase, cal dote de boa casada, cunha dote de catro millóns de euros. Nunca un se debe esquecer dos amigos e premialos con algunha boa concesión. Lección  aprendida do seu amigo Alberte. Con estes despilfarros, nin os mais seareiros se cren o do déficit nas arcas do concello, táctica popular pra xustificar recortes, antes ben, o Super atopou alí un tesouro.

22/07/2011 10:49 mmarcos #. sin tema No hay comentarios. Comentar.

DEMAGOXÍA

20110723114039-austeridad.jpg

  Nunca se perde a capacidade de asombro. Non estou de acordo con prorroga-la idade de xubilación ós sesenta e sete anos; é unha medida demencial; especialmente cando se podían facer recortes do gasto suprimindo Órganos   administrativos inútiles, como as Deputacións, Senado, sostemento da  Airexa, Sindicatos, políticos, redución de axuntamentos, número de cargos electos, etc; pero se non se fan estes recortes, ó que se opón o PP, non queda mais remedio que adoptar estes recortes.  Opoñerse, como o fixo o PP, é froito da mais noxenta demagoxia, ou de  algo peor. Moi posiblemente que o PP pretenda facer inviable a Seguridade social e suprimila; pra iso nada mellor que deixala morrer.  Espremamos ó pobo.

23/07/2011 11:40 mmarcos #. sin tema No hay comentarios. Comentar.

TAL DIA COMO HOXE

20110725095821-20100725101754-bandeira-galega11.jpg

 

     Coroando os 365 días do ano, culmina a data do 25 de de xullo coa novación dun compromiso de vida, que será o vieiro do vindeiro ano. Pensaba que o 25 xullo significaba o mesmo pra tódolos galegos, ou algo similar.  Espertei do meu sono e deime conta, escoitando o que se dixo na convención das xuventudes peperas de Santiago, que non era así,  e que as distancias eran longas. Foi a celebración, anticipada, do 25 de xullo das xuventudes peperas un feito cunha intencionalidade ideolóxica de quitarlle significado á data do 25 de xullo. Da  xuntanza, ademais da consabida atonía, cabe destaca-lo discurso do líder das xuventudes peperas, envolto en naftalina, con aires Joseantonianos, que tiña como mais recente a letra das pasadas eleccións autonómicas,  e o discurso do Inefable Feijoo, sacado da factoría FAES, cargando contra do nacionalismo e  de calquera visión do mundo que se aparte do papel que Deus lle asignou a España como unidade de destino no universal. A  confrontación, a división de Galiza en bos e malos, foi a esencia dunha predica á confrontación bélica de mundos que non teñen cabida no mesmo espazo, razón pola que Feijoo ve razoable o aniquilamento dos inimigos políticos.

    Como di a letra do noso himno sobre os nosos valores: mais son os ignorantes, feridos e duros, imbéciles e escuros non nos entenden, non.

25/07/2011 09:58 mmarcos #. sin tema No hay comentarios. Comentar.

FEDOR POTRTUARIO

20110726104913-cheiro-1.jpg

      Corina blindou a persoal do Porto, de tal xeito que si o novo director se lle ocorre cesalos, por moi maulas e incompetente que sexan, grazas a Corina e a  austeridade do PP, terán dereito a unha astronómica  indemnización. !pra que xogar á primitiva!. Corina politizou o Porto de Vigo  e mantivo unha tensión constante co concello. A súa magra xestión non deixa un pasado glorioso. Os laios seus, cando perdeu as pasadas elección municipais, foron célebres. Muller chea de orgullo, que non admite que a contradigan,  vai deixar a súa pegada no novo posto,  mesmo que  deixou en Vigo; si ben non vexo con quen se poderá pelexar;  ela atopará o inimigo.   

 

26/07/2011 10:49 mmarcos #. sin tema No hay comentarios. Comentar.

UNHA PATRIA CON MATICES

20110727101251-conde-roa-gaiteiro.jpg

 

 

   Os atrancos do alcalde de Santiago ás manifestación de grupos nacionalista e de esquerda, no foi óbice pra que CAUSA GALIZA e  NOS-UNIDADE POPULAR tiveran unha apreciable presenza. Por certo foi moi comentada a indumentaria do Alcalde de Santiago, vestido de gaiteiro, mais propiamente con  traxe galego de gala; o que motivou a chunga de Feijoo e outros asistentes ó acto oficial. O hábito non fai ó monxe, pero deixou descolocado ó persoal. E non sei se o acto foi unha excentricidade cunhas pingas de burla, ou aquilo de que o importante, sen importar cómo, é da-la nota. O que parece seguro, visto o comportamento  do personaxe, que quere reduci-lo galego a algo folclórico. A marcha do BNG  non desmereceu as doutros anos, pero segue falto de líder e de  proxecto a nivel de cidadán. Tamén, o meu ver, houbo cousas positivas. As Medallas de Galiza recaeron en xente destacada da ciencia e  da cultura, pouco, ou nada afectas ó goberno, ó que dedicaron reproches nos seus discursos. Hai que lle agradecer a Feijoo que as medallas non se encamiñaren a un acto folclórico.  

27/07/2011 10:13 mmarcos #. sin tema No hay comentarios. Comentar.

PROGRAMA OCULTO

20110728102829-3528376195-43680dddbf.jpg

 

    De pouco me serviu que me esprimira os miolos intentando saber cal é o programa de goberno de Rajoy; pero por moito que o intento non logro descubrilo. ¿Ou será que non o ten?. É posible que nin el mesmo coñeza o programa, cousa que estaría na liña do mais puro estilo de Rajoy; pero o lóxico será pensar que ten un programa. Cousa distinta será que o programa o oculte por motivos electorais. Se fora apostador, apostaría que o proxecto de Rajoy fai recaer tódolos recortes sobre o pobo chan, do que pode ser o seu pebideiro de votos, e non lle convén arriscarse a cabrea-las pulgas  dos votantes.

28/07/2011 10:28 mmarcos #. sin tema No hay comentarios. Comentar.

OS AUSTEROS DO PPg CABALGAN

20110729101729-cheiro.gif

 

         Os Gobernantes do PPg dan mostras da súa austeridade. Salvo honrosas excepcións, como a do alcalde de Oia, que se enfrontou ós concelleiros do seu propio partido, que pretendían repartirse os recursos económicos do concello, a austeridade volveuse verde comeuna un burro, pero cando a todo o mundo se lle encolle o cinto, vende moito iso da austeridade. As autonomías peperas queren seguir gastando como si estivéramos en plena expansión; pra iso é necesario que alguén poña os cartos; de aí que Feijoo, coas contas do Gran Capitán, pretende que o goberno do Estado, que de momento está en mans do inimigo, lle pague as contas. Feijoo, a mais de vende-la súa imaxe polas distintas autonomías, buscou unha unanimidade pra esixir no Consello de Política Fiscal mais cartos. Rajoy reuniu as súas mesnadas e instruilles pra que esixiran mais cartos. A austeridade era cousa de campaña electoral, agora toca despifarrar se outros pagan as contas.  Como non van a soltar mais cartos, ó menos, van a poñerlle as cousas difíciles ó goberno. De coordina-lo aforro administrativo, nin pensalo.

29/07/2011 10:17 mmarcos #. sin tema No hay comentarios. Comentar.

FACENDO FUTURO

20110730103424-imagestrenes.jpg

 

 

    O Superconselleiro xa lle está achanzando o camiño a Rajoy, inventado un estudio, segundo o que se prevé que o AVE chegará a Galiza  despois do 2018. O único que pode adiala chegada  do AVE é a chegada do PP ó poder.  Pra tremer.

 

30/07/2011 10:34 mmarcos #. sin tema No hay comentarios. Comentar.


Blog creado con Blogia. Esta web utiliza cookies para adaptarse a tus preferencias y analítica web.
Blogia apoya a la Fundación Josep Carreras.

Contrato Coloriuris