Facebook Twitter Google +1     Admin

Se muestran los artículos pertenecientes a Octubre de 2011.

NADA QUE DESFACER, NADA QUE INAUGURAR

20111001105713-11669329-cc3dc5cce3-m.jpg

 

 

      Un titular tan simple reflexaría o esta do desgoberno de Feijoo. Onte escribía sobre a seca de inauguracións do goberno galego. Feijoo, o mesmo tempo que intenta manter alta a moral do seu equipo de goberno e narcotizado ó pais. A palabrería de Feijoo xa empeza a semellarse a eses traxes que se poñen a cotío durante anos; son traxes gastados, que nos recordan tempos mellores do usuario. Nun  tempo Feijoo quixo vende-la imaxe de modelo de goberno pepero; pero ese papel non foi do total agrado de Xénova, porque os logros de Feijoo eran o esborrallamento do construído polo anterior goberno, a narcotización  dos gobernados cun propaganda, como nade podía imaxinar, nos medios de comunicación; de feito, unha importante parte dos presupostos dedicounos a este fin, cada euro, cada acción de goberno, ia acompañada dunha campaña publicitaria. Agora, que nada hai que desfacer, nin nada que inaugurar; porque  nada se construíu; chega a parálise. A  Culpable a crise, malia que é pra tódolos paises.

01/10/2011 10:57 mmarcos #. sin tema No hay comentarios. Comentar.

ABRAIANTE

20111003105947-21e6mgh.jpg

 

 

 A valoración  de  NCG, á que o Banco de España lle da un valor inferior a 200 millóns de euros, deixa a un perplexo. A mais da indignación, na que se ve todo ben nacido, xorden un montón de preguntas. Cómo é posible que dende o tempo transcorrido dende a fusión, que é relativamente pequeno, o balance que fixera a Xunta tivera tanto desfase coa valoración do BE. Solo cabe unha conclusión: non se recollía a situación real, é dicir, era falso.

 

03/10/2011 10:59 mmarcos #. sin tema No hay comentarios. Comentar.

¿HAI RESPONSABLES DA DESFEITA DE NCG?

20111004104530-inocentessinremedio.jpg

 

 

         Sen dúbida que hai responsables. É obvio que ten que habelos. Non resulta doado comprender que unha Entidade que tiña unha cota de mercado do 45% chegue a semellante situación. ¿Haberá actuacións Xudiciais pra depurar responsabilidades?. Penso que non. Os delitos de guante branco parece que non teñen o mesmo tratamento que os que son consecuencia dun estado de necesidade; como sería o caso do que furtara un bolo de pan pra darlle de comer ós fillos.  A valoración de NCG feita pola Xunta, da a entender que os órganos de dirección  das caixas e os controladores da Xunta estaban confabulados, que a Xunta miraba  pra outro lado, sen querer sabe-lo que pasaba.

04/10/2011 10:45 mmarcos #. sin tema No hay comentarios. Comentar.

PROPORCION INVERSA

20111005103749-imagesca4humpr.jpg

 

   As xubilacións, as indemnizacións, etc; gardan unha proporción inversa á situación financeira da Entidade que as abona. Son premios o desleixo e a incompetencia. O reparto de 23 millóns de euros entre tres exdirectivos de NCG é un premio de escándalo por arruina-la Entidade, pero iso non é o único caso; outros directivos tamén foron  premiados. Tamén o Gobernador do BE e o Presiden te da Xunta. Os acordos son de coñecemento   do BE; e a Xunta tutelaba  e controlaba a Entidade. A devolve-lo que é noso, cesalos incompetentes e a presidio os culpables.

05/10/2011 10:37 mmarcos #. sin tema No hay comentarios. Comentar.

UN DELITO

20111006112142-52729.jpg

 

    Feijoo propón nun foro en Madrid,  que o deixar facturas nos caixóns sen pagar, sexa un delito, que se estableza o delito contable. Non podo deixar de estar de acordo coa proposta de Feijoo. Que se baleiren as cadeas, que solten os presos que hai nelas e que encadeen a moitos políticos; tanto por falsidade contable como por mal uso dos fondos públicos.

06/10/2011 11:21 mmarcos #. sin tema No hay comentarios. Comentar.

SEMPRE AS OPSICIONS

20111007104848-inserto-chanchullos-justicia.jpg

 

 

    As oposicións ó concello de Vigo son cuestionadas por CCOO. Hasta aquí nada novo. Non confío na limpeza das oposicións na Administración Local; pero desconfío tamén de  que sexa unha organización que nada novo ten aportado á limpeza dos procedementos selectivos de persoal. O de CCOO parece unha rabexa dun malcriado que non tivo asento no convite. Á Xunta ten un representante no Tribunal, algo terá que dicir, si hai algo que dicir, se non o de CCOO da a sospeita de algo sucio quería facer.

07/10/2011 10:49 mmarcos #. sin tema No hay comentarios. Comentar.

ESTRATEXIA DE COBATE

20111008113853-cinismo.jpg

 

 

 

    A lea de acusacións do empresario farmacéutico Dorrego ben puidera ser unha estratexia argallada pra fortalece-la súa defensa; pero os feitos poden ter outra finalidade, poden obedecer a unha necesidade do PP  de diluír e distraer da súa responsabilidade. Non se pode ignorar que Dorrego está na cadea acusado de corrupción, por cobros e comisións co PPg de Feijoo. A estratexia do PP e estender unha sombra de dúbidas sobre as outras opcións políticas pra disimula-la súa responsabilidade. Que mellor oportunidade pra atar ó Ministro de Fomento, ó que lle teñen ganas, e lixar un posible contrincante de Feijoo. Este feito abálano dúas sospeitosas coincidencias; por un lado a montaxe fotográfica, xa que é estraño que sen premeditación houbera fotógrafos apostados, en segundo lugar a difusión da campaña nun medio que ten acreditada unha traxectoria de campañas tendenciosas; como as do caso Atocha ou Faisán, coroado todo esa lera dos Deputados do PP . O deputado do BNG simplemente é un engado, ó que lle ven ben empregado por incauto. Co PP sempre hai que estar alerta.

08/10/2011 11:38 mmarcos #. sin tema No hay comentarios. Comentar.

O XINETE DO MEDO

20111010115711-parado.jpg

    O paro é un xinete da apocalipse que percorre o pais sacando chispas cos casos ó trotar. Cando Feijoo recibiu o goberno había un 11, case un doce, por cen de paro; agora xa nos achegamos a 18%, aínda por debaixo da media española, pero sendo a CCAA onde mais medra o paro, co cal, nun ano podemos sobrepasa-la media española. Iso a pesar da emigración a outras CCAA  e o estranxeiro. Un problema que Feijoo ía arranxar en tres meses.

10/10/2011 11:57 mmarcos #. sin tema No hay comentarios. Comentar.

NADA QUEDA

 

 

   Salvo as palabras goras e grandielocuentes de Feijoo, xa nada queda en Galiza. Os nosos medios financeiros foron dinamitados. Galiza esfarélase. BE, Consello de Administración e Xunta son culpables do que pasou en NCG. É inmoral e de chourizos o que fixeron os directivos de NCG; por riba pedíndolle ós empregados sacrificio. Mar Barcón estivo no Consello no que se acordaron as primas. Feijoo coñecía, por adiantado, o que pasaba. PSOE obtiña financiación de Caixa Nova, e o PP de Caixa Galicia. Todo era un contubernio entre os políticos e os que manexaban as caixas; uns obtiñan financiación e outros a forrarse;  ían cada un  ó seu. Agoa Feijoo, na súa liña habitual, intenta votarlle a culpa a outros; a súa Conselleira de facenda, nunha intervención subrealista no Parlamento, culpou hasta  ós Reis Católicos

  É dunha inmoralidade que raia a burla, tanto o comportamento de  Feijoo como os exdirectivos das caixas.  Sinto unha fonda dor escoita-lo trilero e charlatán, sen asumi-la responsabilidade do que pasou. Non   debemos esquece-la nosa responsabilidade se non facemos o posible pra librarnos desta praga.  

11/10/2011 11:20 mmarcos #. sin tema No hay comentarios. Comentar.

PILLADO

20111012110913-11669329-cc3dc5cce3-m.jpg

    Feijoo mentiu cando dixo que nunca se reunira con Darribo. Descuberta a mentira, di que o fixo no seu despacho  oficial, pronto se saberá que visitou Monte Pío, por suposto, polo ben de Galiza. Hai dúas cousas certas: Blanco fíxoo nun lugar público, á vista do chofer  e dos escoltas; Dorribo non recibiu subvención algunha do Goberno Central despois da reunión. Feijoo reuniuse en segredo, lonxe de testigos con Dorribo. Despois da reunión  con Feijoo, Dorribo recibe subvencións da Xunta.  Agora solo falta saber  a cambio de que lle deu eses catro millóns  de euros. ¿Sería pra que lle axudara a desfacerse de  Blanco?, ou en concreto, qué lle pediu Feijoo a Dorribo?. ¿ Cántas reunións previas houbo, e ónde?.

12/10/2011 11:09 mmarcos #. sin tema Hay 2 comentarios.

O EMPERADOR

20111013104505-emperadorvii.jpg

 

 

   Acudiu o emperador da terra de Fisterra á convención do PP, rodeado polo mais florido e valioso do seu goberno. Escoltábano a Conselleira de Traballo, responsable do incremento do paro e da destrución dos Servizos  Sociais; o Conselleiro de industria, que pode presumir de que a produción industrial caeu o ano pasado nun 12%, mentres no resto de España tivo un lixeiro incremento, cun concurso eólico embeleñado. Menos mal  que nin abriron a boca.

13/10/2011 10:45 mmarcos #. sin tema Hay 1 comentario.

PROGRAMAS

20111014112538-01-politica.jpg

 

 

     Quixen saber que era o que ofrecían os candidatos do PP e do PSOE; porque, xa   se sabe, neste momento todo son farturas, teñen solucións pra todo. Nembargantes vin que o PSOE ofrece o que non fixo no goberno, e o PP sigue sen dici-lo que pensa facer, salvo vaguidades; non queren perder votos.  

14/10/2011 11:25 mmarcos #. sin tema Hay 2 comentarios.

DE COÑA

20111015110238-eu-non-fun.jpg

 

 

     O Presidente da Xunta, a mais de intentar facernos crer que el non ten nada que ver nas primas millonarias dos elementos da directiva de NCG, pon a guinda cunha carta ó Presidente do BE pra que lles obrigue a devolve-las primas; con elo o único que pretende é desvia-la súa responsabilidade reforza-la argumentación de que el non ten nada que ver . Non comprendo cómo se ensarilla en cousas banais en lugar de buscar unha solución á desfeita. O Presidente Feijoo tiña xente, ademais de no Consello,na Dirección; el mesmo considerábase o Patrón da Caixa. Por iso non deixan de ser patéticas maneiras de evadi-la responsabilidade, baixo unha unha actuación teatrera, impropia dun gobernante responsable. Todos sabemos que os responsables son o Gobernador do BE, o Consello de Administración e o Presidente da Xunta; sen que uns se escondan tralos outros.

 

15/10/2011 11:02 mmarcos #. sin tema No hay comentarios. Comentar.

¿ A CASO CONSPIRACIÓN?

20111017111839-conspiraciones.jpg

   O espolio de NCG non me da acougo; canto mais penso nelo, mais incógnitas atopo. Non acabo de comprender, como se pode esfumar un patrimonio de miles de millóns de euros. Aínda que houbera un desfase contable, é moita a diferenza entre as distintas valoracións feitas. Non é doado comprender que unha entidade que ten o 50% do mercado bancario valia solo 180 millóns de euros. É fácil sospeitar que unha valoración tan baixa obedece a unha intención deliberada, a un proxecto premeditado de quita-la NCG do mercado e entregarlle os despoxos a un competidor a prezo de saldo. Este feito, sen esquece-lo saqueo practicado polos directivos da Caixa, debera ser motivo dabondo pra que a Fiscalía investigue unha fraudulenta conivencia entre o BE, os directivos da Caixa  e algúns políticos. Penso darlle mais voltas.

 

17/10/2011 11:18 mmarcos #. sin tema Hay 3 comentarios.

ACENOS OU REALIDADES

20111018110249-imagescaxq2ray.jpg

 

 

       Os novos directivos de NCG pretenden que os anteriores directivos, ós das indemnizacións millonarias, os que ca súa mala xestión levaron á ruína a Caixa, devolvan parte  das cantidades cobradas, insinuando cunha posible accudicial. O primeiro a destacar é que non se lles esixe a devolución dunha cantidade concreta; en segundo lugar parece que se  apela mais a unha razón de forza moral, pouco efectiva neste caso, que a razóns legais.   Habida conta que as indemnizacións recibiron o consentimento do BE, Consello de Administración e Xunta de Galicia ou, á menos, un mirar pra outro lado, parece que unha acción xudicial tería unha débil posición; nembargantes, si temos en conta que as remuneracións extraordinarias dos banqueiros deben estar condicionadas pola labor dos beneficiados.  Eu mais ben me inclino por requirirlles en vía xudicial un resarcimento dos danos causados á Entidade pola súa neglixente e culposa xestión.

      Si cremos a versión dos membros do Consello e de Feijoo, segundo o cal houbo unha deliberada ocultación ó Consello e a Xunta do botín a repartir; daríase un feito que se podería calificar como delito. Repartiríanse as indemnizacións, ó marxe do procedemento establecido, con ánimo de prexudica-la Entidade, apropiándose dun diñeiro alleo, pra elo conspirando pra delinquir. A acción xudicial gozaría dun mais claro apoio de feitos. Cousa distinta é que a Xunta, os actuais órganos de  dirección, BE, ou Fiscalía queiran facelo. Supoño que calquera impositor estaría lexitimado pra exercer unha acción penal. Así que, a non escondela cabeza como as avestruces.  

18/10/2011 11:02 mmarcos #. sin tema No hay comentarios. Comentar.

OUTONO NEGRO

20111019110411-feijoo-mangueira.jpg

 

 

     Ca chegada do outono os lumes forestais parecen recuperar forza. Se non fora que os lumes forestais son cousa moi seria, podíamos supoñer que había centos de magostos. Os incendios collen á Xunta cos brazos caídos,  e poñen en evidencia que a o plan da Xunta de loita contra incendios non existe. Con mais de 10.000 hectarias queimadas, e aínda estamos a mediados, é o peor mes do ano.  É doado dicir que o Conselleiro de Medio Rural é un inútil, pero ademais de non dicir nada novo, non estaríamos aportando nada a solución desta catástrofe. A actual Xunta, xogando con condicións meteorolóxicas propicias, desmonto o sistema contraincendios do anterior goberno, nun acto de arrogancia  e irresponsabilidade. Os resultados son os que se ve. Acentua-la acción nos medios contraincendios, que desgraciadamente tampouco foi o caso, non é a solución. Os medios contraincendios teñen que implementarse con medidas de prevención, que foi onde mais a Xunta se abandonou. Non hai sistema perfecto, solo menos malos, sobretodo cando os incendiarios fan das súas, pero Feijoo debera ser menos arrogante e recorda-lo que fixo na oposición. A dimensión da catástrofe é tremenda, hasta a Unidade de Emerxencias así o viu. Total Galiza perde, a Feijoo elle o mesmo.  

19/10/2011 11:04 mmarcos #. sin tema Hay 3 comentarios.

REDUCCION DE DEPUTADOS

20111020103901-20061023220218-espantapajaros2.jpg

 

        Prantexada así a cuestión é difícil non estar de acordo, pero hai trampa. O PP, por medio do Conselleiro da Presidencia, do que non me fío, prantexa unha redución de Deputados; hasta aí ben. Si realmente quere reducir gasto; por qué non suprimi-las Deputacións, porqué non reducir Concellos e número  de concellas, por qué non reduci-lo parque móbil.  Opino que o que pretende é entreter ós parlamentarios con cuestións baladís e que non  se discuta sobre os temas que preocupan, e que a Xunta lle poden importunar; como son os recortes en sanidade, educación, servizos sociais e infraestruturas, mentres medra o gasto corrente, viaxe do Presidente ás américas, incenios forestais, subvencións e determinadas transferencias a particulares.

20/10/2011 10:39 mmarcos #. sin tema No hay comentarios. Comentar.

¿ MAIS FRASO ESCOLAR?

20111021102821-censura.jpg

 

   O fracaso escolar   ten unha posible efecto na calidade do ensino, polo que é lóxico pensar que os recortes no ensino público terán como consecuencia inmediata unha merma na calidade do ensino público. Os recortes que a Xunta efectuou no ensino público, non tiveron a mesma mingua nas cantidades destinadas ó ensino privado, antes ben, houbo un incremento selectivo pra colexios de elite e de orientación católica.

   As protestas dos ensinantes, os políticos  da Xunta procuraron que o público as vira como a defensa dos privilexios dun colectivo insolidario. Esta é unha tendenciosa e simple desvirtuación dos feitos e dos motivos das protestas. Admitindo a posibilidade de que houbera elementos movidos por intres persoal; asociacións de pais e profesionais do ensino decátanse de que o que o PP pretende e fomenta-lo clasicismo social a base dun ensino de calidade pra que os privilixiados sigan sendo privilixiados e formar unha clase de persoas, similares ós servos da gleba da Idade Media, pra que siga tendo a clase privilixiada uns servidores baratos, sen posibilidade de redención.

 

21/10/2011 10:28 mmarcos #. sin tema Hay 1 comentario.

TOCARON FONDO

20111022110257-106521.jpg

 

      Albricia, A Xunta xa chegou ó fondo do pozo. Xa no haberá mais seca. A Xunta estabiliza nos orzamentos do vindeiro ano á inversión.  E     digo eu, parece que si había inversións , aínda que non se notara moito. O mais destacable dos orzamentos é que se manterán os pluses de altos cargos. Iso chamase austeridade e bo goberno. Se vos decatades a manufactura de chourizos está en alza.  Polo de pronto á Xunta comunicoulles ós adxudicatarios das obriñas que paraliza os pagos hasta a Semana Santa, en que Feijoo e o Superconselleiro se visten de nazarenos

22/10/2011 11:02 mmarcos #. sin tema No hay comentarios. Comentar.

TOCARON FONDO

20111022110300-106521.jpg

 

      Albricia, A Xunta xa chegou ó fondo do pozo. Xa no haberá mais seca. A Xunta estabiliza nos orzamentos do vindeiro ano á inversión.  E     digo eu, parece que si había inversións , aínda que non se notara moito. O mais destacable dos orzamentos é que se manterán os pluses de altos cargos. Iso chamase austeridade e bo goberno. Se vos decatades a manufactura de chourizos está en alza.  Polo de pronto á Xunta comunicoulles ós adxudicatarios das obriñas que paraliza os pagos hasta a Semana Santa, en que Feijoo e o Superconselleiro se visten de nazarenos

22/10/2011 11:03 mmarcos #. sin tema Hay 3 comentarios.

LUMES NO MONTE E NO PARLAMENTO

20111024105133-images.jpg

 

        Mentres Ourense ardía e o aire se volvía irrespirable, o Superdelegado, o home  de Feijoo en Ourense, pasaba dos problemas da provincia e ía a Madrid ver un partido do Real Madrid, do que é un gran seareiro.  Non ía ir apaga-los lumes cunha mangueira, dixo. Entre iso e  demostrar, ou facer  crer, que lle preocupa a provincia, as súas xentes e os seus bens, hai moito recorrido. Ademais, coa mangueira emulaba a Feijoo; seguro que o ían  retratar tan guapo como a Feijoo.  Despois da lea que se montou e dunha chamada á orde  dende  San Caetano, rectificou parcialmente e dixo que fora a Madrid ve-los  fillos, O partido tamén. No Pazo do Hórreo, o Presidente coa súa habitual maneira de comportarse, respondía con dureza as interpelacións parlamentarias sobre o tema, con chulería, desprezo e unha alarmante agresividade.  Voto de menos a Beiras, pra responderlle como se fixo merecente.

24/10/2011 10:51 mmarcos #. sin tema Hay 3 comentarios.

ALEN DO PADORNELO -Alto o fogo indefinido-

20111025104324-terrorismo.jpg

 

  Fai uns días que ETA declarou unha tregua indefinida. Todos eufóricos e contentos, e  iso é o que me preocupa; porque penso que todo  froito dun síndrome de Estocolmo colectivo. A palabra dun terrorista non vale nada, a de ETA menos. Nunca cumpriu ningunha expectativa de paz. Por qué ía cumprilo agora. Nin se disolveu, nin entregou as armas, polo que a tregua indefinida poderá deixar de selo en calquera momento. A   declaración de ETA  hai que tomala con esperanza e con precaución. Nunha posible negociación teñen que ter asento as asociacións de  vítimas, si realmente se quere lograr unha reconciliación.

25/10/2011 10:43 mmarcos #. sin tema No hay comentarios. Comentar.

ACOSO

20111026103711-pap-1-1.jpg

 

      O pretendido enredo a Blanco foi un episodio mais do escuro asunto Dorribo. Por unha e outra banda, intentase politiza-la xustiza e mediatiza-la súa labor. Quixera saber que man acanea o berce; xa que algo oculto parece interesado en axita-lo asunto. Non deixa de ser curiosa esa persistencia de Feijoo en negar que na reunión, ou audiencia con Dorribo, non trataron das subvencións á empresa de Dorribo.  ¿Logo de qué trataron?. O mellor de fútbol; porque a concesión de mais de catro millóns de euros á empresa de Dorribo, logo de celebrala reunión con Feijoo, foi casual. E eu chúpome o dedo.  O principal encausado, o exDirector Do IGAPE, que foi cesado no cargo por Feijoo, agardan que sirva de cortalumes, e as responsabilidade non se esixa a niveis superiores.

      Curioso. O mellor foi coicidencia, aínda que soe a sabotaxe. Dorribo foi citado a declarar ó xulgado. O sistema informático no que se recollía a declaración, que depende da Xunta, fallou. !Que mal cheira isto!.  Veremos que pasa. O mais seguro é que nada. Hai que saber camiñar polo fío da navalla,

26/10/2011 10:37 mmarcos #. sin tema Hay 2 comentarios.

CINISMO

20111027115247-la-famosa-alternancia-politica-.jpg

 

    A presentación das candidaturas do PP pras vindeiras eleccións ó parlamento, levada a cabo en Santiago, foi unha escenificación de ataques ó Goberno Central, por min que lle dean leña ó mono. Nada se dixo do curriculum dos candidatos, nin que ían facer. Foi unha competición entre os líderes do PPg, con Feijoo á cabeza, pra ver quen poñía mais verde ó Goberno Central. O tema mais socorrido foron as infraestruturas, especialmente o AVE. Comprendo de que lle teñan medo  a Blanco; pois ningún Ministro, na vida dos nacidos, fixo tanto por Galiza. Que os electores lle correspondan xa é outra cousa. Por si acaso o PP, todos a unha, atácanlle sempre, aínda que a munición empregada se volva en contra súa. Nestas rifas o BNG  é o gran ignorado,e iso non me da bo bo, nada bo.  O dous grandes partido queren reproduci-lo modelo de alternancia do século XIX.

27/10/2011 11:52 mmarcos #. sin tema Hay 2 comentarios.

VIVE EN NOS

20111028112137-0011.jpg

 

       Hai moito do que ocuparse en Galiza; esta nosa casa te novas tódolos días. Agora que Feijoo consígueo silenciar tódolos medios de comunicación en galego, os cales non loaban a súa acción de goberno. As noticias pulan por saír, seméllanse a Fonmiñá. Burbullan nunha gra poza. Aínda co Superconselleiro intente acubilla-la poza, chimpándolle camións de terra as corruptelas na Xunta, sempre agromará algunha e, aínda que consígueo silenciar unha prensa que non se deixaba manipular; haberá vieiros, fendas polas que a liberdade camiñe, e a porqueira salia á superficie. XORNAL DIARIO, o teu espírito sempre vivirá en nos.   

28/10/2011 11:21 mmarcos #. sin tema No hay comentarios. Comentar.

FOZANDO

20111029110504-espio-1.jpg

 

 

   Non solo ós porcos lles gusta fozar, tamén hai humanos que revolven e fozan nas cousas intentando atopar un premio. No concello de Santiago están revolvendo caixóns e buscando papeis que lles permitan acusar ó anterior equipo de goberno de mala xestión; polo de pronto, xa atoparon o expediente dunha obra cun presuposto de case 200.000 euros, que non foi adxudicada en concurso. A xestión de investigación non parou aí. Dende o Concello suxeriuse a empresas que contrataron obras co Concello, que reclamaran o pago de novo. Todo pra intentar culpar ós xestores anteriores de deixar as facturas sen pagar. En lugar de gobernar dedícanse a inventar e urdir todo tipo de argalladas. En San Caetano, onde puideron parti-las instrucións de maquiavélicos plans, mellor estarían traballando. 

   A veces as conspiracións vólvense en contra do conspirador; tal foi o caso da Presidenta pepera de Castela a Mancha, que mentres estivo na oposición aplicouse a mandar informes, suxerencias e demais ás axencias de calificación de riscos pra prexudica-lo  goberno da Comunidade,  que pretendía derrubar. Agora, que goberna, ve premiados ós esforzos e a débeda de Castela a Mancha acaba de recibi-la calificación de bonos lixo.  ¿Será posible que os electores non pasen factura ?

29/10/2011 11:05 mmarcos #. sin tema Hay 4 comentarios.

COUSAS DO SAMAIN

20111031104515-samain-1.jpg

 

 

   O cese do deputado do PPg, investigado pola xustiza, o segundo en poucos días. Nestas  datas do Samaín, os esqueletos que o PPg esconde no armario saen a face-la ronda. Alberte sabe e coñece casos de corrupción que, igual que os descubertos ata agora, poden estourar en  calquera momento. Coa chegada de Feijoo ó poder multiplicáronse os casos de corrupción. A razón esencial é que no asalto ó poder, houbo  unha política de todo vale; o que foi entendido, por algúns, como a barra libre da corruptela, vendo que os contratos se adxudicaban a dedo que os servizos sociais, a sanidade o ensino, aceso á Función Pública, etc. eran negocios pra premiar ás axudas prestadas. Tamén a materia prima se incorporou sen criba, de tal xeito que foron uns poucos os que impuxeron as regras ó todo, ante a pasividade e complicidade de Feijoo.

     O caso Dorribo destapou as conexión cos narcos, que xa fora denunciado por Xornal de Galicia, cando publicou a foto de Rajoy navegando polas Rías a bordo dun  barco dun coñecido fariñeiro, e que lle custou o posto o director do Xornal.

   Nade, no grupo Popular, baixo a ferrea dirección de Feijoo, se atreveu a denunciar nunca  unha inmoralidade, diante do temor a caer en  desgraza. O goteo, que vai aparecendo, prodúcese diante da imposibilidade de agochalos.

    O último Deputado do PPg que cesa, o sr Escribano, que procede da canteira do partido. Se a canteira se comporta así, o futuro que nos agarda non é nada limpo.

     Entre cargos electos e altos cargo da Administración, xa van unha ducia de implicados en casos de corrupción na Administración de Feijoo, e isto sigue.

31/10/2011 10:45 mmarcos #. sin tema No hay comentarios. Comentar.


Blog creado con Blogia. Esta web utiliza cookies para adaptarse a tus preferencias y analítica web.
Blogia apoya a la Fundación Josep Carreras.

Contrato Coloriuris