Facebook Twitter Google +1     Admin

Se muestran los artículos pertenecientes a Enero de 2012.

RAJOY NON MINTE

20120101124859-toooby.jpg

Rajoy non mintiu durante a súa campaña electoral, simplemente non dixo a frase completa: dixo que non ía subi-los impostos...ós máis ricos (iso era o final da frase). Subíu os impostos ás rendas do traballo, e subíu, para que non se diga, a algunhas rendas do capital (e non a todas), nunca cantidade ínfima. Asi que si coñecedes algún votante do PP agradecédelle que este ano non poidamos nin soñar.

01/01/2012 12:48 mmarcos #. sin tema No hay comentarios. Comentar.

ENGANO OU DISTRACCIÓN

20120102110730-imagescalh40gg.jpg

 

   Vendo as declaracións de partidos monárquicos como o PSOE (haberá quen di que non o é) ou o PP, que fan do aceno de claridade orzamentaria da Casa Real, quédome asombrado do pouco que teñen en estima a nosa capacidade de comprensión. Sabendo o que nos costa o tinglado que teñen montado os políticos, e  vendo eles que as cousas lles saen mais que redondas, á panda de vividores e sátrapas  que soportamos, non conformes con vivir unha vida de regalía a nosa costa, aínda nos queren manipular cos seus lamedoiros e construción de realidades obscenas, e que non pensemos, que non teñamos a nosa propia opinión dos feitos

 

02/01/2012 11:07 mmarcos #. sin tema Hay 2 comentarios.

AFORRO E EFICACIA

20120103111243-265-107902-a-zzzzzzzzzzzzzzzzzzzzzzzzzzzzz.jpg

 

 

   Nin unha cousa nin outra. Quere o PP que comulguemos con rodas de muiño. Presentan como un aforro a división do mando da policía; aínda van mais aló; segundo o PP haberá mais eficacia policial. Sen entrar na idoneidade do mando; especialmente o Sr Fernández de Mesa é de sobra coñecido, tanto pola súa formación académica como polo seu entusiasmo do vello réxime. Especialmente pola súa traxectoria nos cargos que tivo no pasado, dentro do PP,  deixa unha traxectoria de eficacia. No seu haber, amigo intimo de Rajoy, que é o que mais puntúa. O Director da policía, coñecido activista no Congreso dos Deputados, da fundación FAES e, sobretodo, un dos inventores do caso FAISAN. Non é xente que lle gustaría a ninguén ter o seu lado.  A desactivación da investigación do caso GÜRTEL será o primeiro éxito da división policial; o segundo, prepara-la resposta represora ós cidadáns. A pregunta do millón. Non compartiran información, xa que non hai coordinación entre os dous corpos policiais. Houbera sido mellor suprimir un corpo, pero os intereses do PP non van pola eficacia.

03/01/2012 11:12 mmarcos #. sin tema Hay 3 comentarios.

QUÉ DIRIA

20120104104041-article-1318093-0b803914000005dc-954-306x423.jpg

 

  Qué diría Unamuno da equipa económica do PP ó falar do principio do  principio dos recortes. Non sei realmente o que diría. Si o que  dixo Montoro estando na oposición, contrario á suba de impostos:  “baixando os impostos recádase mais, por iso o PP os vai baixar:”. Faltoulles tempo e sobráronlle desculpas pra cargar contra das clases baixa e media.

    No PP Teñen que estar a partiser o cu da risa, escarallándose de todos eses empregadiños de dereitas (pp+psoe) que ven minguando o seu poder adquisitivo e que seguen votando a quen só e exclusivamente velan polos moi ricos. Diríalles que se fodan, por bobos, pero non o direi porque tamén están a foder os demais pola súaculpa.

    Rajoy e o lado escuro do pder; o yoda, o que sen dúbida se asemella Montoro, si  fora do PP,  diría:

"O apego ás cousas lévanos ós celos" – por eso nos vos  alixeiraremos ós petos

"O apego ós celos conduce, a negra sombra da cobiza é"
Queredes comer tres veces ó día; sodes uns cobizosos


"O crepúsculo chega e a noite debe caer, así é a orde das cousas, a orde da forza,".A noite chegou con nos (o PP), e nos temo-la forza

"O medo é o camiño ó lado escuro"Para que as tentacións non vos perdan, a garda civil e a policía están prestas

"O noso encontro non foi unha coincidencia, nada acontece por accidente. Encontralo foi vontade de Forza". E do teu voto

"O medo lévache á ira, a ira lévache ao odio e esta ó sufrimento...”, Así que deixate dominar, non  te resistas, nacihe para ser dominado

"A guerra non o fai a un mais grandioso". Por eso non hai mais memoria histórica; a historia é a nosa, a dos vencedores

"Difícil a miña misión é, pero imposible non". Recortarein o que faga falta e o que me pete

Ben, calma, si; a través de forza verás cousas outros lugares, o pasado, o futuro, os vellos amigos que se foron... " que vos agardan nas cunetas

"Sempre en movemento está o futuro". O noso.  Vosoutros non tedes futuro

"Moitas verdades que cremos dependen do punto de vista". A do PP é ha que hai. Ela é a verdade

"Non, non o intentes, faino ou non o fagas, pero non o intentes". Date por fodido

"Ten moi presente que o teu efoque determina a túa realidade" . Non penses distinto. Convenche créelo que che digamos.

"Sempre ha de haber dous, nin máis nin menos. Un mestre, e un aprendiz". O mestre son eu, o aprendiz tú. Limita te ó teu papel.

 

04/01/2012 10:40 mmarcos #. sin tema No hay comentarios. Comentar.

MENTIRAS SOBRE O DEFICIT

20120105102330-11669329-cc3dc5cce3-m.jpg

 

    O déficit non é solo o que agora di o PP, moi posible sexa maior. O PP, acostumbrado a mentir, minte hasta cando di a verdade, fanse de novas. resgan as vestiduras e intenta votarlle a culpa da suba de impostos a un déficit superior o declarado polo goberno anterior. O incremento do déficit previsto é producido polo desorde financeiro das CA, a maioría gobernadas polo PP.  Dende maio, data das derradeiras eleccións autonómicas e locais, o déficit destas administracións non deixou de medrar. O PP opúxose a que se acordara unha redución do déficit coas CCAA na pasada lexislatura. Dáme carraxe defende-lo PSOE; pero non soporto esta perda de memoria do PP. Coñecían o déficit mellor que o goberno. Escandalízame os seus xestos; por obscenos.

 

05/01/2012 10:23 mmarcos #. sin tema No hay comentarios. Comentar.

FINOU

20120106185254-bandeira-galega.jpg

 

 

   Finou un visionario, un emprendedor, un exemplo de un amor á terra herdado dos seus ancestros, un conservador libertario. No ceo brila unha estrela mais, mentres un lume entre nosoutros se apaga. O teu maxisterio permanecerá entre nos. Sempre estarás nos nosos corazóns. Descansa en paz Isaac

06/01/2012 18:52 mmarcos #. sin tema No hay comentarios. Comentar.

OS BOCAZAS

20120107105953-pez.jpg

  

    Pol boca morre o peixe. Os bocazas non saben o que din. Son unha especie sen continencia verbal, bos pra ladrar, pero nada mais, cando se teñen certas responsabilidades hai que saber o que se di. O PP quería buscar unha desculpa pras medidas que tomou e colleron o camiño, xa coñecido, de  botarlle as culpas os demais. Non se privaron de soltar os mais gordos epítetos. Entre eles; Soraya, a ministro do paro, Boca Negra e Arias Cañete revalidaron en dicir animaladas. O resultado: un susto ós mercados; algo que, sen dúbida non pretendían, pero que lograron. O efecto Rajoy non deixa de ser unha traca; a situación económica empeora a prima de risco medra; e Rajoy agochado, mentres os seus ladran. Os palurdos piden o PP caña, sen saber onde nos levará a irresponsabilidade dos bocazas. Hai un dito: “si non podes mellorar o silencio, cala”. Iso debían facer.

07/01/2012 10:59 mmarcos #. sin tema No hay comentarios. Comentar.

A BECARIA E O FRAUDE

20120109112308-lisa-20simpson.jpg

 

     Dixo a becaria que se ía a inicia un plan de loita contra do fraude fiscal, e que esperaban recadar 8.000 millóns de euros. Tendo en conta que se estima a existencia dun fraude fiscal de entre os 60.000 millóns de euros e os 150.000 millóns de euros, o obxectivo do goberno parece mais ben modesto. Ou ben o plan é de cara a galería, ou se pretende deixar á marxe da investigación as grandes bolsas de fraude, o cal é moi posible. Unha adecuada lexislación, houbera sido mais efectiva que calquera custoso plan de investigación e mais sinxela.  No exercicio pasado facenda recadou mais de 10.000 millóns de euros por este concepto, pero agora o obxectivo é menor e, por riba chámanlle plan ; soa a estrataxema, a querer facernos crer que intentan facer algo novo, que agora hai lei e se vai cumpri-la lei. Como si fóramos monos e hasta agora viviramos na selva. Os Botín parece que ían paga-lo f raude; nesto apareceu de la Vega e as actas volvéronse fume. Agora, mais do mis mo. Investigar ós currantes

09/01/2012 11:23 mmarcos #. sin tema Hay 1 comentario.

A MESA

 

   As mesas soen ter catro patas; tamén os que debían responder da crise forman unha mesa de catro patas: Airexa, sindicatos, políticos e banca. A airexa é a maior posuidora de patrimonio do pais, en parte grazas a un privilexio hipotecario do ano 1946, que lle permite inscribir bens o seu nome sen necesidade de título, e sen pagar nin un euro de impostos, pero tamén está exenta de pago de impostos por calquera adquisición ou actividade que realice; pra mais participa no imposto do IRPF e  o Estado dálle unha subvención suplementaria que non baixa dos 10.000 millóns de euros ó ano. Os sindicatos, a mais dos liberados, que indirectamente todos pagamos, reciben unha cuantiosa subvención do Estado; por iso os líderes sindicais tragan moitas falcatruadas dos gobernos que prexudican ós traballadores. Os políticos, aínda que os hai honrados, son un neal de privilexios e corrupción. A banca evade impostos e recibe axudas escandalosas do goberno, entre os directivos, moitas veces incompetentes, repártense beneficios, aínda que non existan. Non hai ningún banqueiro no cárcere. De centro de mesa as SICAV, e con elas tódolos grandes patrimonios e especulacións.

 

10/01/2012 11:09 mmarcos #. sin tema No hay comentarios. Comentar.

O AVE GALEGO

20120111105400-carro-de-bois.jpg

 

   Os periodistas intentaron que a Ministra Pastor dera un data pra chegada do AVE; non houbo maneira. Solo lles contestou que vai paga-las obras rematadas. Non vai ser doado. O primeiro que fixo o PP e reter tódalas disponinbilidades de crédito. Isto supón que  os créditos afectados a un contrato vanlle a dar outra finalidade, e a obra queda sen pagar. Primeira consecuencia: xenérase un endebedamento encuberto, non computabilizable a efectos de déficit. A empresa acredora queda nunha difícil situación económica. Haberá mais paro, arruinaranse empresas. Que mais da, Todo sexa pra mais gloria do PP. O  importante: ¿Van a continua-las obras do AVE ?. Complicado, algunhas empresas xa levantaron o pe do acelerador e o pesimismo e a norma. Na Xunta pasouse dunha reivindicación constante a un cómplice silencio.

11/01/2012 10:54 mmarcos #. sin tema Hay 2 comentarios.

UNHA AUSTERA REMODELACION

20120112104532-imagescatavebc.jpg

 

 

     Alguén pensou  que co gallo dos novos nomeamentos, ós que se vía obrigado a facer Feijoo, se ía aproveita-la ocasión pra facer unha remodelación; nunha situación normal houbera sido o lóxico, pero isto non é unha situación normal. O lóxico houbera sido remove-la conselleira de Traballo, porque o paro, que Feijoo prometera arranxar en 45 días, representa o de mais acelerado crecemento de España e, de seguir así, pronto se situará á cabeza do Estado. O problema pra Feijoo non é baladí. Tódolos conselleiros acumulan méritos pra ser cesados, visto dende o punto de vista da eficacia e da corrupción. Iso visto dende un punto  de vista alleo. Mais, canto da corrupción e da ineficacia non lle é imputable a Feijoo. Feijoo non precisa conselleiros eficaces, precisa conselleiros leais; que si fai falla poñan unha pinza no nariz e sexan capaces de face-los chanchullos que lles ordene Feijoo. Por iso non podería cesar ó conselleiro de Industria, metido no asunto dos muiños de vento, o IGAPE, ect; nin o conselleiro de obras paradas, enfangado co de SOGAMA, concursos de obras, persoal, ect,.  Nomeou pra Sanidade á implicada nas oposicións do SERGAS, construción do hospital de Vigo, etc.. (tería moito que agradecerlle). O que se di un bo curriculum. Un antigaleguista confeso en cultura, bo pro proxecto Feijoo, de borrar toda pegada diferenciadora. E así o  resto.  O mais do mais, segundo Feijoo, querían leva-lo  Conselleiro de Infraestruturas. Posiblemente de encargado da fotocopiadora. Os outros conselleiros que  levaron pro Goberno Central foi pra postos de segunda ou terceira categoría. Non debían ver neles moita  valía.

12/01/2012 10:45 mmarcos #. sin tema No hay comentarios. Comentar.

CÁL É MAIS

20120113100810-maggie-simpson.gif

 

   Atónitos asistimos a  unha carreira  entre  políticos  pra ver  que partido é mais corrupto. Hai argumentos que todos poden utilizar. Non me parece lóxico que o Partido Socialista de Andalucía non coñecera este caso de corrupción. Os superiores do corruptos son tamén culpables por non denuncialos antes; consentidores, encubridores. O daquela ministra, que accedeu ó cargo á temprana idade de 26 anos., con pouca experiencia e abelencias coñecidas, e menos bagaxe cultural. É algo tarde pra escandalizarse. Non menos me chama a atención os peperos que arman un monumental barullo con este caso, por moi chamativo que sexa; con el queren facer unha extensión a todo o Partido Socialista. Parece que mercaron coca con cartos públicos, tamén que se foron esmorga; pero que miren en Castellón, onde a noiva, ou o que sexa, de Fabra (que ten cinco sumarios pendentes), a nomearon vicepresidenta da Deputación, cun mísero salario de  5.000 eurillos ó mes; e así en tódolos lugares onde goberna o PP, incluída Galiza. Os corruptos, sexan do partido que sexan, teñen que estar no cárcere. Quedarían moitos chupes ceibes.

13/01/2012 10:08 mmarcos #. sin tema Hay 1 comentario.

O MAGO DAS FINANZAS

20120114102718-article-1318093-0b803914000005dc-954-306x423.jpg

 

  Montoro, o que figuraba como o mago das finanzas do PP comparece no  Congreso. El foi a quen elixiron pra comparecer no Congreso, non solo polo seu parecido co  Yoda, senón por ese   vago aspecto de mago  e  porque se mantén serio, cando di que  descoñecía o  déficit. A  falta de Presidente do Goberno,  que si de verdade existe, non se ve por ningures, comparece Montoro. Sometíase a convalidación o RD polo que se adoptaron  a suba de varios impostos. Concorrían dúas cousas que precisaban explicación; o PP prometera non subi-los impostos, contradicindo o seu programa  subiunos; subiron o impostos ás clases medias e baixas. O corte establecéronno en 53.000 euros de salario ó ano. Parece que todos, menos o PP,  sabían que había que subi-los impostos . Incluso as Axencias de Calificación presumían un déficit maior. O PP xa dixera que o déficit ía ser maior. Iles sabíano ben, tiñan datos que o goberno ignoraba; porque as CCAA, gobernadas, na  súa maioría polo PP, mentíanlle ó Goberno. Así as cousas, a culpa  da suba de impostos, facendo recaer o esforzo sobre os mais febles, é do malvado PSOE e do xudaísmo internacional, que senten envexa da católica España de Rouco.                                 

14/01/2012 10:27 mmarcos #. sin tema No hay comentarios. Comentar.

DOS DERRADEIROS ESLAVONS

20120116111231-44955-806-550.jpg

 

    Non foi o eslavón perdido   entre o home é o mono; pero si foi o último eslavón perdido entre o franquismo e a democracia. Falar de Fraga como un gran demócrata sería facerlle a última burla.  Fraga er un home  que non entendía a vida sen poder. De aí, a súa adaptabilidade á democracia. Si houbera que definilo cunha soa palabra sería “temperamento”. A prolongada permanencia no poder, fixo del un ególatra; quería deixar unha pegada , que lles recordara ás xeracións vindeiras o seu paso polo poder. Franco xa tiña  “o valle de los caidos”.   Os aduladores inventáronlle a Cidade da cultura. Un monstro come cartos,  sen proxecto definido, que o glorificaría na  historia.

16/01/2012 11:12 mmarcos #. sin tema No hay comentarios. Comentar.

VERTEBRACIÓN

20120117104431-106521.jpg

                      .         

      España con 17 gobernos, ten xeitos  de gobernar que se contrapoñen, e mesmo se opoñen entre si, e entre os gobernos autonómicos e o Goberno  Central, sen outra motivación que manter unha parcela pra colocar lealdades, e dende alí, socava-lo goberno do Estado  pra alcanza-lo  poder. O café pra todos, demostrou que solo é unha maneira de despilfarro e  desorganización.  A creación artificial de autonomías, lonxe de constituír un elemento  equilibrador da organización do Estado, pon  de   manifesto a súa inutilidade e a súa  nocividade pro conxunto do estado.  Pasado o   experimento  e hora de  poñer un novo rumbo e que solo aquelas CCAA que teñan xustificada a  súa razón de ser continúen como tales; doutra, o establecemento dun estado federal, debidamente vertebrado,  é a única opción.

     O problema é qué solución se lle da a territorios, como Galicia, ocupados por gobernos, que en lugar de gobernar, usan as súas enerxías e medios en aliena-la poboación. A  cuestión galega ten unha difícil solución, especialmente si  temos en conta as xeracións xa perdidas, que ven no propio, por obra do complexo de inferioridade que lle inculcaron, unha eiva do seu. A  cousa xa raia o ridículo cando vemos a unha parella que entre si fala galego, pero que lle fala en castelán a un animal de compañía que teñen. Dentro da propia CCAA os que gobernan a Xunta non planifican as comunicacións, nin as obras públicas co obxecto de vertebra-lo pais, senón atendendo a criterios de puro clientelismo político.  

 

 

17/01/2012 10:44 mmarcos #. sin tema Hay 1 comentario.

ALGO VAI MAL

20120118101738-espio-1.jpg

 

 

  Torquemada poida que faga tempo que morreu, pero a santa inquisición segue aí, coa súa organización e o seu poder. Os correspondentes acreditados, algo inusual, transmitiranlle ó mundo o estado da xustiza española e a plena vixencia da santa inquisición, así como a corrupción, amparada polo poder e polos xuíces. Quixera crer na xustiza, pero a miña fe póñena moi costa arriba. Coa  sola iniciación do proceso, sexa cal sexa o resultado, o mal xa está feito.  Cando se encausa a un xuíz por persegui-la maior trama de corrupción coñecida, e se lle limita a defensa, impedindo que compareza o xuíz que  sostituiu a Garzón e que continou coas escoitas; cando se imputa a un xuíz por intentar reparar un mínimo do dano causado por un golpista fai sesenta anos; algo vai mal no pais.

    Se esas escoitas fosen a terroristas en vez de peperos corruptos, o xuíz que  as autorizou,  non só non lle imputaran nada, senón que lle recoñecerían o feito. Esas garantías constitucionais que invocan ían quedar validadas polo interese xeral. É a ostia esto; utilizan o cárcere para reunirse cos seus avogados e planear como estafar ó estado e branquexa-lo diñeiro. Tómase a sabia decisión (Sabia, xusta e merecida) de escoitar as súas podres conversas, e o poder vai contra ti. A xustiza xa perdeu. Miles de ollos de todo o mundo siguen o proceso, no que se inteta queimar a Garzón e a verdade, un Garzón fusilado polos franquistas, contra da parede esborrallada dunha democracia podrida. É hora de depura-la xustiza, ou temos que admitir que a mafia italiana é un xogo de nenos.

 

18/01/2012 10:17 mmarcos #. sin tema No hay comentarios. Comentar.

LIBERAL E INTERVENCIONISTA

20120119103458-corte-religioso.jpg

 

    Sectores do ensino privado, quéixanse de  que os gobernos dalgunhas CCAA non lles pagan puntualmente os concertos. Isto, ademais de problemas que xera a crise, son distorsións do mercado,  difíciles de conxugar; pois si se predica o liberalismo, cómo se pode ser intervencionista o mesmo tempo. Si houbera un ensino público de calidade non habería que caer na contradición de apoiar con fondos públicos  unha actividade privada. O que queira constituír empresas privadas que se ateña ás regras do mercado. O mesmo os que opten por un ensino privado, son libres de facelo, pero que o paguen

19/01/2012 10:34 mmarcos #. sin tema No hay comentarios. Comentar.

CREDIBILIDADE

20120120105420-preso.jpg

 

  A credibilidade dos políticos españois está  en números vermellos. Non facía falta chegar ó xiro de porca de Rajoy, cargando de impostos a quenes  non son culpables da crise, porque Rajoy xa pouca credibilidade tiña, e agora as axencias de calificación da débeda déronlle a verdadeira e incuestionable valoración do seu goberno, i é  que non se pode confiar en que se esconde; pero os aspirantes  a Secretario Xeral do PSOE, que foron partícipes das políticas de Zapatero, agora renegan del, como fixera Sampedro con Cristo. O PP, na oposición, estaba sempre coa cantinela da baixada de impostos; na campaña electoral dicía que nunca subiría os impostos, que tal medida sería insolidaria e prexudicaría ás clases mais febles. Foi chegar ó poder e fixo todo o contrario do que prometera; iso si, votándolle a culpa ós demais, unha covardía que engade á mentira. Unha lei que obrigue a cumpri-lo  que se promete en campaña, fase necesaria, aínda que  non sería ningunha garantía.  Pra demagoxia a de Montoro que promete un lei penalizando ós que gasten mais do debido. Recorda a película de Berlanga: “todos a la cárcel”. Seguro que vai empezar polos do seu propio partido:  Medio PP á cadea...o Ministro de Xustiza , Castellón, Valencia, Murcia, etc. É un demagogo. Xa está todo lexislado, solo hai que cumpri-la lei

20/01/2012 10:54 mmarcos #. sin tema Hay 2 comentarios.

IDE, E PREDICADE

20120121100608-images222.jpg

 

 

      O mesmo que Cristo mandou os seus discípulos a predicar ós xentiles a súa mensaxe; Rajoy usando os medios de comunicación, ou calquera tribuna pra predicar  a obriga na que se viu pra subi-los impostos, iso si, sempre entre xente xa convencida; tamén envía a súa infantería pra que prediquen as medidas que tan boas son pro crecemento económico e a creación de emprego. Tódolos entendidos pronostican unha recesión. As subas de impostos, por outra parte necesarias, xenerarán un retraemento do consumo, porque os impostos aplicados son sobre as persoas con pouco poder adquisitivo.  Decide que limparon a caixa, que endebedaron o pais; por iso temos que subi-los impostos; pero non digades que foron as CCAA e os concellos gobernadas polo PP as que orixinaron o furado orzamentario.

21/01/2012 10:06 mmarcos #. sin tema No hay comentarios. Comentar.

AFUNDESE

20120123103431-alarcnelcapitnsehundeco.jpg

 

      O barco da autonomía galega afúndese. Non vai a piques por problemas de suficiencia financeira, senón de mala administración. Sempre, en calquera caso, os recursos financeiros serán escasos, compre, pois, unha xestión eficaz dos mesmos. Nestes intres de dificultades económicas, é mais necesaria que nunca un eficiente    xestión dos recursos. Descoñezo a relación entre bo xestor e dependencia política. Feijoo prometera que ía acabar co paro en tres meses. Cando Galicia, no tempo das promesas de Feijoo, tiña unha taxa de paro do 11%, hoxe despois de tres anos de goberno de Feijoo a taxa rolda o 19%; non é a mais alta de España, pero si é a de maior crecemento do ritmo de  paro.  Feijoo pra manter un coeficiente de endebedamento dentro dos parámetros que sinala o Goberno Central recorre a trucos contables que non entran dentro dos parámetros de fiscalización pro computo do déficit.  Empeza a ser habitual a “colaboración” financeira privada. Pra realización de obras i explotación de servizos, recorre á financiación privada, mediante o pago dun canon anual. Este sistema, o seu abuso, pode comprometer a xestión de futuros gobernos, que se atoparan cun endebedamento, esaxerado e inesperado, ó non estar contabilizado como tal. O Tribunal de Contas xa avisou á Xunta desa posibilidade. Seguiremos.

 

23/01/2012 10:34 mmarcos #. sin tema Hay 1 comentario.

NOVO INTENTO

20120124103147-images11.jpg

 

     Nun novo intento, e coa plena actualidade do enxuizamento do  único xuíz que se atreveu a intentar facer xustiza ás vítimas do franquismo, o BNG  plantexa no Congreso unha iniciativa sobre a  investigación dos crimes do franquismo. Non cabe esperanza de que esta iniciativa teña mais éxito que a que lle precedeu. Si no primeiro intento o Congreso foi incapaz e condena-la sublevación duns  militares perxuros; agora co Congreso lixado de azul,  fai impensable que se obteñan outros  resultados, pero  fai xustiza ó xuíz que agora xulgan, e a mais de douscentos mil desaparecidos, Que ben  merecen unha mínima preocupación.  Non se trata de abrir feridas como din os fascistas; trátase de pechar vellas feridas sobre a verdade, non pechalas en falso, estendendo un manto de  silencio e mentiras sobre a nosa historia. Os fascistas que fixeron desaparecer a mais de duascentas mil persoas, aqueles  valentes que asasinaron a xente indefensa e arruinaron ó pais, foron cobardes pra quitarlle, pola forza, a Inglaterra o peñón, que si o utilizaron pra facer patriotismo populista.  E moita hora de que os que se beneficiaron coa espoliación dos bens das vítimas do franquismo indemnicen ás vítimas.

24/01/2012 10:31 mmarcos #. sin tema Hay 2 comentarios.

AS 17 DE QUERÉTANO

20120125094706-nueva-imagen.jpg

 

     Mais que nunca, o acontecemento do achádego da fosa onde estaban os restos das 17 mulleres asasinadas en Querétano (Sevilla), súmase a unha homenaxe a Garzón. É unha noticia alegremente amarga; alegre porque as súas familias poden, ó fin, dar sepultura ós restos daquelas vítimas;  amarga, porque nos trae a vivencia dun desagradable suceso; 17 mulleres asasinadas polo simple feito de ser familia de demócratas. Entre as asasinadas había, ó menos, dúas embarazadas. A xerarquía do clero foi cómplice do asasinato dos nascituros, mais inocentes aínda que súas nais. Os antiabortista, con Rouco a cabeza, van facer unha misa en Madrid, a que asistirá Mariano Rajoy, como no de Fraga. Non caben diferenzas: as vítimas, sempre serán vítimas, e os asasinos, asasinos.

25/01/2012 09:47 mmarcos #. sin tema No hay comentarios. Comentar.

NOTICIAS DE PRENSA

20120126100758-prensa301.jpg

 

 RECORTES DE PRENSA ,que son vergonzosas noticias:

O PP mantén a Franco como 'Alcalde de Honra de Salamanca
Os socialistas pediron retira-la concesión de honras e distincións durante o Franquismo
Os concelleiros do PP no Concello de Salamanca impediron onte cos seus votos que prosperase a proposta do PSOE para anula-los acordos municipais tomados nas década de 1940 e 1960 nesta casa do concello relativos á concesión de honras e distincións a Franco, entre eles, a designación de Alcalde de Honra aprobada en 1964.
03/agosto/2011. - O alcalde de Poios do Burato (Ávila) do PP esnaquiza unha tumba de vítimas do franquismo.
13/agosto/2011 A alcaldesa de San Sebastián dos Besteiros (Córdoba) négase a inaugurar un monolito ós fusilados polo franquismo...
16/agosto/2011. - O Goberno 'popular 'da Coruña mantén como fillo predilecto a un xeneral franquista José Millán Astray. (o de viva a morte, morte á cultura).
01/setembro/2011. - O alcalde 'popular de Cancil de Santiago recupera unha rúa para José Antonio Primo de Rivera. .
02/setembro/2011. - Méntrida (Toledo), gobernada polo PP, organiza unha Homenaxe á bandeira e ós caídos por Deus e por España.
15-10-2007Mayor Orella: " Por que vou ter que condenar eu o franquismo? " ... " Por que vou ter que condenar eu o franquismo se houbo moitas familias que o viviron con naturalidade e normalidade?... Era unha situación de extraordinaria placidez. "
http://twitter.com/#!/psoesantona/status/148410454216151041/photo/1
Rodeada de bandeiras franquistas e falanxistas, a alcaldesa de Santoña (PP), Milagres Rozadilla, asistiu hoxe a un acto da Falanxe en homenaxe a Carrero Blanco
Barberá rexeita revogar os títulos honoríficos outorgados a Franco ...28 Marzo 2009
Fabra edita un libro que nega o golpe militar do 36.

 

                      ! que pais!

26/01/2012 10:07 mmarcos #. sin tema No hay comentarios. Comentar.

SOLO UNHA COICIDENCIA

20120127104347-50307-jurado-tinelli2.jpg

 

 

     Despois da declaración de “non culpable” de Camps, a Rajoy preséntaselle un problema. A cuestión é que facer con Capms. Algunhos peperos xa saíron en tropel a defender a Camps, entre eles o Boca Negra e a Cospedal. Como diría Trillo: manda ovos; que sexa a Cospedal a que fale das infundías  sobre Camps, ela que non reparou en lixar a honra de moita  xente, que nunca tivo reparos en latricar o primeiro que se lle viña a boca, fose ou non certo, sen que nunca amosara o mais mínimo arrepentimento. Os Deputados autonómicos valencianos formaron parte de listas elaboradas por Camps, e xa vai tempo que veñen organizando un pronunciamento. A sentencia sobre Camps non é definitiva, pero a Rajoy xa lle xurdiu un problema. Eu suxírolle que, pra cumprimento dese código  ético que volveu a publicar, nomee unha comisión formada por Costa e Camps pra persegui-la corrupción dentro do partido. O xurado do caso Camps estaba formado, salvo tres, por xurados menores de trinta anos. O dirixente das xuventudes peperas visitou  o  hotel onde  os membros do xurado; podía ser unha coincidencia, pero unha película  americana que vin sobre o xurado, no caso dun xuízo a un membro da mafia, deixoume mal corpo

 

27/01/2012 10:43 mmarcos #. sin tema Hay 1 comentario.

A DINASTIA

20120128111702-0632043001260880329-a-unica-candidatura-confirmada-ate-o-de-agora-e-a-do-propio-fillo-de-baltar-xose-manuel-baltar-blanco.jpg

 

       Neste pais, os cargos públicos parece que se herda por dinastía; non solo a coroa, tamén as presidencia das deputacións; así parece que o entendesen os Baltar. Durante os anos de poder provincial,  Baltar teceu unha ampla rede clientelas, na que apoiou un poder absoluto sobre a provincia. Feijoo fixou a meta de ser o único patrón.  Non quere patróns intermedios; quere ser o único patrón. O gran cacique. O que ten que  pensa-la xente é cal dos dous; Baltar ou Feijoo é mellor cacique. Unha cousa é  segura: os dous son caciques e usan as mesmas técnicas. Feijoo usa os traballos  e as obriñas, así  como as subvencións  pra asenta-lo seu poder caciquil. Nada mais chegar ó poder fixo unha tortilla coas probas selectivas que estaban en curso pra colocar xente; agora inventou o das Axencias pra seguir colocando xente a dedo; todo no puro estilo Baltar.

28/01/2012 11:17 mmarcos #. sin tema No hay comentarios. Comentar.

CRONÉTRO EN MAN

20120130103634-1975855-cron-metro-en-mano-con-un-cielo-de-fondo.jpg

 

   O Conselleiro de Infraestruturas paradas, tamén coñecido polo alcume de “o superconselleiro”, andaba co cronometro na man, pra acosar ó goberno central  co asunto do AVE. Hai que ve-la metamorfose que sofre Hernández. Agora o corredor A Coruña-Vigo, moi necesario adiase a mediados do 2014, data desexada, pero non probable. Os tramos pendentes coa meseta non se sabe aínda pra que data se adían. Os xa rematados ou en construción sustráenselles os orzamentos comprometidos. Algún día pagaran e intentaran aparecer como os salvadores.

 

30/01/2012 10:36 mmarcos #. sin tema Hay 1 comentario.

NA QUEBRA

20120131101157-bng-02.jpg

 

      Cando  falamos dunha quebra pensamos nas numerosas  ruínas           económicas que se producen tódolos días . Nembargantes, neste caso a ruína será política. O BNG pártese pola metade. E isto non é unha metáfora; desgraciadamente é a constatación dun feito que quedou patente na asemblea de Ameo. A ausencia da falta de vontade dun proxecto nacionalista de unidade quedou patente na presentación de dúas candidaturas opostas, non alternativas.unha e outra deron mostras de querer excluír ó contrario e apartalo  dun proxecto único. A repartición en case un cincuenta por cento pra cada opción, evidencia a existencia de dúas sensibilidades, que teñen concepcións ideolóxicas de difícil convivencia nun proxecto común. A manifestación de pareceres distintos foi sempre típica do BNG, dado o seu carácter asembleario e democrático. Neste caso o  asunto parece serio e  a ruptura moi probable; falta por ver o rumbo que toma cada corrente nas próximas datas, e ver si a UPG deixa parte do seu dogmatismo e da cabida ós demais. A Feijoo tocoulle a lotería sen xogar; porque os socialistas tampouco parecen moi unidos, aínda que sen dubida están moito mellor, a anos luz, do BNG.

31/01/2012 10:11 mmarcos #. sin tema No hay comentarios. Comentar.


Blog creado con Blogia. Esta web utiliza cookies para adaptarse a tus preferencias y analítica web.
Blogia apoya a la Fundación Josep Carreras.

Contrato Coloriuris