Facebook Twitter Google +1     Admin

Se muestran los artículos pertenecientes a Febrero de 2012.

LIBRES E CRITICOS

20120201104246-elroto-20060712.jpg

 

   O goberno, co aplauso entusiasta dos bispos, suprime a asignatura EDUCACION PRA CIUDADANÍA. Coñecer hábitos democráticos, fomenta-la convivencia, ampliar cultura son adoutrinamentos; a relixión non. É perigoso ensinar á xente a pensar por si mesmo, que sexan libres e críticos. Formemos borregos. Rouco pensa por nos. Manda ovos

01/02/2012 10:42 mmarcos #. sin tema Hay 2 comentarios.

ENSÍNANOS O CAMIÑO

20120202104855-gaviota.jpg

 

    Baten un reord. O PP solo leva dous meses no poder e xa ten todo patas arriba; non solo se cargan as liberdades gañadas, senón que poñen un escuro manto sobre a historia pasada, facendo dela un furado escuro. Empezan a sacar da cadea ós que, presuntamente, roubaron a man chea. O xuíz, bo ou malo, que se atreveu a por luz na historia e, os presuntos, ladróns no cárcere está sendo xulgado por estes feitos. Si non queremos que o cheiro da merda  nos impida respirar haberá que irse deste pais. O PP non nos sacará da crise, pero sacará ós corruptos do cárcere

02/02/2012 10:48 mmarcos #. sin tema No hay comentarios. Comentar.

A MACARENA IMPLICADA

 

     Camps, liberado e declarado non culpable, foi visita-la MACARENA pra agradecerlle o prodixio de que os gurtelianos estean abandonado o cárcere e se xulgue o malvado Garzón. Agora solo falta que a MACARENA interceda pra que o resto da banda tamén sexan absoltos como foi el. A Camps acompañábao Arenas Bocanegra. Non me estrañou a compañía de Arenas, pero si que estea implicada, ou se implique, no asunto á virxen macarena; xa dicía eu que aquí había forzas moi poderosas. Por certo, nesta basílica está enterrado un suposto criminal da guerra civil, Queipo de Llano, do que me da noxo falar. As pezas van encaixando.

03/02/2012 11:02 mmarcos #. sin tema No hay comentarios. Comentar.

O MAL DE ESPAÑA

20120204102145-imagescanrarda.jpg

                           

    O mal de España, ademais do paro é a desfachatez  con que menten os políticos. Como o mentir é de balde;  e por riba dalles bos resultados, teñen asumido o de mentir. O mais incrible é que os votantes ven natural que mintan. O paro é unha praga; Rajoy prometeu crear un millón de autónomos: se as autonomías e os axuntamentos gobernados polo PP lles pagaran o que deben, moitos autónomos e pequenas empresas non terían que pechar. Cunha destrución de  mais de 9000 empregos diarios en España, durante o mes pasado, na era mariana,nade no seu san xuízo  se cre xa  as promesas de Rajoy, que son igual, calcadas, as promesas de Feijoo. O mellor, como soen dicir todos, non lles entendemos ben, e a culpa é nosa, o mellor o que prometían é que acabarían co traballo. O paro  é como calquera andazo; remitirá cando xa non haxa  traballadores por conta allea;  entón os políticos gabaranse de ter acabado co paro

04/02/2012 10:21 mmarcos #. sin tema No hay comentarios. Comentar.

DIGNIDADE PISOTEADA

20120207102940-gurtel.jpg

    O xuízo a Garzón é a evidencia de que Franco vive, ó menos o seu espírito, pois a xustiza está impregnada polo espírito franquista e joseantoniano. Algunhos dos maxistrados teñen participado en actos de exaltación do vello réxime, xunto a Jiménez de los Santos, entre outros, con Pena Moa; así como significándose como a ultradereita mais dura. Dos catorce maxistrados que participan nos xuízos, solo un, non participou como instrutor dos outros xuízos. Con estes vimbios non se pode facer un cesto presentable. No fondo, persíguese a anulación das probas pra xulgar ós gurtelianos, o demais é secundario.

07/02/2012 10:29 mmarcos #. sin tema Hay 1 comentario.

HOMENAXE A GARZÓN

20120208102400-garzon-2.jpg

 

 

    A un insigne persoeiro encargáronlle que dirixira unhas palabras nun homenaxe a GARZÓN. Desta homenaxe salientaría os seguintes párrafos:

Estou aquí coma GALEGO para manifestar a nosa solidariedade e sobre todo o noso AGRADECEMENTO O XUIZ Baltasar Garzón por ter trocado nosas conciencias.O longo dos seus trinta anos de carreira xudicial foi un pioneiro en encetar loitas que outros moitos consideraban perigosas ou o que pode ser peor politicamente incorrectas.

Loita contra o contrabando

O Terrorismo,.

A corrupción.

Os crimes do franquismo.

.../...

“a transición española baseouse mais no esquecemento que na verdade”

.../...

         Fai moitos anos impresionoume  unha máxima que lin pendurada da parede da casa dun afamado letrado pontevedrés

                   “Defende co teu título de avogado o Dereito

                   Mais se algunha vez se contrapoñen o

                   Dereito e a Xustiza, defende a Xustiza”

         Eu teño a convicción de que Don Baltasar andaba a procura da verdade e en degoro da Xustiza.

.../ ...

como dixo Cabanillas 

“Amou un imposible / Amou a luz dunha lonxana estrela./ E non perdoa o mundo/ Os que mirando o ceo.Del se arredan

08/02/2012 10:24 mmarcos #. sin tema Hay 2 comentarios.

A ULTIMA VICTIMA DO FRANQUISMO

20120209113935-garzon-me-guio-la-defensa-de-las-victimas-del-franquismo-599x0.jpg

  

    Garzón é, por agora,a última vítima do franquismo, pero témome que non será a derradeira. Pódese admitir que Garzón íalle o papel dea xuíz estrela, e iso despertou moitas envexas dentro da profesión; tamén, o logo da súa carreira pisou moitos callos e con iso gañou moitos inimigos. Ousou tocar temas tabú pro fascismo español; como foi o da investigación dos crimes do franquismo; pero o catalizador de todo, o detonante foi a escoitas da trama Gürtel. As investigacións ós crimes do franquismo ían ter un limitado recorrido, pero moi importante pras familias dos afectados. Non se imputaría a ningún responsable, porque case todos morreron xa, pero os descendentes dos asasinados poderían darlles unha decente sepultura. Os fascistas descendentes dos asasinos do franquismo   viron a investigación dos crimes do franquismo como unha posible ameaza o seu status e, posiblemente o descubrimento do orixe de moitos patrimonios e a súa propia posición na escala da sociedade. Non houbo ningún tipo de depuración coa chegada da democracia, polo que algúns postos públicos son ocupados por dereito divino, aínda que os queiran disfrazar cunha oposición. O PP está moi contrariado co caso Gürtel, que é o maior caso de corrupción dos países democráticos e queren avisar do que lle pasaría a quen intente investigar. O proceso nace con importantes sombras de imparcialidade e lexitimidade. O xuíz Varela e manos limpias, chegan pra estender un escuro e sospeitoso manto sobre  da  limpeza e imparcialidade do proceso. O circo que o fascismo montou en torno  de Garzón vai traer consecuencias pros señores da Toga. Isto termina en Estrasburgo.

 

09/02/2012 11:39 mmarcos #. sin tema Hay 2 comentarios.

UN DIA TRISTE

20120210113045-chavezmarx.jpg

 

   Pódelle caer a un mais ou menos simpático Garzón; pero Garzón representa unha esencia de valores, que os ben nacidos desexarían. Solo os corruptos, criminais, narcotraficantes e especies afíns, se poden alegrar da condena de Garzón. Hoxe é un día triste pra xustiza, pra España e a humanidade; pero os corruptos, e demais, non conseguiran que esquezamos, que teñamos anceios de xustiza; non conseguiran que os disfrazados, os que lixan a Institución da Xustiza, nos leven ó desánimo e a derrota moral. Afiánzannos na crenza dos valores da xustiza, a liberdade e a democracia, e ningún golpe de estado dunha xustiza, que non cree na democracia e vive anclada no fascismo o vai conseguir. Agárdanos un camiño de sufrimentos, pero lograremolo. É hora da verdadeira transición.

   A sentencia segue unha cronoloxía necesaria, primeiro condenase a Garzón polas escoitas pra logo condenalo por investiga-lo franquismo.  Do contrario tería  unha peor presentación pública. Tamén  deixa a mensaxe pra outros xuíces que se salten o guión  terán problemas: hai cousas que é mellor non investigar e os poderosos son intocables; así haberá dous tipos de valores: as dos  poderosos e as do común.  Ó xuíz  Garzón condénano, pero acada sona e recoñecemento internacional.                

10/02/2012 11:30 mmarcos #. sin tema Hay 2 comentarios.

DE CALADO

20120211105357-imagesca6fjhal.jpg

 

     Unha reforma  de calado, pra xerar emprego, dixo  a  Vicepresidenta do Goberno, co seu característico movemento de ollos. Un insulto ó que  teña  algunha neorona. O único claro é que se facilita o despido barato. Os traballadores que accedan ó  mercado laboral sustituirán, con peores condicións, ós traballadores despedidos, pero non se crearán novos postos de traballo. Con esta reforma aínda se contraerá mais o consumo e as empresas reduciráselles mais o mercado.  Consecuencia: o paro medrará. Nin incentivos ó consumo, nin reforma de Institucións Territorial, políticas, sindicais, financeiras, ect; tampouco se toca as relacións coa Airexa. Mais  que reforma é un enredo,  un xeito de contentar a unha insaciable patronal. A simple baixada de ingresos, non as perdas,  será suficiente motivo pro despido. Rajoy, o mesmo que  dixo que non subiría os impostos, tamén prometera, en campaña electoral  que non abarataría o despido; unha  vez mais fai o contrario do que prometeu. Non sei si o goberno de España é un goberno feble, se non ten claro un programa, ou se manda os mercados; o que si cada vez está mais claro, tamén en contra do que dixo, é que España é gobernada dende Berlín.

11/02/2012 10:53 mmarcos #. sin tema No hay comentarios. Comentar.

OS INTOCABLES

20120213103432-1328956045-8b9f483447b85079081a8ea0b10b3566.jpg

 

        A portavoz do CXdoPX fixo unha agra reprimenda ós que criticaron a sentencia no xuízo do sr. GARZON. O ríspeto, ademais de debelo hai que gañalo, non chega con esixilo incondicionalmente. Hai antecendes que non resisten unha comparación. Citemos o caso do xuíz que deixou libre a un mafioso, o caso de  GIL, en Marbella,  o xuíz que vexaba as mulleres, casos de sentencias con redacción e argumentacións cachondas. Todo resolto con  amonestacións e multas benévolas. En  iternacionais de prensa e en medios xurídicos, a mais de calificar a parte dos xuíces do Supremo de pandilla de fascistas, que  puideron cometer delitos de alumnias,  encubrimento e  prevaricación. Choca  que agora o  PP  reclame  ríspeto ás resolucións xudiciais e ás institucións cando o PP nunca o tivo.  ó sr. Garzón foi condenado antes de ser xulgado; así, a sentencia dedica unha mínima parte da sentenza e trata de xustifica-lo fallo, desentendéndose das probas.   A constitución e demais leis téñenas secuestradas.            

13/02/2012 10:34 mmarcos #. sin tema Hay 1 comentario.

PODER ESCURO

20120214103506-o-rei.jpg

 

 

 A monarquía de JC naceu do franquismo, logo do 23 o juancarlismo adquire unha lexitimación, intentando vincula-la democracia á monarquía. Non falta quen opina que o golpe do 23f foi unha opereta montada pra lexitimar unha forma de goberno. Non faltan razóns pra pensar así; aparecer como o salvador,que renegado vello réxime e eríxese como garante da democracia. Cambio aparente pra que todo siga igual. Democracia e monarquía foron conceptos que nunca conviviron en España. De aí que se necesitara un golpe de efecto. As dúbidas sobre a convivencia entre democracia e monarquía medran co caso Urdangarín, no momento en que o xuíz que leva o caso está sendo investigado polo CXPX. Un xeito de presiona-los xuíces na linea do que se fai con Garzón.

14/02/2012 10:35 mmarcos #. sin tema Hay 1 comentario.

EQUILIBRADA

 

   Pra comprendelo linguaxe do goberno vaise editar un novo dicionario que recolla a terminoloxía do goberno actual. A Ministra do paro di que a reforma do mercado laboral é equilibrada. Non sei o que significa “equilibrada”; antes significaba certa equidistancia das posturas opostas. Agora no dicionario de sor Fátima significa poder absoluto do capital. O obxectivo, di, é crear emprego. Pois parece que colleu o camiño equivocado; porque o emprego crease  con reactivación económica, que é o que pretende facer Obama co investimento de 800.000 millóns de dólares en obras públicas. Dentro dun ano o paro dispararase, pola sinxela razón que nade poderá consumir. Fátima entenderá moito de catecismo; de economía nada.

15/02/2012 10:31 mmarcos #. sin tema No hay comentarios. Comentar.

EQUILIBRADO

20120215103433-sorpresa.jpg

 

 

   Pra comprendelo linguaxe do goberno vaise editar un novo dicionario que recolla a terminoloxía do goberno actual. A Ministra do paro di que a reforma do mercado laboral é equilibrada. Non sei o que significa “equilibrada”; antes significaba certa equidistancia das posturas opostas. Agora no dicionario de sor Fátima significa poder absoluto do capital. O obxectivo, di, é crear emprego. Pois parece que colleu o camiño equivocado; porque o emprego crease  con reactivación económica, que é o que pretende facer Obama co investimento de 800.000 millóns de dólares en obras públicas. Dentro dun ano o paro dispararase, pola sinxela razón que nade poderá consumir. Fátima entenderá moito de catecismo; de economía nada.

15/02/2012 10:34 mmarcos #. sin tema No hay comentarios. Comentar.

PARADÓXICO

20120216103308-principito-lo-esencial-es.jpg

 

   Montoro di que é paradóxico que as Axencias de cailificación de riscos baixen a calificación a débeda española, despois da tremenda reforma laboral que fixo o PP. Á marxe de que nin coas gafas ve nada, semella que as cousas se ven distintas dende o goberno que dende a oposición. Dicían que coa simple chegada do PP ó poder se ía a establece-la confianza e que este pais nadaría na abundancia.  A realidade desmíntelles. Si non se incentiva o consumo, si se precariza o emprego, se mina a confianza no futuro laboral i económico, estamos sementando a inquedanza pros mercados,  porque lles entra a dúbida de que coa desconfianza, a falta de seguridade laboral, a xente deixara de consumir. Haberá un arrefriamento da economía e dificultade en pagar a débeda. Haberá quen pense que o mercado da débeda, con baixada dos tipos de intres, é unha mostra de confianza dos mercados en Rajoy. O BCE está inundando o mercado de euros. A  esta financiación non poden acudi-los países, senón as entidades financeiras, que lles prestan o un e merca o tres; creándose unha paradoxa, a paradoxa de Merquel. O beneficio pros capitais especulativos. Pero a paradoxa mais inexplicable é  que os currantes lles voten a este PP. Todos sufriremos o resultado desta paradoxa, non podemos dicir !que lles aprobeite!. Nosoutros tamén sufriremos as consecuencias.

 

16/02/2012 10:33 mmarcos #. sin tema Hay 1 comentario.

NA BOA DIRECCIÓN

20120217111326-toxocara-20canis.jpg

 

A patronal valora a reforma laboral valora a reforma da lexislacón laboral como unha iniciativa que vai na boa dirección. Iso solo significa que queren volver ós albores da Idade Media. Votan en falta que o Goberno lles de un látego e bula pra usalo. As baixas laborais quedan prohibidas, e os traballadores seguiran producindo de mortos como criadeiros de vermes. Non se pode negar que moitos traballadores abusaban das baixas; pero o remedio non é matalos, senón persegui-lo fraude.

17/02/2012 11:13 mmarcos #. sin tema No hay comentarios. Comentar.

MALA EDUCACIÓN

20120218114646-sin-tc3adtulo.png

 

 

   Á mala educación si lle sumamos a prepotencia e os malos  modos, temos o prototipo de  Parlamentario chulesco. O Sr. De  Guindos ten arrecendos de tecnócrata soberbio, que no admite mais razóns que a súa. Nese teatro, no que se representaba unha interpelación, representase unha democracia e hai que segui-las regras; aínda  que non se sexa demócrata e se teña madeira de especulador amoral

18/02/2012 11:47 mmarcos #. sin tema No hay comentarios. Comentar.

PRO MAL RECORDO

20120220094448-programa-pepero.jpg

 

 

   Dicía Pachi Vázquez que Feijoo pasaría á historia como o presidente que afundiu a precaria economía de Galiza, ca privatización dos servizos públicos, a corrupción amparada dende a Presidencia  e os recortes do benestar e  de persoal, o despilfarro do diñeiro público, sostendo embaixadas no estranxeiro, que ningún beneficio lle reportan a Galiza. É escandaloso o luxoso palacete de Madrid, pero nada comparado ás 15 Delegacións nas que non hai ningunha actividade; noutras solo serven como oficinas electorais, sendo residual o traballo que pode beneficia-lo pais. Algunhas oficinas, ou Delegacións no estranxeiro foron creadas por iniciativa do Conselleiro de Industria, que é, con moito, a Consellería onde mais notoria é a corrupción. Despois recorta en sanidade, educación e servizos sociais; escaramuzas de redución de persoal en servizos administrativos, diferenciando ó persoal que non enchufou el, sexa do goberno que fora, e os que colocou el.

l

20/02/2012 09:44 mmarcos #. sin tema Hay 3 comentarios.

FALOU

20120221105400-0044-blair-bush-aznar-azores-01.jpg

 

 

   O  que malvendeu tódalas empresas públicas pra facer caixa, o que creou a meirande burbulla inmobiliaria coñecida, creando un falso espellismo de bonanza económica, o abeiro do que se empeñaron a maioría das familias, e que é unha das    consecuencias da nosa crise económica actual. Home baixo, con delirio de grandeza, que nos meteu nunha guerra  criminal, que sementou e segue a sementa-lo odio coa súa incontinencia verbal. O que nos aconsellaba beber tintorro pra poñernos ó volante. O que falaba de rexenerar España e deixounos a herencia dunha corrupción xeneraliza, que vivía á  sombra  do poder; el mesmo sentou na súa mesa ó mais  florido dos corruptos, e tiveron un protagonismo destacado na voda da súa princesa, espectáculo grotesco, que retrata o personaxe.  Homes baixos, con  bigote  e delirios de grandeza e complexo: Hitler, Franco e Aznar. 

 

21/02/2012 10:54 mmarcos #. sin tema Hay 1 comentario.

LIBROS CONTRA PORRAS

20120222112424-la-policia-detiene-a-una-joven-54256879879-53389389549-600-396.jpg

 

 

    Na imaxe vese a unha delicuente, unha perigosa inimiga coa que se enfronta a policía e o delicados que son con ela.

    Hai  que poñer en dúbida as conviccións democráticas do Ministro de Xustiza, despois de dicir que a actuación da policía en Valencia era pra garanti-la nosa liberdade, que a policía foi agredida pola chiquillada. Nos vídeos vese como os rapaces e rapazas agriden a unha equipada policía, chocando as súas cabezas coas porras da policía; unha policía, preparada, segundo o xefe da policía, pra         enfrontarse o inimigo. Chamarlle a unha protesta de alumnos dun Instituto inimigos, denota un espírito guerrero, incompatible coa función da policía de mante-lo orde público. O poder transforma ás persoas; era este mesmo Gallardón o que se cría na ala liberal do PP. Pouco tempo tardou en quitarse a careta; xa o fixo antes cos   ataques ós dereitos civís amosando o seu verdadeiro ser, agora pon a guinda cos menores de Valencia. A actuación da policía non é a típica da extralimitación ailllada de axentes, senón a programación dun ensaio e advertencia do goberno, semellante á que fixera a Lexión Cóndor en Guernika. Os nenos , teñen razón os do PP e a policía, van armados con uns obxectos que non identifican, pero que deben ser moi perigosos; fan apoloxía da democracia e a liberdade, si se poñen en contacto coa materia gris do cerebro, o pensamento único corre perigo. A policía solo usa a cabeza pra leva-lo casco e os do PP, algúns, pra urdir tramas

22/02/2012 11:24 mmarcos #. sin tema Hay 2 comentarios.

LIBERALIZAR

20120223112416-privatizar.jpg

 

 

  Non hai lugar pra dicir, algo queda sen liberalizar, porque si algo queda está o PP pra poñérllelo na man dos seus amigotes. Non se resiste a sanidade, non se resiste a educación; aínda que non deixa de ser sorprendente que o goberno volva a permti-las posicións especulativas á corta. É dicir, a especulación pura. O Goberno parece mais preocupados en que os especuladores gañen mais, sen importarlle a recuperación do país. O sr Cañete, no seu puro estilo, quere cubrir de cemento e de granxas mariñas, o pouco litoral que segue virxes. Non hai quen os encha; estes non teñen límites.

    Un estado minimizado e escuálido, sen poder para regular e garantir nada deixa ás bandas capitalistas mans libres para levar a cabo a propiación dos recusos públicos; sen ningunha barreira, matando a galiña dos ovos de ouro; así  un traballador precario consume precariamente, e mentres aumenten estes, ameazan con facer desaparecer os postos de traballo "normais" que garanten poder comer e vivir minimamente. O mercado  do traballo será como unha praza de comercio de escravos onde se cotiza a man de obra para explota-la sen ningunha regra de protección.
    Liberaliza-lo todo, privatiza-lo escencial, leva con si a desprotexe-las grandes masas de traballadores de tódolos estamentos. Xa non afectará só ó obreiro, senón ás mal chamadas clases medias; así como a mediana burguesía obtusa, miope, clerical, avara e ignorante, que non ven o perigo que pende sobre as súas cabezas. Os pequenos  aforradores non  terán ningunha seguridade de que os seus haberes tamén sexan tocados en beneficio dunha oligarquía voraz e avara, que concentra o gran capital e riqueza, pero que non pasa mais alá do 1% da poboación. Haberá unha concentración da riqueza e rendas parasitarias improductivas en presurizo das maiorías.
    Este é o modelo de Mariano o breve, aplaudido polos empresarios e a egresa, que se fregan as mans pola repartición do botín producido pola crises, da que eles mismos son responsables.

23/02/2012 11:24 mmarcos #. sin tema No hay comentarios. Comentar.

A HSTORIA INVENTADA

20120224111434-franco-1.jpg

 

 

  As consecuencias da ausencia de unha transición democrática, non solo se ve no xuízo de Garzón. A contaminación e manipulación da historia, recollida nun libro editado cos auspicios, da que debía ser unha Institución científica e seria coa Historia, puxo colorados e   revolvéronselles as tripas ós expertos historiadores e científicos. Mais dun incluso vomitou co noxo, cando O Diario PBLICO revelou que no dicionario bibliográfico da Real Academia da Historia, subvencionado con case seis millóns de euros, dicíase que Negrín era un ditador e que Franco era un valeroso militar  que montou un réxime “autoritario, non totalitario”. O feito viviuse con asombro fora das nosas fronteiras, e púxonos, de novo,  fronte á realidade da nosa podrida sociedade. Editores e científicos decidiron elaborar un dicionario alternativo, baseado en feitos reais.  Non é solo o PP, nin os fachas, que viven sentados nas cadeiras, das que debían ser venerables Institucións, tamén o PSOE ten que asumi-la súa culpa; pois os feitos ocorreron baixo o goberno do pusilánime Zapatero. Por moito que queiran reescribi-la historia, non poderán ocultar que Franco foi un ditador xenocida. Agardo con impaciencia que salia a venda o libro pra mercalo.

 

24/02/2012 11:14 mmarcos #. sin tema Hay 2 comentarios.

HAI QUE ROUBAR MAIS

20120225112109-ladrones-guante-blanco11.jpg

 

 

    O da exdirectora da CAM motivou un río de comentarios. Estráñase a peña das pretensións de Amorós. Non ten tanto de raro que pida indemnizacións polo lucro cesante, polos danos a súa imaxe, calificando o seu cese como despido improcedente. Os outros executivos das demais caixas tamén arruinaron as Entidades que dirixiron a tivo o Estado que rescatalas. Os directivos marcháronse con escandalosas indemnizacións, e non pasou nada. Por iso vexo normais as pretensións de Amorós. Neste pais, si roubas moito on tes que reocuparte. Hai de ti que furtes 1500 euros pra salva-la casa dun desouzo, ou unha barra de pan pra engana-la fame dos teus fillos; irás á cadea por mito tempo. O de Amorós é un caso moi similar ó de Tedy Bautista. Conclusión, si roubas, hai que roubar moito. Nalgúns casos incluso non terás que recorrer á desagradable experiencia de acudir ós tribunais. Sen ir mais lonxe, a multitude de altos cargos das caixas galegas, que despois de arruinalas, marcháronse pra casa cun cuantioso botín. Si se pode dicir que os políticos contribuiron a afunda-las caixas, no  caso da CAM o PP valenciano  tiña nela o seu banco privado.

 

25/02/2012 11:21 mmarcos #. sin tema Hay 1 comentario.

AS PRIORIDADES DO RÉXIME

20120227103407-41800-104054672961766-1532-n.jpg

 

     Reforma-la lei do aborto e outras leis de contido social, como unha prioridade do goberno, da idea do que é importante pro PP. Xa en Galicia sabemos o que pro PP é importante. Destruír, borrar tódalas pegadas do goberno anterior, son programas, non publicado, deste goberno que pretenden mais deus pra nos e mais euros pra elles. En primeiro lugar quere contentar á airexa, en segundo lugar ós poderes económicos; non os mercados; si  contenta ós mercados é algo que lle ven imposto dende fora, e fai o mesmo que faría outro partido no seu lugar. O paro queda moi ben como cartel electoral, pero despois deixa de ser prioritario. Agora parece que é prioritario modifica-los programas das oposicións de maxisterio. Verdadeira kafrada. Neso tamén actúan como o fixo o PPg nas oposicións da Xunta e do SERGAS. Polo que se ve é marca  da  casa.  

27/02/2012 10:34 mmarcos #. sin tema Hay 2 comentarios.

NON CADRA

20120228110111-libertad-arrestados-protestas-estudiantiles-valencia-tinima20120217-1193-5.jpg

 

   Non cadra que teñamos aeroportos sen avións e aulas se calefacción, bateres sen papel hixiénico e chourizos na rúa ceibes, farmacias ás que non lles paga o goberno autonómico e circuítos de fórmula un. Duques que saquean a facenda, e facenda superendebeda, xuices que destapan mafias corruptas e son procesados, mentres os chourizos saen ceibes. No medio estudantes, que non son estudantes, senón terroristas que non agradecen os recortes que o goberno fai no ensino público pra preserva-lo ensino privado da crise. Uns estudantes que pretenden ter os mesmos dereitos que os do  ensino privado, que non asumen o papel  que lles asigna o goberno do PP, man de obra barata, sen cualificación. Hai que ser comprensible co Director da Policía, que vía unha boa oportunidade de proba-la preparación da policía pra reprimir futuras protestas de famentos e desesperados, que non agradecen a miseria pra alcanza-lo reino celestial

28/02/2012 11:01 mmarcos #. sin tema Hay 2 comentarios.

MARI LOLI

20120229104023-cospedal.jpg

  

      Mª Loli non minte; non di a verdade: si mente  faino polo noso    ben, e iso non é mentir. Curioso, usa os mesmos razoamentos  que os maltratadores. Das moitas estulticias que saen pola súa boca, destacaría a do déficit, perdoable cando fala como Presidenta de Castela a Mancha, porque esta CCAA era gobernada polo PSOE e tiña un déficit tremendo; pero si fala como alto cargo do PP minte, xa que o déficit tan elevado ten a súa orixe nas CCAA, gobernadas, na súa maioría, polo PP. Foi moi posible que os Presidentes das Autonomías lle mentiran ó Goberno Central, incluso, que os baróns das CCAA do PP non lle dixeran a verdade a Xénova e ela ignorara a  realidade. Unha cousa é certa, tan metida está no papel de oposición que en lugar de gobernar dedícase a votarlle a culpa á oposición. Ela, acumulando sueldos estratosféricos, e outros roubando, son culpables  de que non se acade o déficit; porque xa non nos queda onde recortarlles ós traballadores e pensionistas. As súas receptas son: baixalos salarios, menos o seu, e privatizar educación e sanidade. Os dependente que se busquen a vida, non é un problema seu. Deus non está cos eivados, porque el é a perfección. Ela está do lado de Deus. Si se privatiza a sanidade e o ensino, é porque hai negocio, n on pra dar un mellor servizo. Esa a súa filosofía política.

29/02/2012 10:40 mmarcos #. sin tema No hay comentarios. Comentar.


Blog creado con Blogia. Esta web utiliza cookies para adaptarse a tus preferencias y analítica web.
Blogia apoya a la Fundación Josep Carreras.

Contrato Coloriuris