Facebook Twitter Google +1     Admin

Se muestran los artículos pertenecientes a Marzo de 2011.

O MUNDO DOS IGNORANTES

20110301101657-ignorant.jpg

     Alguén dixo que perseguir unha lingua, ou unha cultura, é típico de ignorantes. GALICIA MONOLINGUE demostrouno, impugnando unha convocatoria dun concurso de obras da Fábrica de Tabacos por estar unicamente en galego, alegando un suposto perxuicio pros castelan-falantes. Dúas cousas:  Calquera empresa da Unión Europea pode acudir ó concurso, porque as normas comunitarias así o dispoñen e a publicación non vulnere os dereitos dos europeos. Non estamos no imperio de Franco, estamos na UE e o galego está recoñecido no Estatuto como a lingua propia de Galicia, aínda que non polos Principios Fundamentales del Movimiento . segundo: si o que se `pretende é que haxa folletos en castelán, non se demostrou que non os haxa. Non se lle ocorre protestar porque a Directora Xeral de Infraestruturas da Xunta solo use o inglés e o castelán na licitación da autovía da Costa da morte, prescindindo do galego.

01/03/2011 10:16 mmarcos #. sin tema No hay comentarios. Comentar.

AS INCONGRUENCIAS

20110302102311-41575-168374411131-4374523-n.jpg

 

         En Caldas de Reis o PP pide a dimisión do alcalde por ter dado unha subvención de 2.000 euros ós organizadores da feira do viño. O Axuntamento de Lalín, do P, paga ós gorróns a papancia da festa do cocido. Non é o mesmo estar en contra do alcohol que a favor do cocido. O porcos non se  tocan.

         O PPg dálle unha subvención de 10.000 euros a  Crespo, ese coruñés socio da Conselleira do paro e confeso antigaleguista pra promoción do galego. Si sobre algún político da oposición pesa calquera sospeita, non fai falta que sexa imputado, nin que se demostre  nada; o PP xa fará o meirande espolio e pedirá a dimisión. Si o paro se  desmadra en Galicia, a culpa non é de Feijoo, a culpa, según Feijoo, é de Zapatero. Hai un retraso nas infraestruturas, a culpa, sendo o PP, é do Goberno Central; das da Xunta non se fala. Iso que hai tela que cortar. Pra mostra a vía da Costa da Morte; paralizada por Feijoo, volveuna a sacar a concurso cun sobrecusto de 400 millóns de euros. Ir a cadea non é cuestión de delinquir, senón de roubar pouco. A cotío  vese cos grandes roubos.

 

02/03/2011 10:23 mmarcos #. sin tema No hay comentarios. Comentar.

ESTADISTICA CREATIVA

20110303103654-tumblr-kwoeygr0pq1qzxedeo1-500.jpg

 

 

         En principio non ten moito que   ver a estadística co cocido: hai persoeiros que a empregan; quizá a xeito de avance do que vai ser a estadística creativa, en virtude da cal Feijoo vai facer desaparecer das listas do paro a moitas persoas que buscan emprego. Pódese pensar que Feijoo é un mago. Do que si estou seguro é que o vai facer, do mesmo xeito que o fixo coas listas de espera do SERGAS. De feito, no cocido de Lalín, nese no que toda unha longa lista de peperos comeron gratis, nunha convidada que pagamos todos, xa deixou unhas perlas, que solo se entenden o abeiro de grandes enchentes e sen control de alcoholemia: SE ESPAÑA TIVERA O MESMO PARO QUE GALICIA HABERIA UN MILLON MENOS  DE DESEMPREGADOS Tomaaaaaaaaaaaa  

03/03/2011 10:36 mmarcos #. sin tema No hay comentarios. Comentar.

BO DENTE

20110304104856-images.jpg

 

 

       Os convidados da papancia pantagruélica de Lalín demostraron ter bo dente. As viandas desaparecían  nas gorxas dos comensais como si fora un furado negro. Nada do outro mundo en xente avezada a tragar. O acontecemento gastronómico amosa unha tendencia hacia a política; alí víase unha superpoblación de gorróns, un tráfico de influencias e negocios. Esa é a evolución da festa do cocido.

04/03/2011 10:48 mmarcos #. sin tema No hay comentarios. Comentar.

O CONQUISTADOR

20110305101323-aztecas.gif

 

         Feijoo presumiu no cocido de Lalín de frear o avance do galego e soterralo. Tódolos peperos gorróns que se encheron os bandullos a conta nosa, gabaron a figura de Feijoo e asentían coa cabeza. O que moi ben podía ser debido o exceso dos vapores etílicos, non eran tal; eran declaracións feitas dende o convencemento de que o fixera ben. Nada raro se o producto e froito dos toxos de Belesar; aínda que non hai que ser tan enxebre, nin ser nado entre os toxos. Chega ver internet de ese señor amigo do Deputado do PP Cobián en Oleiros. Entre o mellor trigo medra a zizaña.  Nunhas declaracións á prensa reafirmouse nas declaracións do cocido sobre o galego, sen que explicara por qué non deu os resultados da enquisa feita ós pais dos alumnos sobre  sobre o galego. A citada enquisa foi sometida a un proceso de cociñado; aínda así non era asumible por Feijoo

05/03/2011 10:13 mmarcos #. sin tema No hay comentarios. Comentar.

O MONSTRUO

20110307104558-kraken-pulo.jpg

     Galicia é unha nave que surca uns mares procelosos, capitaneada por un Presidente ó que non lle importa o rumbo da nave. Pra Feijoo Galicia é un peldaño do poder pepero. Si xa así tíñamos bastante, o menstruo da Cidade da Cultura ameaza a nosa imprevisible singladura.

    Negábame a visita-la Cidade da Cultura; cun engano leváronme alí, e podo dicir que, si antes tiña un concepto negativo da obra, agora sinto  anguria o ve-lo menstruo, aquel despropósito, no que xa levan enterrado centos de millóns de euros.  

    Espazos enormes e arquitectura orixinal pero sen funcionalidade, sería o ditame de urxencia. As cubertas, que arrancan da cota cero, fan sentir un escalofrío, cando se ve os nenos utilizalas pra algo que non foron pensadas: a escalada. Correndo polos enormes andares e escalando as cubertas, vese un montón de nenos; nade nas sala de biblioteca, nin noutras dependencias  de natureza cultural, que se supón son a razón de ser do menstruo. Vendo a cantidade de nenos e o goteo de autobuses do INSERSO, a Cidade da Cultura pode ter unha función pra que non foi proxectada. Lugar de encontro interxeneracional, encontro da terceira idade, ou parque infantil de xogos. Carísimo, desproporcionado, inútil.

    O custe do mantemento das instalacións será como unha lousa que pesará nos orzamentos da Xunta. Os efectos debastadores sobre os museos da comunidade xa se deixa sentir; reducíronlles as asignacións económicas ó mínimo. Solo sobrevirán os que non dependan da Xunta e podan sobrevir con recursos locais. Resistirse ó espolio e o saqueo vai ser outro reto ó que se enfrontarán os museos.

    Touriño perdeu unha oportunidade de poñer orden neste despropósito e destinar as edificacións en execución a outros fins, ou simplemente arrasalo, porque é un proxecto inviable, que lastrará o desenrolo de Galicia.

 

07/03/2011 10:46 mmarcos #. sin tema No hay comentarios. Comentar.

COUSAS VEREDES

20110308101041-nacionalcatolicismo.jpg

 

    O PP de Poi –Pontevedra- celebrou un mitin nunha airexa, acompañado dunha misa e demais parafernalia, ó estilo do nacionalcatolicismo dos vellos tempos. Non creo que nade teña dúbida de que a airexa, como institución, sigue cos vellos aliados i é responsable da represión e atraso do pobo. Non alcanzo a comprender como o Estado Español lle da a airexa unha subvención anual de mais de 38.000 millóns de euros ó ano.

     É posible que o acto mitin misa tivera como función exorcizar e esconxura-los demos que se apoderaron do goberno municipal de Poio; en  balde o PP propúxose sacar maioría absoluta en Poio.

     Pra ver cousas hai que es tar vivo.  

08/03/2011 10:10 mmarcos #. sin tema No hay comentarios. Comentar.

¿FEIJOO O IGNORANTE?

20110309100915-imagescatavebc.jpg

 

 

     Algunhas das afirmacións de Feijoo atribúense a súa tendencia a mentir, que son acompañados por frases tópicas de grandielucuencia, que nos recordan os usos do  vello réxime. Pode que Feijoo sexa un mentiroso compusivo, de feito non se pode dicir que a verdade sexa unha das súas virtudes; nade pode dicir que dixo unha soa verdade na súa carreira de aspirante e Presidente do Goberno Galego.

    Na súa rolda de prensa da Cidade da Cultura, dada o mais puro  estilo  dos tempos escuros, gabouse dos logros do su goberno; non foi o feito de suprimi-las preguntas o mais grave, penso que foi con moito, tratar a á prensa dunha capacidade nula de intelixencia, facendo dos mais sonoros fracasos unha rea de éxitos.

       A perda de poboación, o deterioro do estado de benestar, o incremento do paro, a involución cultural, a mingua da  actividade económica, o sectarismo e a corrupción son feitos innegables deste tempo.

09/03/2011 10:09 mmarcos #. sin tema No hay comentarios. Comentar.

SELO E PARECELO

20110311105450-el-mon-2.jpg

 

        Todo sería mais normal se Feijoo, facendo gala da súa prepotencia e ignorancia, non deixará caer unha sombra de dúbida sobre o TSXG. Houbo dúas razóns que deron pábulo a uns supostos manexos do PPg. A arrogación dunha razón por parte de Feijoo, que o TSXG lle deu a Xunta. As resolucións dispares de do TC sobre a mesma cuestión. A resolución do TSXG  foi sobre unha cuestión incidental, non sobre o fondo. A exclusiva e preponderante competencia do TSXG sobre o TC, invocada por Feijoo ben a denotar unha supina ignorancia procesal do Presidente da Xunta, aínda que parece que estudou Dereito. Debera gobernar mais e falar menos. Metería menos a pata. Aínda qué opinable, o TSXG debera  inhibirse a favor do TC, habendo unha mesma causa, prantexada, ante os dous tribunais, aínda que por distintos actores. Iso é as saídas de ton de Feijoo, xunto co feito de que haxa unha relación privilexiada co PPg, deixa unha sombra, á que non debera haber lugar.-

 

11/03/2011 10:55 mmarcos #. sin tema No hay comentarios. Comentar.

CHOVE LIXO

20110312101219-imagescadm5p6t.jpg

 

 

       Chamoulle o forno o muiño queimado, sendo el mais aburado. O mesmo que fixera nas autonómicas, o PPg está quentando motores nas municipais, levando a cabo unha campaña de rumores, mentiras e toda clase de lixo. Non demostran nada, solo o insinúan irregularidades, que de ser certas deberanmas denunciar no seu momento, e actuar, tanto administrativamente como xudicialmente; do contrario son participes dos feitos, por complicidade.

         Farían ben  en mirar pro embigo e dicir que fai a Xunta. É unha táctica o de esparexer lixo. O cheiro  sempre  queda.  

12/03/2011 10:12 mmarcos #. sin tema No hay comentarios. Comentar.

HAI QUE SER MODERNOS

20110314111059-carreto-moderno2.jpg

 

   Neste século XXI é cavernícola falar de usa-los topónimos auténticos; hai que ser modernos e poñelos en castrapo. Iso foi o que dixo o deputado pepero Agustín Baamonde. A escena desenrolouse no Parlamento, con ocasión dunha proposta do BNG sobre a defensa dos topónimos. O deputado pepero calcou frase tópicas e ocorrentes de Galicia Bilingüe. A coincidencia en métodos e argumentos co fascismo mais intransixente non debe sorprender a nade. A pregunta é.  ¿Onde están eses Deputados do PPg que teñen en estima o pais?. Aquí é onde se fai mais visible o pesebre e a pouca vergonza

14/03/2011 11:10 mmarcos #. sin tema No hay comentarios. Comentar.

CAFKIANA

20110315105620-138557-democrata-de-toda-la-vida.jpg

 

     A Policía Nacional suponse que debe ter un escrupuloso ríspeto ás ideoloxías dos cidadáns que estean dentro da lei, protexer e amparalos seus dereitos civís. A  veces non é así; vexan o que lle pasou a Bieito Lobeira, que por ir de galego, na comisaría da policía tratáronmo peor que un foraxido. Falar galego, segundo onde,  é unha actividade perigosa.  De pouco serve cambiar de uniforme se non se cambia de mentalidade.

15/03/2011 10:56 mmarcos #. sin tema No hay comentarios. Comentar.

O XOGO DO PRESIDENTE

20110316104251-piedras-y-amanecer.jpg

 

       Sempre hai un responsable dos desatinos. A ciencia está en acha-lo responsable, mellor dito, alguén a quen votarlle as culpas da propia incompetencia, aínda que non sexa o responsable. Feijoo e o seus bonsais xa o atoparon. Xa o atoparon fai tempo. A súa función, porque así a concibiu é se-la mosca cojonera de Zapatero. Non lles importa que Galicia perda; eles o seu: a por Zapatero. Pra algúns parados, os 400 euros mensuais por  asistir a un curso de formación, era unha táboa de salvación; pero Feijoo non os quixo organizar. Non lle importa a Feijoo que grazas o seu mal goberno, Galicia, proporcionalmente, con 300.000 galegos en busca de traballo, é unha das comunidades con mais paro e, cun fenómeno curioso, rexistra un alto índice de emigración, cara outras comunidades de España   e cara o estranxeiro. Nembargantes, Feijoo ten as súas propias estatísticas, cociñadas en San  Caetano. Lonxe da realidade, pero menos negras e mais Feijonianas.

16/03/2011 10:42 mmarcos #. sin tema No hay comentarios. Comentar.

DE BORRACHOS

20110317105659-borracho.jpg

 

   O concelleiro do PP, de  Santiago, detido cando conducía borracho, fixo o aceno de que dimitía. Tódolos peperos, minimizando o feito, pedíanlle que non dimitira; unha falta sen consecuencias pra terceiros non era pra tanto. Total que parece que non  vai dimitir.  Sería o primeiro caso no PP . O concellan en cuestión non ten outro medio de vida. Hai que mantelo na chupadoira, onde cobra do concello, con dedicación exclusiva. A exclusiva vese que lle deixa tempo pra ir de copas e de alterne. Sería bo que dixera dónde viña tan cocido ás sete da mañá, hora en que foi detido, cando xa estában os afortunados no curro.  Puido causar un accidende, un perigo real pra seguridade vial, e matar a unha familia, Deus non o quixo, a Garda Civil detivo antes. Fai falla moito rostro pra defender a un elemento así. ¿ Non si, Feijoo?. Ese concellan significouse  por  acusar e acosar  ó alcalde de permiti-lo botellón. Visto así, hai unha diferenza entre beber dunha botella, ou directamente do bocoi. Estar tirado no chan, ou o volante dunha máquina  en plena vía pública. Simplemente de alucine. Si Albertiño, de alucine.

 

17/03/2011 10:56 mmarcos #. sin tema No hay comentarios. Comentar.

CONTRA AS CORDAS

20110318103501-estado-religioso.jpg

 

        NCG aca de nacer e xa se atopa a veira do abismo e apiques de caer nel. As zancadillas que lle pon o regulador son difíciles de superar pra caixa galega. Non son as mesmas, denuncian, pra todos. Verdade a medias, e como tódalas verdades a medias, deslízanse moitas mentiras e aproveitase pra leva-la auga pro muiño propio. As caixas foron utilizadas por algunhos gobernos  autonómicos pra soluciona-los seus problemas de tesourería, pra saquea-los seus recursos e facer política con eles. Digamos que era un xeito de acadar diñeiro doado. Caixa Galicia atopábase con dificultades  de viabilidade, que lle endosou, coa fusión, a Caixa Nova. Seguro que Feijoo sabe moito deso. Que o PPg fale dos seus manexos e non veña Feijoo desviando as responsabilidades solo pra Zapatero; porque el tamén as ten,  moitas e moi graves.  Por certo ¿ qué fai?, falar, dicir estulticias na súa hora particular do anxelus mitinero.   El quería seguir manexando  a caixa recen creada, non naceu como el quería, pero o mais irracional é a súa política de confrontación, tanto coa oposición como con Madrid, porque a el non lle interesa Galicia, interésalle destruí-la oposición, a que ten visualizado como o seu inimigo.

     Foi curiosa esa pantomima que montaron PSOE e PP no debate do estado da autonomía, no senso  de defende-la viabilidade de NCG, cando foron eles mesmos os causantes do problema

18/03/2011 10:35 mmarcos #. sin tema No hay comentarios. Comentar.

ABURRIMENTO

20110319104117-imagescatavebc.jpg

    Non sería raro que o debate do estado da autonomía camiñe cara a atonía, cara un esmorecemento, á que o encamiña os repetitivos e previsibles discursos de Feijoo. Non dixo nada novo, nada que non dixera xa. Aínda que fai o contrario, que despilfarra en gastos correntes e que ten a man aberta pra subvencionar ós que lle fan favores, insiste na austeridade, porque iso aínda que sexa certo, a medias,  vende. Feijoo é austero co gasto social e coas inversións, Chega con ver a situación do pais; cando o poñen fronte os feitos, sae con que non é competente. Niso di a verdade, porque é un incompetente.

     Feijoo desenrolou a táctica de durmi-lo partido. Posiblemente esa fora unha das razóns polas que o debate careceu des frescura. O PSOE notóuselle maniatado pola dependencia de Moncloa. A  Moncloa era o lugar de debate preferido de Feijoo; pois unha e outra vez, fixo a Zapatero responsable do seu letargo; falaba como un enviado especial de Xénova, aparcando os asuntos de Galicia. De Galicia Feijoo volveu a repetir as mesmas promesas e os mesmos tópicos de sempre. O representante do Bloque atopouse no medio dun debate no que Galicia solo era un peldaño; os problemas de Galicia resumíanse en vellas promesas, mil veces prometidas e outras tantas incumpridas. O resto, era Zapatero protagonista.

 

19/03/2011 10:41 mmarcos #. sin tema No hay comentarios. Comentar.

O IRREDUCTIBLE

20110321112232-asterix.png

 

   O Alcalde da localidade coruñesa de Oleiros, azoute do PP, fixo parodia carnavalesca, un ano mais,  edís peperos e figuras destacadas do PPg foron motivos da crítica. A parodia montouna con dous equipos de fútbol. O dos peperos de azul e facendo o saúdo fascista o inicio do partido. O equipo pepero estaba capitaneado  por unha xogadora que imitación á Conselleira de Traballo. Os peperos, como na vida mesma, xogaban sucio; pero o final os xogadores do alcalde, que rendían homenaxe á selección española de fútbol, gañaron o partido.  A limpeza e a ética triunfou; pero na vida real non sempre é así.

 

21/03/2011 11:22 mmarcos #. sin tema No hay comentarios. Comentar.

NON HAI VERGONZA

20110322105438-burro42.jpg

 

       A vergonza era verde e comeuna un burro como si fora un feixe de herba; por iso Feijoo nin sequera se pon colorado cando esixe que se licite o treito de AVE pendente, sen sequera reprobar as declaracións da Cospedal, diixente do PP, de que o AVE a Galicia é innecesario, e que todo é unha cabezonería do Ministro de Fomento.  Moi certo que é un empeño de Blanco, un proceder pouco habitual nun político galego servidor do centralismo . Neste feito, que no é o único, vese a función de Feijoo, que pasa de Galicia e os seus problemas; solo actúa como mosca  cojonera do PSOE

22/03/2011 10:54 mmarcos #. sin tema No hay comentarios. Comentar.

¿AVANZAR?

20110323101115-20070319182343-emigrante.jpg

 

    Nin PSOE, nin PP, avaliaron o estado da autonomía. O seu foi un enfrascamento, centrado na loita polo poder en Madrid. Pouco ou nada se falou do desmadre nas listas de espera do Sergas, dos recortes sociais, do despilfarro do goberno Feijoo, do paro, da emigración; ese fenómeno, mérito de Feijoo, segundo o cal os galegos emigran acuciados polo paro e a fame. Mentres Europa afianzase no estado benestar; a Xunta de Feijoo súmenos na pobreza. Cun cuarto da poboación en estado de necesidade.  Ese é o modelo  de goberno exitoso que quere presentar o PP, co aval, nas municipais. O grave será que alguén lles crea ós señores feudais, ós caciques do PP, ós que pretenden pra Galicia un lugar medieval, cun goberno clerical.

 

23/03/2011 10:11 mmarcos #. sin tema No hay comentarios. Comentar.

COCHES

20110324102811-244.jpg

 

    Aquela imaxe cutre de Rueda, amosando os Audis do Parque Móbil, pra xustificar aquela campaña despiadada, acusando ó bipartito de instalarse no luxo con 20 Audis, dos que 18 foran adquiridos por Fraga, deu paso a denuncia de que a metade dos cargos LD da Xunta utilizan coches do Parque Móbil pra uso particular. Todo acreditado con documentación gráfica,  non en rumores,  como nos ten acostumbrados o PPg. Feijoo, na súa austeridade, mercou un  milleiro de coches pro Parque Móbil; xa se ve o uso que lles está dando. O despilfarro do goberno Feijoo atopa o contrapunto nos recortes do gasto social.  Algún concesionario ponse cheo.

24/03/2011 10:28 mmarcos #. sin tema No hay comentarios. Comentar.

COMO NOUTROS TEMPOS

20110325102506-estado-religioso.jpg

 

    O PPg resucitou o vello concepto da familia, poñendo á muller no lugar que noutro tempo ocupou. A muller deixa de ser unha persoa indibidual, con persoalidade propia e autonomía. O PPg decláraa ben público, con función de órgano reprodutor. Solo lles faltou dicir que era o descanso do guerrero.

   Dixeron os peperos da Xunta que a Lei tiña que ser copiada noutras autonomías de España, tamén dixo a conselleira Farjas que o modelo sanitario da Xunta, incluído o de medicamentos tiña que se imposto noutras autonomías. Imos á conquista d imperio. “por el imperio hacia Dios”, lema franquista. Síntese, a egrexia está presente.

 

25/03/2011 10:25 mmarcos #. sin tema No hay comentarios. Comentar.

XAQUE MATE

20110326105229-jaquemate04-01g.jpg

 

         Non sei si o seu papel era só o de mosca cojonera; o certo é que Feijoo perdeuse no espazo e non deu unha nin na ferradura. O mérito das súas divagación financeiras, o mellor non eran solo súas; porque é sabido que os seus coñecementos nesta campo son moi limitados. Agora ben, como el gústalle aparentar un coñecemento universal, e apuntarse  tantos, tamén lle anotaremos este fracaso.  O seu no asunto de NCG foi un fracaso. Seguro que Feijoo  non o ve como un fracaso, pero éo. No tema de NCG sobraban as liortas políticas, había que buscar unha solución posible, admitindo as ideas dos demais, NCG tiña que ser o único importante; pero non, pra Feijoo o único importante era desempeña-lo papel de mosca cojonera e, ó remate morreu esmagado. NCG  era a única caixa que non tiña definido o seu futuro, e todo era grazas a Feijoo. A conclusión é que Pachi deulle un xaque mate a Feijoo.

 

26/03/2011 10:52 mmarcos #. sin tema No hay comentarios. Comentar.

NO PAIS DOS MIL RIOS

20110328104253-apalpador00-1-.gif

 

         Entre outras cousas, Galicia é coñecida polo PAIS DOS MIL RIOS, pero tamén podía ser coñecida por algúns candidatos a Alcaldes. Os mais senlleiros son Telmo en Pontevedra e Negreira na Coruña; entrámbolos personaxes teñen en común os seus desvelos tratando de anular en Santiago calquera proxecto que se acometa dende o concello. Aí é onde se ve o valor que lle dan ás cidades das que prenden ser alcaldes. Como diría alguén: “menudas preas”. Pra eles    a cidade é un botín. Non lles importa que a cidade esmoreza no atraso, antes ben, queren unhas cidades e un pais sumidos na pobreza, no atraso e cunha carga ideolóxica que lles impida diferenciar e ter conciencia crítica. Tanto Telmo como Negreira teñen moita superficie de cara, en parte,  porque  están ben mantidos; ademais téñena dura, os problemas dos seus concellos non lles quitan o sono; e iso é outra cousa. Como si non, poden paralizar en Santiago proxectos das súas cidades, e utiliza-la Xunta pra poñerlle todo tipo de atrancos os seus gobernos municipais.      

 

28/03/2011 10:42 mmarcos #. sin tema No hay comentarios. Comentar.

PREPOTENTES

20110329100519-1230161096738-f.jpg

 

           Unha regra do gabinete bonsai, seguindo as instrucións do preside Feijoo, é considerarse na posesión da verdade absoluta e actuar con prepotencia e chulería; pensan que así impresionan mais. A chulería e a prepotencia do Superconselleiro dicindo que posiblemente lle tirarían a casa a Pachi Vázquez, pra logo admitir que a inspección non atopou nada ilegal, malia o empeño que puxeron, deixamos unha reflexión; ¿ é lícito e ético usalos fondos públicos pra acosa-los inimigos?, como eles conciben á oposición. ¿ quén paga esa chulería?. Os de sempre. ¿ Serán Quen os paganos de pasarlles factura electoral? .

29/03/2011 10:05 mmarcos #. sin tema No hay comentarios. Comentar.

OS SALMÓNS

 

            Os salmóns, ano tras ano, volven remonta-los ríos; os políticos, como en tódalas campañas electorais volven a sementa-lo pais de inauguracións, primeiras pedras e, sobre todo comer. As inauguracións non son nada sen unha boa papancia. Esta semellanza entre os políticos e os salmóns e mais aparente que real; pois mentres pros salmóns remonta-los ríos é unha cuestión de vida, os políticos fan das inauguracións ofensivas orxías. A tódolos políticos lles gusta aparentar que fan algo. Non todo o mundo se lle pode meter no mesmo saco; certo é que o PPg ganou por puntos, que aproveitaron que o Presidente da Deputación  de Ourense inaugurou varias portas novas  no Pazo provincial pra ubica-la superpoboación de porteiros, que o Presidente da Deputación de Pontevedra presentou ós tránsfugas como un trofeo das súas artes. As obras municipais e autonómicas, que volveran a servir pra inaugurar en vindeiras eleccións, algunhas solo son esbozos de proxetos feitos pra ocasión; alí onde non houbo que inaugurar, non faltaron os pinchos e a xuntanza social. Todo foi como si o tempo pasado fora a retención e a paralización de toda actividade, pra logo soltalas en precampaña como se foran unha pozada coa que asolagaron o pais.

 

 

30/03/2011 09:56 mmarcos #. sin tema No hay comentarios. Comentar.

A PALLA EN OLLO ALLEO

20110331105321-jefe-enfadado.jpg

 

  Cando as eleccións autonómicas o PPg montou un tremendo escándalo porque o Secretario Xeral do BNG subira a un barco, propiedade dun amigo, pra  dar un paseo polas rías; insinuando que algo lle daría. Curiosa a moralidade do PP; nas europeas do 2009 Rajoy embarcou, xunto con outros peperos, e actuando de guía o Delegado da Xunta en Pontevedra, nun barco propiedade dun coñecido narco pra facer campaña electoral. Pachi Vázquez denunciou as  relacións do PPg cos narcotraficantes. Ese é un exemplo; hai mais, quixera saber, habida conta do diñeiro que se gasta o PPg, si entre os narcos e os contrabandistas financian as campañas do PPg; cando na época Fraga xa se daba; co cal agora parece mais sospeitoso.

31/03/2011 10:54 mmarcos #. sin tema No hay comentarios. Comentar.


Blog creado con Blogia. Esta web utiliza cookies para adaptarse a tus preferencias y analítica web.
Blogia apoya a la Fundación Josep Carreras.

Contrato Coloriuris